حاسس انكم عايزين تباركولي عشان جبت لووووووووجي
الحمد لله ربنا اكرمني و استلمت عربيتي اللوجان فول اوبشن يوم التلات اللي فات و رخصت السبت اللي هو امبارح ... و ده طبعا بعد دراسة اكتر من سنة و صراحة اللي شجعني هي تجارب الوحوش اللي سبقوني و اشتروا اللوجان و اكيد الفضل طبعا يرجع اولا لله وثانيا اعضاء قسم اللوجان الكبار ( رنجو و حامد و فرحات و زيزو و ذكر الله و محمد 1979 و بيشوي و طبعا الكبير العقيد خالد ..... و ناس كتير طبعا معلش اعذروني عشان مش متذكر الاسماء )
انا دلوقتي عامل 250 كيلو متر بالعربية ... بسم الله ما شاء الله عليها عربية تسحق اي عربية اخري في نفس الفئة السعرية ليها ... و ده تقرير صغير كدة علي قدي عن انطباعي عن لووووجي :
- الترخيص لمدة 3 سنوات كل حاجة بالطفاية ب كلة ب الشاي ب القهوة اتكلف 1180 جنيه
- الحمد لله ما عنديش اي عضة في الفتيس بالعكس الفتيس في منتهي السلاسة . بس عندي هزة بسيطة في الفتيس بس مش رخمة اوي يعني انا بتعايش معاها ( مش عارف حلها يبقي مجموعة البريك و لا اطنشها ؟ )
- التكييف صراحة اضطريت اشغلة في مشوار علي الدائري بس صراحة لاااااا يوصف ...فعلا تلاجة
- التسارع بتاع العربية جميل تحس انها عايز تنط من علي الارض بس طبعا ما قرصتش عليها عشان التليين
- كمبيوتر الرحلات مفيد جدا جدا جدا في انك تحسس انك عارف كل حاجة عن العربية
- استهلاك البنزين مثالي جدا بالنسية لماتور 1600 سي سي ( علي الرغم اني العربية لسة في التليين )
- التقفيل الخارجي كويس الي حد ما ... و التقفيل الداخلي ممتاز و التابلوه كويس برضو
- اهم ما يميز السيارة هو الاتساع الغريب من جوة و اللي ما يظهرش عليها من برة فهي فعلا واسعة جدا من جوة و تحس انها عربية ممكن تاخد عيلتين مع بعض :C_laugh[1]:
- من العيوب اللي مش شايفها جوهرية اوي ( يعني مش مضايقاني ) موضوع فتك تانك البنزين بالمفتاح ... غلسة اوي
- الانوار الخاجية للعربية في منتهي الروعة
و ده كان انطباعي عن لووجي حبيبتي في اليومين اللي فاتو دول .... و انا اتشرف اني انضم للوحوش .... و اتشرف اني في نايل موتورز
و ان شاء الله لو في اي جديد هتلاقوني 24 ساعة شغال علي قد ما اقدر ..... خدمة تجوال لوجان :S_thum1[1]:
