-
جهاز انذار النيو اكسنت
السلام عليكم ورحمة الله
انا عندى مشكلة فى جهاز الانذار من اول ماستلمت العربية
المشكلة فى الحساس كان الانذار بيشتغل لوحده بعد ما اقفل العربية بـ 30 ثانية تقوم السارينة ضربة
بقيت اقفل العربية بالمفتاح ومشغلش الانذار لغاية مارحت الصيانة وقلتلهم على المشكلة
استلمت العربية وقالولى المشكلة اتحلت
بصراحة ما حطتش فى دماغى وقلت الموضوع خلاص ومجربتش
لكن العربية وهى واقفة اتخبطت خبطة جامدة والانذار ماشتغلش
بشوف ليه ماشتغلش لقيتهم لغيين الحساس لكن اللمبة الحمراء بتنور ازاى مش عارف
امبارح كنت فى صيانة الـ15000 وقلتلهم عليه الحمد لله عملوهولى وجربته تمام
وبمجرد ماروحت وركنت عند البيت ما فيش ربع ساعة ولقيت السارينة بتضرب تانى لوحدها ورجعت ريما
سؤالى هل فيه حد من الوكلاء المعتمدين (مش غبور) يغيرلى الانذار او حتى الحساس لأنه فى الضمان ولا لازم غبور
وآسف على الاطالة
-
ياريت ترجعلهم تانى وتطلع عنيهم واوعى تضيع حقك ... احنا بندفع فلوس يعنى لازم نخود خدمة بفلوسنا ولا هما شطرين يطلبوا فلوس فى الصيانت وخلاص ... لو لزم الأمر على صوتك واعمل اللى انت عايزة فى حدود الأدب عشان حقك ميضعش ... الواحد خلاص بقى ملوش لازمة فى بلدة سواء بتدفع فلوس او مبتدفعش:dontudear:
Content Relevant URLs by
vBSEO 3.6.0 PL2