عرض للطباعة
انا كنت ناوي اشتري شيفرولية اوبترا مانيول ب 87000 لكن ربنا سهلها والميزانية زادت شوية وممكن اجيب هيونداي الانترا مانيوال ب 98000طبعا الالنترا احسن وده شيء انا متأكد منه لكن هل الفرق اللي لصالح الالنترا يساوي فرق السعر 11000 جنية ؟؟؟
لو سمحتم انا محتاج رأي الخبراء في المنتدي العزيز
بصراحة مفيش مقارنة خالص
1 الانترا باور كهربا
2 الانترا عزل داخلي احسن
3 ماتور و عفشة وثبات احسن بكتير
4 اوسع من جوة
5 اعتمادية اكتر
طبعا الكفة راجحة لصالح الالنترا وهذا لا خلاف عليهاقتباس:
المشاركة الأصلية كتبت بواسطة nobody
لكن هل الفرق بينهم يساوي فرق السعر 11 الف جنيه ؟.؟
الالنترا تفوق بمراحل يا باشا
الإلنترا بتتكلم في حاجة بتنافس الكورولا و اللانسر و السيفيك الجداد ،،
مستوي تاني ،،
و هذه إضافات الإلنترا الجديدة : _
الموديل الجديد يمتاز عن الموديل السابق بالتالي .
1- المحركات اكثر تطور وهي من نوع Cvvt اكثر استجابه واوفر وقود واقل صيانه لان سير التيمن ( سير الكاتينة زي الكورولا )مصنوع من الحديد ولا يحتاج تغيير .
2- قاعدة العجلات اطول يعني راح اكثر وسعه اكبر .
3- تعليق جديد متعدد الوصلات يعطي ثبات اكبر للسياره
4- الشنطه لموديل 2007 اكبر من 2006 السابقه
5- المقود متطور اكثر وهو من نوع الكتروبور اقل قطع لايوجد به طرمبة زيت دركسون او علبة
زيت دركسون او سير دركسون او ليات ومواسير زيت وبالتالي يعني اقل صيانه واقل تاثر بظروف
الطريق لانه لا يوجد عمود دركسون بين المقود والكفرات فلا تنتقل الاهتزازات الى المقود مثلا عيون
القطط اكثر دقه لعدم وجود مايسمى بالدوده واكثر سلامه في الحوادث لا قدر الله لانه لا يوجد عمود
خلف المقود ويوجد فقط اسلاك كهربائيه . وهذا النظام تم تجهيزه في اكسنت 2006 قبل كذا واثبت
فعاليته والان تم اعتماده من تايوتا في سيارتها كورلا الجديده 2008
و لكن حكاية الفرق يستاهل دي حاجة ترجعلك ،،
يعني في واحد بيشوف كلهم عربيات تؤدي الغرض و يستفيد بالفلوس أفضل و في واحد كل فرق عنده يستاهل الفلوس
شكرا علي الرد والاهتمام يا جماعة
واضح من كلامكم ان الالنترا احسن بكتير يعني شكلها كدة ان الفرق يستاهل اكتر من 11 الف
سؤال اخير هل هناك فروق جوهرية بين 2007 و 2008 ياريت اللي اشتروا 2008 يفيدونا بتجربتهم
اكرر الشكر
شكرا يا ا/اجمد على المقارنة
انا نفس ظروفى متفقة مع ظروف السائل
بصراحة انا اقتنعت بكلامك جدا
بس نفسى اعرف.... ممكن مقارنة من جهة قطع الغيار فى السعر و الاحتمال مع العلم انى مهندس و اغلب شغلى مواقع ؟؟؟؟؟؟؟؟؟؟
كمان مين التوكيل الاحسن فى المعاملة بالنسبة لتوكيل كل عربية؟؟؟
بالنسبة للإحتمال مقدرش افيدك
بس بصراحة بشوفها عربية شيك مش بتاعت مواقع و بهدلة ،،، يبقي حرام
قطع الغيار اعتقد الأوبترا ارخص بس ده ممكن يتغير مع الوقت لأن معروف إن ميزة هيونداي تواجد قطع غيارها بره و جوه التوكيل
التوكيل منصور افضل من غبور