انا و الرادار

**logan2010** · 20-06-2010 07:45 PM

السلام عليكم
حبيت بس احكى حكاية حصلت اثناء قيادتى لسيارتى و قد صادفت سيارة مرور تمشى امامى بسرعة بطيئة جدا طبعا انا تخطيتها و لكن بدون ان اتجاوز السرعه المقررة و مشيت مسافه لحد ما لقيت عربيه نقل كبيره تسير امامى امامى فاضطريت انى اتجاوز السرعه المقرره علشان اتخطاها و بعد ما تخطيتها كانت ماشيه ورايه عربية المرور اياها و فضل ورايا لحد ما وصلنا لاول كمين لقيته راح شادد و عدانى و بالطبع وقفنى عند الكمين و قاللى غرامة رادار انا و كذا عربيه تانيه طبعا انا متخيل انه جهاز الرادار علشان يلقط سرعتك لازم يكون ثابت فى مكانه و العربيه هى اللى بتتحرك لكن انا شفت الجهاز اللى معاه وهو ماسكه فى ايده عامل زى السشوار كده انا بس قعدت احاول معاه كتيير انى ما تخطيت لكن هوه قال انه سرعتى 110 لكن لانى مش متعود على الغرامات دى راح من بالى انى اقوله ورينى الصوره
هلى الحكايه دى اشتغاله ولا فعلا فى رادار بيلقط بالطريقه دى يكون فى كابينة السواق و انا ماشى قدامه و يعرف سرعتى ؟؟؟؟؟؟؟

**hazemhassan** · 20-06-2010 09:39 PM

اللى اعرفة ان فى رادار ثابت ومتحرك
بس انت فعلا تخطيت السرعة دى وكان طريق اى ؟

**ahmedhilmy** · 20-06-2010 10:35 PM

انا مصادفتش الرادار المتحرك ده قبل كده

**Ayman-Ahmed** · 20-06-2010 10:45 PM

الرادار المتحرك فى العربيات ال 4x4 هو زى شاشة متوصلة بالمسدس ده وديه موجودة فى معظم الوقت على المحور والدائرى وهما كانوا قالوا من فترة ان ادارة المرور وصلها الاجهزة ديه.

ربنا يسترها علينا جميعا