مساء الخير عليكو جميعا
انا من اسكندريه وعايز اروح وكاله البلح فى القاهرة انا همشى من الصحراوى ومتهيالى ادخل من المحور بس مش عارف بعد كدة امشى ازاى
ياريت تفيدونى وليكو الف شكر
عرض للطباعة
مساء الخير عليكو جميعا
انا من اسكندريه وعايز اروح وكاله البلح فى القاهرة انا همشى من الصحراوى ومتهيالى ادخل من المحور بس مش عارف بعد كدة امشى ازاى
ياريت تفيدونى وليكو الف شكر
بعد ما تدخل من بوابات القاهره هتلاقى المحور على بعد كيلو هاتطلع تانى طلعه يمين فى اتجاه ميدان لبنان وتاخد بالك من الرادارات
وتفضل ماشى على المحور ينزل ويطلع وانت ماسك الرصيف اللى فى النص لغايه لما تلاقى نفسك على كوبرى 15 مايو والكوبرى هايمر من فوق النيل وبعد كده الزمالك وبعد كده النيل تانى هنا هتلاقى اخر الكوبرى ونزله يمين ونزل فى الوش
انت تنزل فى الوش واول لما تنزل هتلاقى بارك على اليمين او تركن تحت الكوبرى وتنزل على رجليك تعدى الطريق الجهه الاخرى
وحمد الله على سلامتك انت الان فى وكاله البلح
ايوه هو نفس الكوبرى انا باقولك على الحاجات اللى هاتمر بيها علشان تكون متاكد انك صح واخر النزله بالظبط هتلاقى المحلات اللى انت عاوزها على شمالك
الف شكر دة كدة توضيح ممتاز جدا جدا
معلش هى السرعه على المحور كام؟وطريق الرجوع ازاي انا مش هروح حته تانيه غير وكاله البلح
معلش تعبك معايا الف شكر
السرعة علي المحور 90 كم /ساعة
مفيش اى تعب
ونفس طريق الذهاب هو هو طريق العوده بس الجهه المقابله طبعا
1000 شكر .....
النهاردة رحت وكاله البلح والوصفه كانت ممتازة واليوم كان زى الفل ومفيش توهان ولا حاجه
انا احب اشكر الاخ ابو اياد على الوصفه الممتازة والسهله جدا
حمد الله على السلامه وكويس انك اختارت يوم زى النهارده البلد تقريبا فاضيه واغلبها اجازات علشان السنه الماليه
صح انا النهاردة كنت اجازة بس المحور وانا راجع ماكنش فاضى اوى يعنى من اول ماطلعت على المحور كان زحمه شويه ...بصراحه الله يكون فى عونكو اسكندريه مها حصل مش زحمه كدة ( ماعدا شهور الصيف طبعا)