الدركسيون بيترج امبريزا سيدان 2009

**thenders** · 20-06-2010 11:40 PM

الموضوع باختصار عشان مطولش عليكم انا عندى امبريزا سيدان 2009 المهم هى عملة دلوقتى حوالى 17000 كيلو يعنى لسة جديدة المهم انا مشاويرى كلها مسافات طويلة اكتوبر بدر الشروق كدة يعنى والحمد لله العربية كانت زى الفل لغايت من حوالى شهر كدة جيت ادوس فرامل لقيت الدركسيون بيترج فى ايدى بس بسيط وكان مرة يعملها ومرة لا المهم الموضع بداء يزيد وبقى مستمر بمعنى ان كل ما ادوس على الفرامل الدركسيون يترج لغايت ما السرعة تنزل لحد 50 تقريبا والرجة تروح طبعا انا قولت طنابير فشفتها بنفسى ومسيتها بصباعى لقيتها زى الفل والمشكلة انى يعتبر خرجت برة الضمان عشان غيرت زيت برة وطبعا لو رحت التوكيل هيدبحنى وانا ماديا مش مستعد دلوقتى مع العلم انى مخدتش مطبات جمدة ولا خبط فى رصيف مثلا والحجات دى الحمد لله وانا بطبعتى مبحبش السرعة او ضرب الفرامل الجامدة والحركات دى فا اتمنى ان اى يحد مر بهذة التجربة او شبها يقولى اعمل اية او دة عيب اية عشان خايف الموضوع يزيد عن كدة ملحوظة العربية مش بتعوم والزاواية زى الفل بس لاغايت دلوقتى مربطش عفشة واكون شاكرا لكل من يحاول المساعدة على فكرة العربية اتومتيك

**vet mitcho** · 21-06-2010 02:28 AM

يا عم بره الضمان ازاي بس
انت 17 الف كيلو
اكيد عملت الصيانة المجانية بتاعت ال 1500 يبقى بقالك 15 الف
روح وما تقلقش ان شاء الله مش بره الضمان ولا حاجة سوبارو عندهم ليونة شوية في الموضوع ده
انا مش بروح غير كل 10 او 12 الف وعادي لسه شغال

الموضوع اللي انت بتقول عليه ده 90%اكيد من ريجة الطنابير المشهورة في الموديل ده حتى لو انت مش حسسها بايدك
روح التوكيل غير زيت دلوقتي وقلهم على الموضوع ده الن شاء الله يحل اما بخرط الطنابير لو الريجة بسيطة او تغييرها لو جامدة
(الطنبورة ليها حدود في الخرط)

ونصيحة اخيرة مهمة جدا من اخوك معاه 2008 بلاش تخسر الضمان بدري اوي كده
معلش تابع معاهم وتعالي على نفسك

**eslamsubaru** · 21-06-2010 11:43 AM

روح التوكيل علطول , علشان ده هيكون فالطنابير و لازم تروح علشان يغيروهالك فى الضمان

**thenders** · 21-06-2010 09:50 PM

يا جماعة بقول انا برة الضمان عشان غيرت زيت برة انا اصلا مرحتش الضمان ولا مرة

**thenders** · 23-06-2010 09:02 PM

اية يا جماعة محدش قادر يفدنى ولا اية طب اروح التوكيل واعمل عبيط انا كدة كدة عايز اغير زيت وتيل الفرامل

**Ahmed Hassan** · 24-06-2010 12:58 AM

روح مش هتخسر حاجه

**thenders** · 24-06-2010 11:03 PM

شكرا يا جماعة عمتا على الردود وهبقى اروح التوكيل واعمل محاولة وامرى لله على الرغم ان هما هيطلعو بميت حجة وحجة عشان يقولو ان الغلط منى وربنا يستر وبعد اذنكم عايز اسئل على حاجة هما فى التوكيل بيخرطو الطنابير برضو ولا بيغيرو على طول

**vet mitcho** · 25-06-2010 03:10 AM

الاولوية للخرط لكن لو بعد الخرط السمك هيقل عن ملليميتر معين(مكتوب على الطنبورة) يبقى لازم يغيرو

**ramyr** · 05-07-2010 02:40 PM

طنابير وش عملت معايا كدة و بعد مغيروها بقت كويسة

**thenders** · 05-07-2010 11:36 PM

متشكر جدا لكل الى اهتمو وردو علية

الموضوع: الدركسيون بيترج امبريزا سيدان 2009

LinkBack

أدوات الموضوع

عرض

-

-

-

المواضيع المتشابهه

زجاج خلفي امبريزا 2009 سيدان

الدركسيون بيترج

.: صوت غريب لما العربية بتقف من ناحية اليمين ؟! امبريزا 2009 سيدان ؟! حد عنده فكرة #

.::حصريا::.رؤية سريعة لسوبارو امبريزا Impreza 2009 سيدان ::.وهاتشباك::.من الواقع::.

.::: تعديلات امبريزا 2009 سيدان ::. من تعديلى ( تحويل امبريزا سيدان الى STi ) ::.

الكلمات الدلالية لهذا الموضوع

المفضلات

المفضلات

ضوابط المشاركة