تكييف الصنى هيس

**momkamel** · 21-06-2010 12:36 PM

والله يا جماعة احسن تكيف عربية فى مصر موجود فى الصنى امبارح فى عز الحر ده وكنت مشغلة وكان تمام وكان معايا عيالى فى العربية وراة وكنت بسالهم التكيف عامل ايه معاكم قالوللى حلو يا بابا اكيد فى حاجة عندك ومادام بتقول لسة العربية فى الضمان روح التوكيل واسالهم

**ammarxn** · 21-06-2010 03:28 PM

يا شباب أنا حصل معايا نفس الموضوع امبارح في الحر ...

النهاردة اتصلت بالمهندس كريم من السبع وسألته فقالي إن عنده النهاردة أكثر من 40 سيارة فيهم نفس المشكلة حصلت إمبارح ...

كان تفسيره الفني للموضوع إن شحن الفريون في المكيف زيادة شوية ولازم ينقص حبة ...

وقالي كمان إنه بعت استفسار لمصنع نيسان بيستفسر عن المشكلة وتأثيراتها ....

ووعدني بالإتصال لو جاءه رد آخر من مصنع نيسان

**akramesg** · 21-06-2010 07:27 PM

كويس يعنى المية دى طلعت عرق مش اكتر

ومطلعش ان بيتهيئلى ولا حاجة زى مبعض الناس فكرونى بهاجم لسمح الله التكييف التلاجة

انا طبعا معنديش اعتراض انه تلاجة انا بس شرحت اللى حصللى بدون شكوى (العربية اصلا مش بتاعتى انا هتنطط على اية ههههههههه دى سلف من حمايا لغاية مستلم عربيتى )

المهم انا رحت شغلى ورجعت 100 كم والتكييف تمام فواضح انو بيعمل كدة لما بتزنق فى الزحمة مع الحر الجامد وبس

شكرا للنيساناوية على تفاعلهم وحسن متابعتهم

**iskandranee** · 21-06-2010 08:20 PM

هو ده الكلام التمام.
انا كنت متاكد انها مش حالة فردية. وان فى مشكلة فى تكييف صنى 2010
وكون السبع اهتم و حيتابع دا زاد احترامى للصنى
اما ندفن راسنا زى النعام ونقول كله تمام ده الغلط
اللى ماعندوش مشكلة ربنا يباركلوا بس ما يحجرش على راى غيروا

متابع باهتمام
( انا رحت مودرن موتور 3 مرات من ساعة ما استلمت العربية اللى عاملة 2000 كم ومن اول صيانة ال 1000كم عشان التكييف و بردة مافيش حل)

عشان كدة توقعت ان المشكلة اكبر منهم وانه عيب فى موديل 2010

المشاركة الأصلية كتبت بواسطة ammarxn

يا شباب أنا حصل معايا نفس الموضوع امبارح في الحر ...

النهاردة اتصلت بالمهندس كريم من السبع وسألته فقالي إن عنده النهاردة أكثر من 40 سيارة فيهم نفس المشكلة حصلت إمبارح ...

كان تفسيره الفني للموضوع إن شحن الفريون في المكيف زيادة شوية ولازم ينقص حبة ...

وقالي كمان إنه بعت استفسار لمصنع نيسان بيستفسر عن المشكلة وتأثيراتها ....

ووعدني بالإتصال لو جاءه رد آخر من مصنع نيسان

**iskandranee** · 21-06-2010 09:16 PM

بعض القواعد اللتى وجدتها مفيدة عند بدا المكيف
1. لا تشغل المكيف مباشره عند ركوبك السيارة لكن ابدا بفتح النوافذ لطرد الهوا الساخن
2. شغل المكيف مع فتح الزجاج قليلا لطرد الهوا الساخن حوالى 2 دقيقة this reduce the cooling start up time substantially
3. اغلق النوافذ.

**Bishoy.Girgis** · 21-06-2010 09:22 PM

المشاركة الأصلية كتبت بواسطة iskandranee

بعض القواعد اللتى وجدتها مفيدة عند بدا المكيف
1. لا تشغل المكيف مباشره عند ركوبك السيارة لكن ابدا بفتح النوافذ لطرد الهوا الساخن
2. شغل المكيف مع فتح الزجاج قليلا لطرد الهوا الساخن حوالى 2 دقيقة this reduce the cooling start up time substantially
3. اغلق النوافذ.

+10000000000

**aixer2002** · 22-06-2010 09:31 AM

أنا حصل معايا نفس الموضوع امبارح وأول أمبارح وانا راجع من الشغل في عز الحر.

**akramesg** · 22-06-2010 10:22 AM

احب اوضح العربية عندى موديل 2008 بس حمايا مبيسقش كتير فهى عامله 9000 بس

بس بصراحة مش عارف اشتكى اقول اية فى التوكيل اذا كان العيب مبيظهرش غير لو العربية سخنت جداً ؟

يعنى ببساطة ممكن يقولولى كدة اتظبطت وبقت تمام وانا مش هعرف غير لمل اواجه نفس الظروف بالصدفة بعد فترة كبيرة !!!

**beko2010** · 22-06-2010 12:16 PM

المشكلة يا شباب ان نقص الفريون يجعل السربنتينا كلها ثلج ولا يسمح بمرور الهواء من خلالها لذلك يفضل زيادة شحن الفريون ..ولكن عندما يحدث ذلك وانت حران وليس هناك وقت للذهاب الى الكهربائى هناك طريقة سهلة سريعه مؤقته عندما يفصل التبريد ويقل دفع الهواء قم بفصل الكمبروسور (زرار a/c) ثم ارفع الهواء الى 4 لمدة 2 &3 دقيقة وسوف تلاحظ زيادة دفع الهواء تدريجيا وعندما يكون دفع الهواء طبيعى قم بتشغيل الكمبروسور ( زرار a/c) وادعيلى خاصة عندما يحدث ذلك فى طريق سفر والجو جميل زى الايام ده ...ربنا يحسن ختامنا

**ammarxn** · 22-06-2010 03:18 PM

ااتصلت النهاردة بالمهندس كريم من السبع كما اتفقنا وعرفت إن مهندس من مصانع نيسان كان موجود النهاردة في السبع وأكد سبب العطل وهو زيادة شحن الفريون ...

وطلب مني حجز موعد والحضور لقياس شحن الفريون...