الموضوع: الناس وكلمة "لا والله" !!

السلام عليكم ورحمة الله...

من كام يوم كده كنت رايح أجيب عيش من الفرن, المهم بدي الراجل 20 وكان ليَّ باقي 10... المهم الراجل ادني 10 ضايعة كده قلتله بدلهلي قال لي مفيش غيرها, خد ال 20 بقى فكها.. المهم أنا قلت قشطة افكها ايه المشكلة يعني...

طلعت عدت على أكتر من 10 محلات واللهِ بيشتغلوا في كل حاجة...كله تسأله عن فكة 20 عاشرتين يقولك "لا والله" من غير مايبوص أساسا.

طبعا هو أكيد لو اشتريت حاجة منه فكة الدنيا كلها هتطلع, بس أنا كنت افش إني افك ال 20

طبعا آخر واحد قال لي لأ واللهِ برده...قلتله يعني هو إنت عايز تقنعني إن 10 محلات ماحدش فيهم عنده عاشرتين!!

الراجل ضحك و قال لي خلاص يا عم إنت هاتأنبني وخد ال 20 فكها وقال لي معلش أصل الجو حر والناس مكسلة تقوم تفك... !!

هو احنا ليه انانيين قوي كده يا جماعة.

المشاركة الأصلية كتبت بواسطة KHALED AYMAN

انا رخم جداااااااااااا
مره دخلت افك 50 ..
طبعا مقلتش فى فكه ؟
دخلت خدت لبانتين ...
واديته 50
ههههههههههههههههههههههههه ههههه
الراجل قالى قول انك عاوز فكه ههههههههههههههههههههههههه ههههههههههههههههههههه
بس فعلا احنا انانيين ...
مش عاوز يفك ليه متعرفش ...
يا ناس دى عليها ثواب ..
و انت مش خسران حاجه ..
هتساعد واحد ..هتاخد ثواب ...
ايه المشكله مش عارف ...

هههههههههه حلوة هابقى أعمل زيك..بس ساعتها مش هيبيعلي اللبان أنا عارف.

المشاركة الأصلية كتبت بواسطة hobaz

كله ماشي بمبدأ مصلحتي اولا وطالما انت مش هتكسبه او تنفعه هيفكسلك ومش هيعبرك للأسف.......

ده اللي أنا اتأكدت منه للأسف.

المشاركة الأصلية كتبت بواسطة Mohamed.Raafat

يا باشا متاخدش الموضوع بمبدأ الأنانية

حاول على قد ما تقدر تلتمس العذر للناس

يمكن يكون فعلا فيه واحد منهم مش معاه فكه

حضرتك عايز تفهمني إن كذا بقالة مفيهاش عاشرتين.

طيب محل البان..

طيب محل خضار وفاكهة...

طيب محل فول وطعمية....

كل دول معندهمش فكة طب إزاي!!

للأسف فعلا الناس بتقول لا والله وخلاص, والدليل الراجل بعد ما قال لي لا واللهِ ووجهتله كلام دخَل وقام فاككها.

المشاركة الأصلية كتبت بواسطة Lion_Heart

كلكم بصيتولها انها انانية
لكن للاسف الناس حلفت بالله كذب .........!!!!!!!!!
و ياترى بتحلف كام مرة فى اليوم على كده ..........؟؟؟؟؟؟؟؟؟؟؟؟؟؟

للأسف فعلا ده حقيقة فكتير من الناس.