الامتحانات في الحر !!

**moudy88** · 20-06-2010 09:33 PM

الى كل الطلبه اللي زي حالاتي كده ..عاملين ايه في الامتحانات في الحر الرهيب ده ..وبتعرفو تحلو ازاي في الحر الشديد ده !!

النهارده كنت بمتحن ماده من اصعب وارخم المواد اللي درسناها في حياتنا وهي control ومكان الامتحان عندنا في حوش مبنى اسمه hanger وده عباره عن جراج صيانه طيارات قديم وبيحطو فيه
حوالي 500 طالب يمتحنو جمب بعض
والحمد لله على كل شئ ..النهارده كان يوم سئ جدا جدا

الامتحان كان صعب جدا ..ومكنش فيه تركيز بسبب اني كنت مطبق ومش نايم

ودرجه الحراره الشديده والعرق اللي كان بينزل من كل حته لدرجة ان ورقة الامتحان اتبلت واتبهدلت من العرق ..ولدرجه اني والله حسيت اني هفطس وهموت من الكتمه والحر (3ساعات) من 9-12 ووالله فكرت اني اخرج بعد نص الوقت واسيب الامتحان والورقه فاضيه

ومفيش مياه ساقعه للشرب واساسا المياه قليله ومش مكفيه العدد الكبير ده

ده غير طبعا الكوابيس الفظيعه اللي حلمت بيها عن الامتحان بعد لما روحت البيت ونمت بعرقي وبهدلتي
وللاسف بعد اللي حصل النهارده في الماده دي انا حاسس اني هقعد السنه دي بنسبه كبيره ..وربنا يعديها على خير

**factorialx** · 20-06-2010 09:48 PM

أخوك باكالوريوس مدني النهارده كان حر بطريقه فظيعه بس الحمد لله على الأقل اللجنه كان فيها مراوح

ربنا معاكوا و إن شاء الله الدكتور يراعيكوا في التصحيح

**nabaster** · 20-06-2010 09:57 PM

نفس الظروف تقريبا بس الفرق ان في ميه ساقعه وفي مراوح

مع ان المروحه الي فوقي اصلا واقفه

بس اصلا مع جو الامتحان مش بتبقي فاضي لحر ولا غيره

انا اصراحه مش بحس بحر الا لما ارفع القلم وابدا بقي افكر في الحاجات الي محتاجه بقي تاليف

A.Yakout

**esraatefa** · 20-06-2010 10:06 PM

الجو النهاردة بجد فظييييييييييع
بس الحمدلله كان التكييف شغال والله مكنش هاين عليا اقوم من اللجنة
يلا ربنا يعديها على خير الايام ديه ونخلص بقى الامتحانات

**NFS** · 20-06-2010 10:09 PM

كان عليه النهار ده امتحان machine design و ما ادراك الdesign, امتحان 4 ساعات و بحل و ارسم فى ورقه A2 , ورقه نص متر فى نص متر, كنت بقلبها زى الفطيره من كتر الحر و العرق والقرف, سلمت الورقه عامله زى ماتكون خرجه من بوق كلب, الحمد لله.

**Ramy_2R** · 20-06-2010 10:28 PM

أخوكم لسه أعدادى هندسه
انا كده بدأت أخاف عندى بكره إمتحان رسم 4 ساعات و درجه الحراره 44 + عندى دور برد جامد .......شكلها حتبقى لجنه ذى الفل

**hossam_elwani** · 20-06-2010 10:33 PM

المشاركة الأصلية كتبت بواسطة moudy88

الى كل الطلبه اللي زي حالاتي كده ..عاملين ايه في الامتحانات في الحر الرهيب ده ..وبتعرفو تحلو ازاي في الحر الشديد ده !!

النهارده كنت بمتحن ماده من اصعب وارخم المواد اللي درسناها في حياتنا وهي control ومكان الامتحان عندنا في حوش مبنى اسمه hanger وده عباره عن جراج صيانه طيارات قديم وبيحطو فيه
حوالي 500 طالب يمتحنو جمب بعض
والحمد لله على كل شئ ..النهارده كان يوم سئ جدا جدا

الامتحان كان صعب جدا ..ومكنش فيه تركيز بسبب اني كنت مطبق ومش نايم

ودرجه الحراره الشديده والعرق اللي كان بينزل من كل حته لدرجة ان ورقة الامتحان اتبلت واتبهدلت من العرق ..ولدرجه اني والله حسيت اني هفطس وهموت من الكتمه والحر (3ساعات) من 9-12 ووالله فكرت اني اخرج بعد نص الوقت واسيب الامتحان والورقه فاضيه

ومفيش مياه ساقعه للشرب واساسا المياه قليله ومش مكفيه العدد الكبير ده

ده غير طبعا الكوابيس الفظيعه اللي حلمت بيها عن الامتحان بعد لما روحت البيت ونمت بعرقي وبهدلتي
وللاسف بعد اللي حصل النهارده في الماده دي انا حاسس اني هقعد السنه دي بنسبه كبيره ..وربنا يعديها على خير

الوصف الى انت بتقوله ده معناه ان انتو كنتم فى جوانتنمو

**moudy88** · 20-06-2010 11:02 PM

المشاركة الأصلية كتبت بواسطة factorialx

أخوك باكالوريوس مدني النهارده كان حر بطريقه فظيعه بس الحمد لله على الأقل اللجنه كان فيها مراوح

ربنا معاكوا و إن شاء الله الدكتور يراعيكوا في التصحيح

انا المفروض كنت ابقى في بكالريوس بس وقعت سنه ..وربنا يستر من السنه دي لحسن شكلي هقع تاني وخايف اموت ومشوفش البكالريوس ..

وبعدين كان من الاولى الدكتوره تراعي من الاول وتجيب امتحان يتحل مش امتحان لطلبة ماجستير ويتحل في 48 ساعه

المشاركة الأصلية كتبت بواسطة nabaster

نفس الظروف تقريبا بس الفرق ان في ميه ساقعه وفي مراوح

مع ان المروحه الي فوقي اصلا واقفه

بس اصلا مع جو الامتحان مش بتبقي فاضي لحر ولا غيره

انا اصراحه مش بحس بحر الا لما ارفع القلم وابدا بقي افكر في الحاجات الي محتاجه بقي تاليف

A.Yakout

لما بتكون الماده صعبه وانت مش متمكن منها ..بتبتدي تحس بكل حاجه حواليك وتحس ان كل الظروف ضدك

المشاركة الأصلية كتبت بواسطة beautiful0mind

والله ان شايل هم موضوع الحر جدا جدا وخصوصا انى قاعد جنب شباكي والشمس نزله عمودية عليا طول فترة الامتحان_ ربنا يستر بكرة ان شاء الله

ابقى خد معاك كاب ..او اطلب من المراقب يقعدك في حته تانيه

المشاركة الأصلية كتبت بواسطة esraatefa

الجو النهاردة بجد فظييييييييييع

بس الحمدلله كان التكييف شغال والله مكنش هاين عليا اقوم من اللجنة

يلا ربنا يعديها على خير الايام ديه ونخلص بقى الامتحانات

يابختك

...شويه حسد بقى ..ده احنا في اللجنه بننصهر وبنتلحم في الكرسي اللي قاعدين عليه ..بس الجماعه بتوع التخلف هما اللي بيبقو مستريحين لانهم بيمتحنو في اماكن السكاشن المكيفه

المشاركة الأصلية كتبت بواسطة NFS

كان عليه النهار ده امتحان machine design و ما ادراك الdesign, امتحان 4 ساعات و بحل و ارسم فى ورقه A2 , ورقه نص متر فى نص متر, كنت بقلبها زى الفطيره من كتر الحر و العرق والقرف, سلمت الورقه عامله زى ماتكون خرجه من بوق كلب, الحمد لله.

انا خايف للدكتوره تتنرفز وهي بتصحح ورقتي وتقطعها ..انا حليت بالرصاص ومسحت 100 مره والورقه بايشه من العرق وكلمه وكلمه هنا ربنا يستر

المشاركة الأصلية كتبت بواسطة romio11192

أخوكم لسه أعدادى هندسه
انا كده بدأت أخاف عندى بكره إمتحان رسم 4 ساعات و درجه الحراره 44 + عندى دور برد جامد .......شكلها حتبقى لجنه ذى الفل

انا كنت زيك كده في كاس العالم اللي فات 2006 وكان امتحان الرسم الهندسي بعد اول يوم في كاس العالم وكان 4 ساعات بس كان زي الفل وعدى على خير

المشاركة الأصلية كتبت بواسطة hossam_elwani

الوصف الى انت بتقوله ده معناه ان انتو كنتم فى جوانتنمو

لا ياراجل مش للدرجه دي

جوانتنمو فيها مراوح

**sherif_taher** · 20-06-2010 11:10 PM

انا في خامسه طب ولسه الامتحانات هتبدأ في نص شهر 8 يعني مذاكره+حر+صيام ونخاص في اول شهر عشره (الكلام ده دور اول)......شد حيلك.....

-

الموضوع: الامتحانات في الحر !!

LinkBack

أدوات الموضوع

عرض

-

-

-

المواضيع المتشابهه

يوميات الامتحانات

الى شباب الامتحانات :(

بمناسبه الحر فيه مراوح أية موجودة فى السوق , كوميديا للهروب من الحر

اخبار الامتحانات ايه ؟؟

الغاء الامتحانات

الكلمات الدلالية لهذا الموضوع

المفضلات

المفضلات

ضوابط المشاركة