الموضوع: قنطرة الأوبترا

معقول يا جماعة 40 مشاهدة ومفيش ولا رد واحد

امال فين الرجالة الاوبتراوية

المشاركة الأصلية كتبت بواسطة afrtow

معلش مهو اكيد عدم الرد ناتج ان محدش مر بالتجربه ديه قبل كده ومش حابب انه ينصك اونطه المهم اعتقد انك احسن حاجه تدور عليه استيراد وده يا اما في الحرفيين يا اما في صقر قريش المعادي هما اللي ممكن تلاقي عندهم حاجه ذي كده وبالتوفيق بأذن الله .
شكرا

الف شكر اخى العزيز على اهتمامك


ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة

23/6/2010
4:45 am
مشرف 12 ب

المشاركة الأصلية كتبت بواسطة kemo860

انا كنت اشتريت اوبترا مستعملة من فترة
ورحت اعملها صيانة فى التوكيل امبارح قالولى ان القنطرة محتاجة تتغير لانها واخدة خبطة من تحت وتؤثر على المقص اليمين وسالت سعرها كام قالولى 3542 دة غير المصنعية والضريبة و الخ......
لو فى حد عندة تجربة فى موضوع القنطرة دة يقولى اتصرف فيها ازاى ولو فى بديل غير التوكيل
ولكم جزيل الشكر

بص ياكيمو:
القنطرة دى عبارة عن كتلة من الحديد تحت الموتور والمقصات متوصلة بيها.المهم:
أنا مرة كنت فى التوكيل وقالول القنطرة فىها خبطة ونفس الكلام بتاعك ده بس المشكلة ان دى عربيتى ومتخبتطش قبل كده فى المكان ده.المهم أنا بردو قولت أروح للسمكرى بتاعى ورفع العربية وأكيدلى ان مفيش مشاكل فى القنطرة خالص وقالى معلومة مهمة جدا ويمكن دى هيا اللى هتنهى الموضوع:
((((((((((((( قالى القنطرة لو واخدة خبطة ممكن يتعملها زرجينة وتتصلح عادى))))))))))))))))))
يبقى انت عندك حل من اتنين:
1- تروح تعمل تشيك على القنطرة وتخليهم يقيسو الزوايا بالمرة . ولو لقيت مشكلة يبقى تستعدلها.
2- تنزل الحرفيين وتسأل على القنطرة الاستيراد بكام ولو لقيت انها فيه مشكلة تجيبلك واحدة فابريكة وعمرها مهتعدى ا1000 جنيه.
أرجو انى أكون أفادتك . لأنى اتعلمت من توكيل شيفروليه ان مش كل حاجة يقولو عليها بايظة يبقى لازم أصلحها بالجديد.