نجاح السيارات الكوريه واكتساح السوق المصرى من خلال الاعلانات

بسم الله الرحمن الرحيم

انا عامل الموضوع ده نشوف ازاى السيارات الكوريه انتشرت ومعلش لو كلامى ضايق اى مالك من ملاك هذه السيارات


من سنه 2000 كان لا يوجد فى شوارع المصريه سيارات كوريه كثيره لكن مع الاعلانات الكثيره فى كل القنوات الفضائيه

انتشرت هذه السيارات والان محدش بيشوف الامانى و الايطالى الا قليل جدا فى الشوارع انا عن نفسى مكنتش
اعرف انواع كتيره بتعملها فيات او اوبل او سكودا او حتى هوندا الا بعد اهتمام :36_1_37[1]:
وانتشرت هذه السيارات عن طريق الاعلانات ( اى افيو اى افيو تو ) و ( انت بتحلم يا حلمى انا الى هسوق الاوبترا )

(ومع غبور هنسيبك تولع فى الطريق سورى قصدى اى شئ على الطريق) ( واعلانات جايبين كام واحد كورى لابس خليجى ويوقلك روعه )

فى الفتره الاخيره عندما تسأل شخص ما هى موديلات فيات او اوبل او رينو او بيجو :U_thin1[1]: ( والله معرفش يا عم سيبك هيونداى عمهم) وخلاص من غير اسباب

المهم لو قولت لواحد ايه هيا كل موديلات فيات الى فى العالم تصوروا حتى انا معرفش لكن لو قولت ماهى كل

موديلات كيا فى العالم هقولك وهكر كله حتى الى مبتنزلش مصر

والناس تعودت من فيات مثل السياره ال 128 وال 131 والبلونيز مش عارفين ان العربيات ديه موديلات ال سبعينات

ودلوقتى انا رايح اشترى عربيه مثلا معايا مبلغ معين وانا ماشى فى الشارع هبص على العربيات طول مانا ماشى

هشوف فيرنا ولانوس و اكسنت وكيا سيراتو و الانترا فا لما افكر عمر مخى هيبعد عن دول بس عشان انا ماشوفتش فيات او بيجو او الباقى وكمان بشوف الاعلانات فهعتقد ان مفيش فى مصر غير دول فهشترى اى واحده وخلاص عشان موجود

كمان اعتقاد المصرى ان الكورى قطع غياره رخيصه وخلاص ياعنى مثلا الكيا كادينزا الى نزلت لو هنقارنها مثلا مع الباسات مع ان مفيش اى وجه للمقارنه

هتلاقى حاجات الكيا اغلى من الباسات

ونجحت الشركات الكوريه فى التسويق الاعلانى مش فى مصر بس فى العالم كله والى احنا بنشوفه فى قنوات كاس العالم وغيرها

تقليد شركه كيا وهيونداى لكثير من تصميمات الشركات العالميه

مثلا

الكيا سول الجديده تقليد الدايهاتسو ماتيريا

http://images.caradisiac.com/images/...ment-99521.jpg

http://images.paultan.org/uploads/2006/10/materia2.jpg

http://www.rightcar.govt.nz/gfx/vehi...H/DAIH0049.jpg

مع ان الدايهاتسو شكلها احلى لكن شوفت يا معلم العربيه كانت بتجرى فى الاعلان ازاى


الكيا سيراتو

http://images.thecarconnection.com/m...00178061_m.jpg

http://www.caradvice.com.au/wp-........ty_vti_001.jpg
http://www.wsrentacar.com.my/blog/wp...nda-city-5.jpg
http://pakcars.files.wordpress.com/2...acity-2009.jpg
ما الفرق بينهم سوى الشبكه والماركه

الهيونداى النترا

http://www.cardata.com/spoilers/imag..._2007_76L2.jpg

http://static.howstuffworks.com/gif/...ar-3-4-480.jpg


وانا لا اعيب فى السيارات ديه فهى سيارات اكثر من ممتازه

لكن مينفعش تقرنلى الكيا كادينزا بالباسات مثلا حتى لو اقل منها فى السعر او الانترا بالكورولا او الكيا سيراتو بال هوندا سيفيك

وظهرت فى الفتره الاخيره ان الشركات الكوريه تقول عدد احصنه اقل من المكتوب بنسبه %10 الى 15 %

وبردو مع العيوب الى فى العربيات ديه بردو احسن من التيوتا والهوندا والفيات والبيجو لماذا انت سوقت العربيات ديه عشان تقول السيراتو احسن منها

ميزه السيارات الكورى يعطونك سياره بها كل الرفاهيه المطلوبه بسياره سعرها قليل ياعنى مثلا هتلاقى الاوبشن بتاع الانترا ام 100 الف فى التيوتا كورولا ام 140 الف وهتلاقى اوبشن السيراتو ام 115 الف ب اوبشن الاوكتافيا فانتيزيا مثلا


فعلا انا احيى الشركات الكوريه لصنعها هذه السيارات ونجحت نجاه باهر فى الفتره الاخيره واكتر عربيه كورى بحبها شيفورليه كروز :S_thum1[1]:

وهكرر تانى انا لا اعيب فى الكورى لكن ليست افضل من الشركات العالميه مثل فولكس وهوندا و تيوتا وميتسوبيشى

ايه اللى رماك على المر ؟ ادينى فلوس وانا اركب باسات
اوعى تفتكر الناس مش فاهمه الفرق الموضوع كله قلة امكانيات
وبعدين الدنيا اتغيرت خلاص العربيه مش مفترض تعد مع صاحبها 10 سنين واكتر زى زمان هى 5 او 7 سنين واقلب فا مش هتفرق كتير

حاجات الكيا اغلى من الباسات

ده فى مصر الكلام ده :)

اقتباس:

---

المشاركة الأصلية كتبت بواسطة mido

حاجات الكيا اغلى من الباسات

ده فى مصر الكلام ده :)

---

انا بتكلم عن الكادينزا مش السيراتو

ماهو مش هينفع تاخد امكانيات عالية + اوبشنز كتير !!! وبسعر ارخص من الياباني او الالماني لازم حاجة تتشال من المعادلة عشان تتظبط
بمعنى ان الانترا ارخص من الكورولا وفيها اوبشن اكتر لكن اداء الكورولا اعلى !! على سبيل المثال يعني
حكاية قطع الغيار دي بقى اللي فعلا لبانة في بق الناس والاعلانات لكن الواقع مش كدة !!! مثلا تيل فرامل العربية هيونداي آتوس تمنه جوا التوكيل 300 جم زي تيل الفورد فوكس جوا التوكيل برضة او ارخص حاجة بسيطة اوي

كلامك صح هو مثلا عشان الانوس والفيرنا قطع غياره رخيصه يبقى الكورى كله رخيص لا طبعا والصينى قطع غياره نار مش رخيص بس لما حد يقولك صينى يقولك قطع الغيار رخيصه للاسف ده تفكير الشعب المصر بس لما تشترى مثلا الاوبشن الى موجود فى السيراتو فى الكورولا هتفرق فى 50 الف

الكلام معظمة عادي ومش مقياس
اولا الكورولا الموديل دة بعد النترا بحولي سنتين
السيراتو و السيتي دي فئة ودي فئة تانيا خالص (علي فكرة انا مش بحب السيراتو )
ولازم كل شركة لازم تقدم كل حاجة عشان تستمر

اقتباس:

---

المشاركة الأصلية كتبت بواسطة youssef_jo

الكلام معظمة عادي ومش مقياس
اولا الكورولا الموديل دة بعد النترا بحولي سنتين
السيراتو و السيتي دي فئة ودي فئة تانيا خالص (علي فكرة انا مش بحب السيراتو )
ولازم كل شركة لازم تقدم كل حاجة عشان تستمر

---

لا يا حبيبى الشكل ده نزل مع الانترا بس الوكيل منزلهوش غير فى سنه 2009 زى السوناتا شكلها متغير من سنه 2007 وهو نزلو 2011

وازاى ديه فئه وديه فئه تانيه ياعنى

انت عايز توصل لايه بالمناقشه دى ؟
انا نفسى اجيب تويوتا او هوندا او فولكس كل ده 140 وانت طالع
على فكره فى امريكا اتجاه الناس بقى للكورى وفى اوروبا اليابانى ده اصلا مبتشوفوش طبعا الكورى مسمعوش عنه اساسا

لو رحت اوتوماك وشوفت الاسعار كنت عرفت
بيجو 308 زجاج كهربا امامى 160 الف :)

اقتباس:

---

المشاركة الأصلية كتبت بواسطة mido

انت عايز توصل لايه بالمناقشه دى ؟
انا نفسى اجيب تويوتا او هوندا او فولكس كل ده 140 وانت طالع
على فكره فى امريكا اتجاه الناس بقى للكورى وفى اوروبا اليابانى ده اصلا مبتشوفوش طبعا الكورى مسمعوش عنه اساسا

لو رحت اوتوماك وشوفت الاسعار كنت عرفت
بيجو 308 زجاج كهربا امامى 160 الف :)

---

.بص يا باشا اليابانى فى اوروبا منتشر زى الميتسوبيشى لانسر ايفو و التيوتا سوبرا و حاجات من تيوتا زى الكامرى و الكورولا منتشره بكثره وانا ليه واحد قريبى دكتور قلب فى امريكا فى ولايه كليفورنيا بيقولى فى امريكا الى معندوش عربيه يابانى يبقى فقير وتقولى ناس بتركب دودج وفورد و كريسلر تقولى يتجهوا للكورى صلى على النبى يا عم بس اليابانى فى امريكا منتشر جدا جدا

اقتباس:

---

الهيونداى النترا

http://www.cardata.com/spoilers/imag..._2007_76L2.jpg

http://static.howstuffworks.com/gif/...ar-3-4-480.jpg

---

و الكورولا نزلت قبل الإنترا ولا أية ؟

و بعدين اية جاب لجاب اصلاً ؟؟؟

الماتيريا مش شبه السول خالص... الماتيريا هي اللي تقليد الـPT cruiser ...

الدعايه مهمه جدا على سبيل المثال الفيات لينا لم تنل حظها رغم انها بالنسبه لى

اجمل واحلى من كتير من السيارات المقاربه لها كالسيراتو

انتشار الهيونداى مش مصر بس العالم كله وتعالوا شوفوا الشوارع فى السعوديه الرياض وغيرها مليانه هيوندايات زى الرز . جودة ممتازة وتكييف ثلاجه مواتير سريعه وراحه وهدوء ونعومه عاليه وقطع غيار بالمقارنه مع غيرها ارخص بكثير . تعدد الموديلات لتناسب شرائح كثير من الناس

اقتباس:

---

المشاركة الأصلية كتبت بواسطة raedegypt

انتشار الهيونداى مش مصر بس العالم كله وتعالوا شوفوا الشوارع فى السعوديه الرياض وغيرها مليانه هيوندايات زى الرز . جودة ممتازة وتكييف ثلاجه مواتير سريعه وراحه وهدوء ونعومه عاليه وقطع غيار بالمقارنه مع غيرها ارخص بكثير . تعدد الموديلات لتناسب شرائح كثير من الناس

---

هو احنا شككنا فى ده ولا قولنه غيره بس انا بقول ان المصريين بيعتقدوا دلوقتى ان الكيا والهيونداى احسن من فيات و تيوتا و نيسان و هوندا و بيجو و الرينو و السيات

اقتباس:

---

المشاركة الأصلية كتبت بواسطة abokoko

الدعايه مهمه جدا على سبيل المثال الفيات لينا لم تنل حظها رغم انها بالنسبه لى

اجمل واحلى من كتير من السيارات المقاربه لها كالسيراتو

---

العربيه ديه ممتازه وانا بحبها جدا وبصراحه بالنسبالى احسن من السيراتو والانترا

منتشره عشان القطع رخيصه وعربيه قطقوطه كدا هههه

علشان نوصل للهدف من الموضوع لابد ان نحدد بعض النقاط

1- تاكد تماما ان اى انسان مصرى يشترى سيارة جديدة لا يشتريها بواسطة الاعلانات ولكن عن طريق التجربة من قريب او صاحب او حتى فى منتدى متخصص لان الاعلانات مهما كانت انتشارها هى فقط وسيلة للفت النظر الى السيارة لان القيمة تختلف على حسب المنتج انما مثلا لو اعلان عن لبان او مشروب او مواد غذائية او حتى ملابس فهى مهما غلى قيمتها مش هخسر فيها حاجه انما عربية اروح اشتريها علشان شوفتها فى اعلان صعب انا عن نفسى مشفتش اى اعلان لكيا نيو سيراتو فى التلفزيون وقليل جدا فى الجرايد .
مثلا تلفزيونات توشيبا العربى سبب انتشارها مش الاعلانات بقدر تجربة اخويا واخوك وعمك وخالك واصحابى خلاها رقم واحد فى مصر


2- القيمة المالية تحدد بنسبة 90% من اختيار نوع السيارة يعنى معاك على قد باسات اركب وعيش معاك على قد 128 ( وحشتينى يا غالية ) اركب وعيش

3 - السيارات الكورية السبب الاكثر فى انتشارها كان من وجه نظرى التصميم الجيد - الاوبشن - القيمة السعرية وبعد كده مواصفات العربية ماتور - عفشة - .....الخ .


4 - لاازم نكون عارفين ان اى حد فاهم فى السيارات عمره مايقارن الانترا بالتيوتا او السيراتو بالهوندا سيفك لان صعب جدا ولاازم نكون عارفين ان اليابانى ليه تاريخه المشرف ولكن لو محصلش تطوير فى كل شى وخصوصا التصميمات .
الكورى هيقرب جدا منه ومقدرش اقول نفس مستواه بس لو الوضع استمر على كده فى خلال 10 سنوات مش هيكون فى اى فرق .

5 - اتفق معك فى نقطه انتشار العربيات الكورى فى الشوارع بيكون عامل موثر بنسبة حوالى 25% من قرار الشراء وهضربلك مثلا من صغرى وانا بشوف العربيات الفولفو وكانت امنية حياتى ان يكون فى واحده عندى بس لما كبرت ملقيتش العربية موجوده فى الشارع المصرى ممكن يكون تقصير من وكيلها فى مصر او لاسباب تانية وبالتالى كانت بعيده عن العين .

لاسف كلامك منطقى جدا جدا وصح بس يا باشا انا عندى واحد جارى اول لما نزلت الكيا سيراتو سنه 2009 راح اشترها على طول ومكنتش حد بيشوفها فى الشارع وكان ليها كذا اعلان فى التلفزيون راح التوكيل شافها عجبته اشتراها من غير حتى ما يسأل وعلى فكره مش كل الى بيشترى العربيه بيدخلو منتدى او غيرو غير نسبه قليله جدا 5 % بس لكن انا رايح اشترى عربيه والكلام ده حصل قدامى كنت قاعد فى كافيه وواحد قال لصاحبه انا كنت بفكر فى السيراتو قالو يا عم خلص فيها وقعد يقول شوفت شكلها ولا الاوبشن اوبا ولا التابلوه والعدادت طب يا عم انت قولت كده وانت ممعكش العربيه ولا حتى جربتها بتتكلم عن ايه بس العربيه انتشرت كده بس العربيه محدش يعرف بعد ال 100 الف هيحصلها ايه ولا ايه المشاكل الى فيها وفيه بعض المشاكل حصلت دلوقتى فيها ومعلش كل احترامى لحضرتك كل لما واحد يطلع عيب يقولللللللللللك لالالالالالالالا ديه عيوب فرديه طب فرديه ازاى ياعنى حضرتك شوفت فى الايطالى ولا الامانى ولا اليابانى كده ياعنى مثلا الياريس واحد قال العربيه ديه مفيهاش ثبات كويس تلاقى واحد طلع يقولك لالالالالالالالالالالالال ا ده ثبات فردى ولا مثلا عربيه تكييفها وحش هتلاقى كله بيقول كده امال فى الكورى الى غايظنى ان مثلا لازم يبقى فيه عربيات معيوبه هتقولى يا عم دول بيحقدوا على العربيه عشان حلوه ومنتشره ومش معاهم زيها
طب ما الانسر من 7 سنين فى مصر شوفت حد يقولك عيوب فرديه ولا حد اشتكى منها ومنتشره اكتر من السيراتو

من هنا و10 سنينين ح يكون وضع الكوري اكيد ممتاز

اكبر دليل على كلامك الرينو لوجان
قبل الاعلانات ماشوفنهاش
بعد مامشيت عالحيط وعامت كسرت الدنيا

للاسف الشعب المصرى لا ينظر للجوده او لخدمات بعد البيع مثلما ينظر للامكانيات والسعر
وهو نفس سبب انتشار السيارات الصينى ايضا
اسعار وكماليات + اعلانات = مبيعات
انما جوده وخدمات وخامات صناعه = فشل فى مصر

ولكن ايضا بعض السيارات الكوريه تستحق الانتشار ولكن صعب مقارنة الجوده باليابانى والاوربى
ولكن كسعر مقابل قيمه سيارات جيده

تعرف اصلا ان الرينو لوجان رومانى مش فرنساوى فرنسا مش حطا ايديها فيها اسمها داتشا لوجان بس تبع شركه رينو فا لما نزلت فى مصر بأسم رينو الناس اشتارتها امال لو نزلت بأسم داتشا مكنش حد قلاب منها ياعنى العربيه الجاك و الم11 احسن منها

وكمان متقرنش البروتون مع اللوجان البروتون اسايات ميتسوبيشى ولوتس واحلى شغل عربيه بسم الله مشاء الله

واهيه عربيه داتشا نزلت فى التسعينات ومحدش اشترها غير الجيش وكام تاكسى كده

http://rstcars.com/oldcars/dacia_1310_618722_0.jpg


توقيعك جاااااااااااااااااااااامد

دوام الحال من المحال .. الشركات الحديثة صاعدة بقوة والإتجاه العالمي للسيارات الرخيصة الصغيرة

أنا كنت في زيارة لسوريا الأسبوع اللي فات

هناك الوضع أكثر من مصر

الكوري مش منتشر ،،،،،، ده تقريبا مفيش غيره

و الغريب جدا و المختلف عن مصر

إنه مش منتشر في الفئات الاقتصادية بس

لأ ده منتشر في كله يعني حتي الفاخر و حتي الفور باي فور كوري

و كيا منتشرة أكتر من هيونداي

و السوناتا و الكادينيزا و الاوبيتيما و السانتا في و كل العربيات الكوري الغالية جدا اللي محدهش بيشتريها في مصر

ليها الأفضلية هناك

ضديق سوري ،،، رجل أعمال و عنده مصنع ،، عنده اتنين النترا ،، أو افانتي عندهم

الشكل الجديد و القديم

بيقولي أنا هأجيب يأما السانتا في أو اشوف الأعلي منهم أو السوناتا الجديدة

لما عرفت سعرها هناك ،،، قولتله طب ما تجيب بي أم الفئة الثالثة أو مرسيدس سي

مش عايز أقولك قالي ايه ،، عشان ما أضربشي في المنتدي ،،،

هما عموما شخصياتهم عملانية جدا و شاطرين جدا في الشغل و التجارة ،،، شخصياتهم قريبة من الدمايطة عندنا

بس الصراحة العربيات الكوري اللي بتنزل عندهم ،،، مختلفة خالص عن اللي عندنا من حيث الكماليات

عموما هوا أكيد السيارات الكوري مش الأفضل علي الإطلاق

بس هما بيحققوا معادلة محدهش غيرهم بيعرف يحققها

ايه المشكلة !!!!

مش احسن من الأوروبي ومش أحسن من الياباني

بس بتبيع ومافيش سلعة وحشة بتفضل تبيع عشر سنين

ولا في سلعة وحشة مبيعاتها بتزيد و نقول ان العيب في المستهلكين

في السوق الرغبة العامة هي الرغبة المناسبة

و ارجع اقولك الكوري مش احسن من الأوروبي ابدا

بصوا يا جماعة في قاعدة اقتصادية بتقول
لولا اختلاف الاذواق لبارت السلع

وكمان حاجة كنا بدرسها في الكلية بتقول الاعلان 90 % من بيع السلعه
لما ألاقي توكيل بيعمل إعلانات للعربية وبيهتم بيها قوي أكيد هاروحله واشتري منه

يعني علشان احنا شعب امكانياته محدوده فبنختار على اساسها
ولو واحد عنده فلوس إنه يجيب بي ام أو مرسيدس هيجيب بدون تردد

سيدي الفاضل كاتب هذا الموضوع ....

أحييك بشدة علي جرأتك في تناول هذا الموضوع و أضم صوتي لصوتك بأن الاعلانات و الدعاية أصبحت هي المحرك الرئيسي للعقول التي لاتريد ان تفكر

طبعا هذا لايمنع من ان السيارات الكورية لاغبار عليها و لكنها لازالت لاترقي الي مستوي السيارات الاوربية و اليابانية من حيث التكنولوجيا المستخدمة او تقنيات السلامة و لتنظروا حولكم لتروا من هم أبطال حوادث الطرق في مصر ... معظمهم من السيارات الكورية الصنع

السوق في مصر لايحكمه عقل أو منطق مثله في ذلك مثل اي شئ في مصر و الذوق العام أنحرف أو لنقل هبط
فكما ان الناس أصبحت تعرف شعبان عبد الرحيم و زعبولة القلة نسوا عمالقة الطرب الاصيل فهل تتوقع منهم ان يتذكروا الاوبل و الفيات و البيجو و الرينو و تويوتا و نيسان علي حساب هيونداي و كيا

أنا أري أن "ماطار طير و أرتفع ألا كما طار وقع"
- من قبل طارت دايو ثم هوت
- و اليوم تطير هيونداي و كيا و لكنهم حتما سيهوون كما هوت السيراتو من فوق كوبري التونسي

و لكن سيظل الكبار كبار بدون الحاجة الي دعاية أو اعلان لأنهم هم الذين يختارون و لا يختارون

مع خالص تحياتي
م/ سمير الشهاوي

ناس كتير بهمها السعر الرخيص والقطع الرخيصه والوكيل المحترم

أولا الموضوع دا باشا:verygood: و انا كت اتكلمت عنو بس في تعليقات قصيره...انا شايف فعلا ان في عربيات كتييير بتنتشر بدون حق لمجرد حملات الدعايه زي الكروز و الافيو اللي فيهم عيوب خطيره زي السوفت وير بتاع الكروز و عيوب الدنيا اللي في الافيو....و برضو الاوبترا انتشرت بسبب الاعلانات ....الكوري مش وحش..بس زي مالاخوه قالو كل واحد علي قد فلوسو..و الكوري بيحقق المعادله اللي حققها اليباني في اوائل التسعينات...سياره اعتماديه فيها كل الكماليات المعاصره بسعر معقول يغطي شريحه كبيره من المستهلكين...انا والدي كان جايب تويتا 88 موديل السنه...كان اللي يشوفها في الشارع يتهبل عليها ..و كان نفس الحكايه للهوندا و المتسوبيشي...لان كل السوق كان فيات...و اللي معاه فلوس بيجيب بي ام او مرسيدس...بدأ اليباني ينتشر لحاد اواخر التسعينات أواءل 2000 و اكتساح العربيات اللانسر بمختلف موديلاتها...بدأ الكوري يظهر...دلوقتي بيكتسح...أكيد في ال 10 15 سنه اللي جايه هيكتسح حد جديد (انا بخمن الماليزي)....بس نرجع و نقول الالماني الماني و الايطالي ايطالي....و الكبير هيفضل كبير مهما عدت الايام ...و الا مكنش شركات زي فيات و اوبل و مرسيدس استمرت لاكثر من 100 سنه...و اسف علي الاطاله

ارجو من اخوانا اللي بيكتبو تعليقات طويله زي حالاتي يبقو يكبرو الخط عشان النظر:shyy:

اقتباس:

---

المشاركة الأصلية كتبت بواسطة momopersona

اكبر دليل على كلامك الرينو لوجان
قبل الاعلانات ماشوفنهاش
بعد مامشيت عالحيط وعامت كسرت الدنيا

للاسف الشعب المصرى لا ينظر للجوده او لخدمات بعد البيع مثلما ينظر للامكانيات والسعر
وهو نفس سبب انتشار السيارات الصينى ايضا
اسعار وكماليات + اعلانات = مبيعات
انما جوده وخدمات وخامات صناعه = فشل فى مصر

ولكن ايضا بعض السيارات الكوريه تستحق الانتشار ولكن صعب مقارنة الجوده باليابانى والاوربى
ولكن كسعر مقابل قيمه سيارات جيده

---

:S_thum1[1]:فعلا احنا بنبص للعربيات اللي بتمشي عالحيط و فتحه السقف و التكيف التاتش و سنسور المساحات...انما جوده الصاج و العفشه و عمر الموتور ..قليل اللي بيبص ل دا...لان كلو عامل حسابو هغير بعد 5 6 سنين....و دي ثقافه متخلقه جدا في ناس في المانيا اللي هي ام التكنولوجيا في العربيات...راكبين موديلات 80 و 90 و تشوف العربيه كأنها لسه زيرو:B4_048: