أية رأيكم فى شراء سيارات الحوادث أو المعيوبة , و هل ليكم تجارب ؟

**AMA** · 21-06-2010 02:09 AM

الموضوع عجيب شوية و فيه جراءة عجيبه لكنها للأستخدام الشخصى
(طبعا حرام جدااااااا واحد يصلح عربيه حادثة أو معيوبة و يبيعها عشان يكسب فيها دا أسمه طمع و أستغلال)
أنا بتكلم لو واحد مثلا عايز عربية شخصيه و فلوسها غاليه عليه ممكن يفكر يجيب عربيه معيوبة أو حادثة ماعدا طبعا الميكانيكا تكون سليمه 100% و تكون بتمشى و يصلحها واحدة واحدة على مزاجه ؟ و طبعا لما تتصلح فى النهايه هيكون سعرها برضة أقل من السليمه لأنه هيشتريها بتمن صاجها فقط
ياريت النقاش فى الموضوع دة

بالنسبه لأستفسارى البسيط
كان فيه واحد عارض عربيه جيب سوزوكى الصالون بتاعها محروق بالكامل فهل دة هيأثر على الميكانيكا ؟
و هل هيكون أيه سعرها بعد الحريقة دى ؟

**magyver** · 21-06-2010 02:59 AM

اعرف نااس كتير كدة
ولو جيت بصتلها
لو عربية اي حد لاقدر الله حصلها حاادثة
هتوديها التوكيل وتصلحها
هما يعني التوكيل دة الصنايعية اللي فية بشوات
والل برة وحشين
بالعكس فية ناس برة برقبت اللي في التوكيل
وانا اعرف واحد سمكري معرفة شخصية
متخصص في كدة بيجيب عربيات عاملة حادثة وبيعملها
كل حااجة من الاف للياء وبيبيعها طبعا اقل من السووق
فهيا فكرة حلووة والله ومناس كتير بتعملها
بس الرك علي الصنايعي اللي هايشتغل في العربية

**AMA** · 21-06-2010 05:28 AM

المشاركة الأصلية كتبت بواسطة magyver

اعرف نااس كتير كدة
ولو جيت بصتلها
لو عربية اي حد لاقدر الله حصلها حاادثة
هتوديها التوكيل وتصلحها
هما يعني التوكيل دة الصنايعية اللي فية بشوات
والل برة وحشين
بالعكس فية ناس برة برقبت اللي في التوكيل
وانا اعرف واحد سمكري معرفة شخصية
متخصص في كدة بيجيب عربيات عاملة حادثة وبيعملها
كل حااجة من الاف للياء وبيبيعها طبعا اقل من السووق
فهيا فكرة حلووة والله ومناس كتير بتعملها
بس الرك علي الصنايعي اللي هايشتغل في العربية

أنا ضد معظم التوكيلات فى كل حاجة
ممكن يبقى واحد خريج كليه أداب أو تربيه و يبقى هناك مهندس أو مشرف على حاجة معينه يبقى أية علاقة مجاله بالمجال دة مش قصدى الدراسة يعنى الصنايعى من نعومه ضوافره شغال لكن دا بعد ماشاب ودوه الكتاب زى مابيقولوا فأنا ضد التوكيلات بصراحه و ضد الصنايعية الأستغلاليين برضة
و يا ريت كمان تسألنا شوية الناس دى أية قصتها فى الموضوع دة و بتبقى العربيه رخيصه أد أية كدة يعنى

**am79** · 21-06-2010 07:38 AM

انا سمعت عن الموضوع ده عربيات شركات التأمين عربيات بتكون عامله حوادث وطبعا كل عربيه بيكون سعرها علي حسب الاضرار
وبتتباع لوط وبيكون فيها موديلات حديثه خالص
بس معنديش معلومات عن الاجراءات بتاعت المرور لانها بتكون في الغالب بتستلمها من غير ارقام
ياريت لو حد عنده معلومات اكتر يفيدنا

**AMA** · 21-06-2010 01:29 PM

المشاركة الأصلية كتبت بواسطة am79

انا سمعت عن الموضوع ده عربيات شركات التأمين عربيات بتكون عامله حوادث وطبعا كل عربيه بيكون سعرها علي حسب الاضرار
وبتتباع لوط وبيكون فيها موديلات حديثه خالص
بس معنديش معلومات عن الاجراءات بتاعت المرور لانها بتكون في الغالب بتستلمها من غير ارقام
ياريت لو حد عنده معلومات اكتر يفيدنا

بس لوط كامل دة يبقى عايز تاجر مش عايز مواطن طبيعى مش عارف ساعات بحس أن المرور أو شركات التأمين بالوضع دة بتشجع التجار على المستهلك
هوا ينفع لو مجموعة شباب كدة أشتركوا مع بعض
و لو حد يا أخوانا عنده معلومات عن لوطات التأمين دى يكلمنا عنها برضة

**magyver** · 21-06-2010 05:31 PM

والله كل حااجة علي حسب سعرها
واكيد بردة بيبيع حاجات ومش بيقول انها مغيرة حااجة
لانها بتكون معمولة بحرفية جاامدة
والسمكري دة كان مغير نص قدماني لعربية فيرنا بتاعت جدي
وانا اللي كنت باروح واجي معاة
ونزلنا الحرفيين جبنا نص وركبة ومحدش عرف انها كانت مغير نص قدمااااني
وبعدين جدي ركبها شوية ودخلها في نيو اكسنت كانت واخدة خبطة
في الباب اليمين ومردودة علي الباارد
وخبطة في السقف في الحز بتاع الازاز اللي قدام وكلة بسعرة
وكل حاجة معمولة كويس مش فاكر الفرق قد اية
وانا كنت اخر مة عندة من شهر كان جاايب عربيتين
النترا وميجان 2005
وكان بيعملهم علشان يبيعهم
وكان معاة قبل كدة بيجو 307 وداايو
سمكري صاايع وايدة تتلف في حرييير

**د.محمود صلاح** · 21-06-2010 07:27 PM

بس ياريت التجار اللي بيشغلوا في الموضوع ده يكون عندهم ضمير ويذكروا ذلك للمشتري عند البيع

**mahmoud_anwar** · 21-06-2010 08:05 PM

ياجماعه انا فكرت اعمل كده بس بصراحه لما فكرت حسيت اني ممكن اعمل عربيه بتمن عربيه سليمه ليه اولآ انا لما عملت حدثه بعت عربيتي بي كام 5 الف جنيه وهيا بي ام 316 موديل 82 يعني صباح المكسب للي بعتهاله
انا فكرت اشتري عربيات عامله حدثه وانا الي اظبطها بس بعد كده لقيت مشكله هتقبلني ان الصنيعي هيكلك لي انك مش تاجر وسطيهم وكمان الناس الي بتشتري عربيات الحوادث دي بتكون هيا صنيعيه اصلآ وبيمسكه العربيه يظبطوها علي الشعره لي درجه انهم بيدوها دهان زي ما الكتاب بيقول ومتقدرش تعرف انها راشه ولا لأ لي انها دي شغلتهم فا من الاخر انتا لو فكرت
أولآ السمكري لي وحده هيقولك لو عيزها علي الشعره ولا 5 ولا 6 بواكه ثانيآ روح غير عافشه كامله فيها مبلغ وقدره حسب كل نوع سياره وموديلها سقط ماتور يامعلم علشان اكيد المتور هيكون اتكسر في الحدثه هتلك اربع جنوط وفرد جداد من الاخر الحوادث دي ليها نسها وبصراحه انا اشتري عربيات وادث اظبطها وابيعها بس انا مش صنيعي علشان اقدر اعمل اقل تكليف وابعها بي اعلي عر وفكرت اتعلم ميكانيكا والله ودوكو علشان بجد مشروع جامد موت والي بيعمل حدثه بي عربيته بيبقا قرفان منها
وممكن يبعها بطراب الفلوس لي انه مبقاش متفائل بيها وسئلوني انا خسران في شهرين 20 الف لكن الي اشترها هيكسب
علي الاقل 20 وهيصرف عليها خمسه ماتور وخلاص وينزل يبيع وتقنها مرشتش قبل كده دي حرفتهم

**am79** · 22-06-2010 04:27 AM

يا جماعه انا اعرف واحد بيجبهم وبعدين في عربيات بتكون سليمه شويه يعني محتاجه ربع او سقف وكله بسعره
انا شوفت معاه عربيه دايو نوبيرا 2006 عاوزه نص وكان معاه افيو 2008 كانت جديده لدرجه ان الاكياس بتاعت الفرش لسه عليها عاوز نص السقف وربع الشنطة
بس طبعا هو قالي علي الافيو سعر خيالي وهي علي عيبها كده قالي دي وهيه كده معديه 50 ألف طبعا هو تاجر وبيصتاد قلتله حرام عليك دي زيرو ب 72 ألف وهو دلوقت بيشدهم عند سمكري وهيبعهم سلام
يعني انت ممكن تجيب عربيه من التأمين تكون الحادثه خفيفه واهو كله بسعره اهم حاجه انك تقدر تقييم تكاليف التصليح هتوصل لكام وهيكون سعرها بعد التظبيط سوقها كام لانها لو هتعدي الواحد يجيب عربيه سليمه احسن
وفيه ناس في شركات التأمين بيطلعوا عربيات للمواطنين العاديين بس عن طريق المعارف او عن طريق تجار برضه هو بيأخد عموله من تحت الطربيزه ويظبنك في عربيه او عربيتين مش لازم اللوط كله وده من كلام راجل لي شغال فيهم بس هو شغال في العربيات الكوري بس ويظبتلك سعرها كمان
وفيه واحد تاني برضه شغال في الموضوع ده بيجيب عربيه ويشدها قالي لو عاوز اي نوع عربيه اجبهالك طبعا هو ليه سكه في شركه التأمين
قالي لو عاوز اي نوع عربيه اشوفها موجوده عندهم واجبهالك من هناك بس انت بتدفع ثمن العربيه ويجبلك الورق بعد 20 يوم مش عارف ليه موضوع الورق ده بيتأخر فطبعا انت بتدفع فلوس في سمك في مياه تشتري عربيه وبعدين ورقها يجيلك موضوع يقلق هو بالنسبه ليه هو مش تفرق معاه لانه عارفهم انما احنا كناس بتركب نخاف ومضمنش برضه التجار يطلع في الاخر حوار كبير ومتعرفش ترخصها وتلبس يا معلم
ولو حد عنده فكره بتفاصيل اكتر احنا مع بعض اهو
وعاوزين نعرف لو حد عنده فكره عن موضوع الورق ده ليه مش بيطلع مع العربيه بيتأخر لما تأخده يفهمني ليه وفيها امان ام لا

-

الموضوع: أية رأيكم فى شراء سيارات الحوادث أو المعيوبة , و هل ليكم تجارب ؟

LinkBack

أدوات الموضوع

عرض

أية رأيكم فى شراء سيارات الحوادث أو المعيوبة , و هل ليكم تجارب ؟ - انشر الموضوع فى :

-

-

-

-

-

-

المواضيع المتشابهه

رايكم ايه فى شراء و تصليح سيارات الحوادث

كيف يمكنك تفادى الحوادث للمبدئين والمحترفين تجارب عمليه

باركولى لانضمامى ليكم (احسن جروب سيارات)- نيسان

ما رأيكم بمشروع شراء سيارات الحوادث واعادة اصلاحها ثم بيعها مره اخرى؟

الكلمات الدلالية لهذا الموضوع

المفضلات

المفضلات

ضوابط المشاركة