السلام عليكم ....
انا عاوز عربيه كبيرها اوووووى 15 الف جنيه مصرى فقط لا غير ..
بس اهم حاجه عندى انها مش بتعطل ...
يعنى متجيش فى نص مشوار تقف ...
ولا فى يوم حر تقف ...
ولا الكلام ده ..
العربيه هتمشى فى اليوم مش اقل من 100 كم (كده مخرجتش بيها يعنى)
الطبيعى 150 كم مثلا ....
هل فعلا هلاقى الى انا عاوزه ؟؟
فى ناس بتقولى 127
او 127 توب ( دى الى عاجبانى بصراحه )
فى ناس بتقول 124 ...
ناس بتقول بيجو (305) دى بقى تحفه و مع واحد صحبى و لولا انه عمل بيها حادثه كنت اشتريتها منه ...
الى عاوزه اعرفه كمان بقى ...
لو فرضا طلبى موجود ...
اكيد اى عربيه من دول هصرف عليها فى الاول (اشدها يعنى)
هتصرف كام ؟؟
عفشه و مكنه و فتيس فقط ...
مش هعمل لا سمكره و لا بويه الا اذا كان فى برومه جامده ...انما لو على الشكل ..لا مش عاوز شكل ...
مستنى الردود
و عموما الوقت طويل ...لو طلبى موجود مش هنفذ قبل شهرين تلاته اربعه