داخل على عمرة ومحتاج مشورة (( بيتل 76))

السلام عليكم

باخصتار يا جماعة انا هعمل عمرة لعربيتى البيتل اخر الشهر ان شاء الله ومحتاج كللللللللللللل نصايحكم:ask:
- اعمل العمرة عند مين ولو فى اسعار ياريت تقولولى كام وبعد العمرة اعمل ايه
ياريت يعنى كللللللل حاجة لغاية ما اوصل بالعربية لبر الامان بعد العمرة:120105~352::120105~352: ... بس اهم حاجة الاول قولولى اعملها عند مين احسن انا مش بتعامل مع ميكانيكى معين ... و اخدت لفة كده على كام ميكانيكى وسمعت العجب
اللى يقولى موتور استيراد واللى يقولى لالالالالالالالالالا عمرة طبعا :mahf(5):
وما بالكم بقى بالاسعار كل واحد بيقول حاجة وطريقتهم باينة اوى انها فيها تحايل و نصب:whtauwant:
ومبقتش عارف مين الصادق ومين الكداب
فجزاكم الله خيرا انصحونى......

متاكد انى هلاقى اجابة اسئلتى معاكم كالعادة .... ومتشكر مقدما :36_1_1[1]:

الرابط ده هيفيدك اوي
http://www.nilemotors.net/Nile/28801-a.html

فكر وقبل ما تقرر قولنا

أ/ حسام و أ/ احمد
جزاكم الله خير لتفاعلكم
وانا هطلع على الرابط وهقولكم كل جديد معايا هنا ان شاء الله عشان الناس تدينى رايها وبردو تبقى تجربة يمكن حد يتعلم منها

اقتباس:

---

المشاركة الأصلية كتبت بواسطة thepeonoflove

أ/ حسام و أ/ احمد
جزاكم الله خير لتفاعلكم
وانا هطلع على الرابط وهقولكم كل جديد معايا هنا ان شاء الله عشان الناس تدينى رايها وبردو تبقى تجربة يمكن حد يتعلم منها

---

فى ميكانيكى كويس قوى اسمة اسماعيل عبد المنعم هو استاذ مواتير نعرفة يمكن من 18 سنةوالعلاقة بية كويسة حتى مع الوالد هو البيعملنا عمرات على طول لو حضرتك تحب ممكن اقولك مكانة وتلفونة هيقولك على الفيها من غير لف ودوران موتورك كويس والعمرة هتنفع هيقولك مش هتنفع هيقولك هات استيراد ومعندوش ملوعة الصنايعية

اقتباس:

---

المشاركة الأصلية كتبت بواسطة ahmed2y

فى ميكانيكى كويس قوى اسمة اسماعيل عبد المنعم هو استاذ مواتير نعرفة يمكن من 18 سنةوالعلاقة بية كويسة حتى مع الوالد هو البيعملنا عمرات على طول لو حضرتك تحب ممكن اقولك مكانة وتلفونة هيقولك على الفيها من غير لف ودوران موتورك كويس والعمرة هتنفع هيقولك مش هتنفع هيقولك هات استيراد ومعندوش ملوعة الصنايعية

---

يا باشا ربنا يباركلك
مادام هو بيشتغل ف البيتل وانت بتقول عليه كويس اوى كده ياريت ادينى تليفونه او عنوانه وانا اروحله
ويبقى جزاك الله خير الجزاء عنى

عاطف عبد فرج الميكانيكى و جمال الميكانيكى أخوه بيتعاملوا مع نفس الخراط
و هو بصراحة خراط ممتاز و خبرة فى البيتل

و ياريت أحمد باشا الدغيدى يقولنا تجربته مع إسماعيل عبد المنعم الميكانيكى و مكانه و تليفونه

و ياريت تبلغنا بكل جديد يا أستاذ محمد نبيل
ولو محتاج أى إستفسار أو مساعده إحنا فى الخدمة

اه ياريت عشان انا محتار
الحاج محمد على
ولا عاطف عبده فرج
ولا جمال عبده فرج
ولا اسماعيل عبد المنعم

انا حتى الان مستقر على الحاج محمد على لان ناس كتير بتشكر فيه
ومنتظر بردو لو اى حد من الاخوة الكرام يكون عنده اقتراح محدد

والاستاذ احمد الدغيدى يكون شاكر لو يكلمنا عن تجربته مع اسماعيل عبد المنعم


وكالعادة بجد مشكورين على التفاعل مع الموضوع
وكالعادة بردو هقولكم على كل المستجدات اول باول وخطوة بخطوة

اقتباس:

---

المشاركة الأصلية كتبت بواسطة thepeonoflove

اه ياريت عشان انا محتار
الحاج محمد على
ولا عاطف عبده فرج
ولا جمال عبده فرج
ولا اسماعيل عبد المنعم

انا حتى الان مستقر على الحاج محمد على لان ناس كتير بتشكر فيه
ومنتظر بردو لو اى حد من الاخوة الكرام يكون عنده اقتراح محدد

والاستاذ احمد الدغيدى يكون شاكر لو يكلمنا عن تجربته مع اسماعيل عبد المنعم


وكالعادة بجد مشكورين على التفاعل مع الموضوع
وكالعادة بردو هقولكم على كل المستجدات اول باول وخطوة بخطوة

---

بص يا باشا انا اعرف ثلاثة من الاربعة دول بس هتكلم على 2 وهما دول الى بتعمل معاهم محمد على واسماعيل عبد المنعم ومحمد على عرفتة من حوالى سنةمن الشباب هنا كل واحد منهم كويس فى حاجة طبعا الكلام دة كلة بالنسبالى انا لان على فكرة لما لوصف لحد واحد عشان يعملة حاجة ببقى خايف ميعجبوش ويقول انت السبب المهم كل واحد منهم كويس فى حاجة يعنى محمد على ممتاز جدا فى طقم السرفيس وضبط المتور لا يعلى عالية ولسة كنت عندة بعمل سرفيس ومرضتش اروح لاسماعيل ولكن من حوالى 3 شهور لما وش السلندر اليمين اتشرخ روحت لاسماعيل من غير كلام لانة استاذ عمرات وشغال لوحدة معهوش حد فبيعلق المتور قدامة وبيعد يشتغل فية بمزاج ولا صنايعى يشتغل ويجى غيرة يكمل ودة مهم وبعمل كدة كمان مع محمد على لما يجى عمرو ابنة يشتغل بقولة يا حج عاوزك ان التعملى العربية لان لو سبتها لحد تانى عالية العوض

رقم الحج اسماعيل 0185600017 وهو فى شبرا قريب من عبود ورا نادى اسكو ودة رقمى 0106562388ولو استقريت عالية كلمنى وانا اكلمهولك وربنا يوفئك

اقتباس:

---

المشاركة الأصلية كتبت بواسطة ahmed2y

رقم الحج اسماعيل 0185600017 وهو فى شبرا قريب من عبود ورا نادى اسكو ودة رقمى 0106562388ولو استقريت عالية كلمنى وانا اكلمهولك وربنا يوفئك

---

جزاك الله خير والله
وهتوكل على الله ونعمل العمرة عند الحاج اسماعيل
ومتقلقش لو حصل حاجة مش هقول بسببك :shine[1]:
انت كفاية انك بترد على الموضوع وبتقولى على اللى تعرفوا وربنا يجازيك خير على كده

وان شاء الله قريب اول بس ما الاموال تتظبط كلها واروح على الحاج اسماعيل وربنا الموفق بقى




وبردو هقولكم على كل خطواتى مع العمرة ان شاء الله


منتدى رائع بجد مفيش زيكم
شكرا

اخر التطورات
النهاردة الخميس 29/7/2010
روحت الصبح بدرى للحاج اسماعيل اللى وصفهولى الاستاذ احمد
الراجل من غير ما يشوف العربية قالى عمرة لا ولازم موتور جديد وعمل شوية اتصالات لناس تجار مواتير وكده والاسعار عالية اوى
وبصراحة يعنى مستريحتش ليه مش عارف ليه
كبر دماغه ولا شاف العربية ولا حاجة وقالى لالالالالالالا عمرة لا استيراد وخلاص احسن وحسيت بعدم راحة كده


المهم اخدت كلامه وروحت عند الاسطى محمد الاسمر اللى ف التجنيد
يا جماعة بجد الراجل دامحترم جدا والله وجاب معايا من الاخر قالى هنشوف لوالموتور يتعمر وينفع هنعمله ولو مينفعش خالص يبقى نجيب واحد و لازم اشوف الاول وكده وقالى كمان انه شغال ف العفشة وكده
واتفقت معاه على يوم الاتنين الجاى ان شاء الله هوديله العربية
ومش عارف ليه مستريحلو وكلامه دخل دماغى اوى
ربنا يكرمك ويطلع شغله حلو زيه كده

انا حبيت اقولكم على اخر تحركاتى مع العمرة
وان شاء الله لما اروحله اقولكم على التفاصيل واللى هيحصل وكده

تحياتى

محمد باشا نبيل الله يكون في عونك الصنيعية بيتعبوا القلب

تلاقي الحج اسماعيل مظبط مع تجار المواتير وهيطلعله على الاقل 1000 جنيه عمولة

فيتعب نفسه ليه في تعمير الموتور

انتا لو ناوى على موتور استيراد لف عند كل التجار لوحدك الاول وشوف الاسعار
وبعد كدة خد ميكانيكي واشترى

ربنا معاك

---------------
محمد سالم

بس موضوع الموتور الاستيراد ده عامل زى البطيخة المقفوله ،،، بس لازم تأخد معاك ميكانيكى ثقه علشان يشوف الموتور ده و كمان يفاصل فى السعر و ابقى قولى جبته بكام ؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة smsmxxxxxx

محمد باشا نبيل الله يكون في عونك الصنيعية بيتعبوا القلب

تلاقي الحج اسماعيل مظبط مع تجار المواتير وهيطلعله على الاقل 1000 جنيه عمولة

فيتعب نفسه ليه في تعمير الموتور

انتا لو ناوى على موتور استيراد لف عند كل التجار لوحدك الاول وشوف الاسعار
وبعد كدة خد ميكانيكي واشترى

ربنا معاك

---------------
محمد سالم

---

محمد باشا سالم ربنا يكرمك يارب و فعلا الصنايعية مقرفين اخر حاجة
مش عارف ليه الناس ميبقاش عندها ضمير ويعاملو ربنا وفكرتك صح هو تقريبا هيطلع مصلحة ف الموتور الاستيراد احسن من العمرة ف بيريح دماغه
وان شاء الله هعمل زى مانت قولت بس دا هيبقى بناء على كلام الاسطى محمد الاسمر بقى لو قالى موتور يبقى هلف واسئل ولو قال عمرة يبقى الحمد لله وربنا يكرم يارب

اقتباس:

---

المشاركة الأصلية كتبت بواسطة hosamsief

بس موضوع الموتور الاستيراد ده عامل زى البطيخة المقفوله ،،، بس لازم تأخد معاك ميكانيكى ثقه علشان يشوف الموتور ده و كمان يفاصل فى السعر و ابقى قولى جبته بكام ؟؟؟؟؟؟؟؟؟؟؟؟

---

ادعيلى بس الامور تمشى تمام كده وميتعمليش شغل اى كلام ف العربية
و ان شاء الله هقولك لو جيبت استيراد عمل معايا كام


وعلى كل حال الاسعار اللى سمعتها النهاردة كانت كالاتى
- موتور 1200 3700
- موتور 1300 4700
الكلام داعند الحاج اسماعيل
وعرض عليا موتور بـ 2000 جنيه 1200 سى سى
بس قالى كلام غريب كده خلانى مرتاحش
بيقولى كانو بيستخدموه ف حرب 73 ومعدلينه عشان يرشو بيه مية عشان خط بارليف
وكلام غريب كده والله توهنى معاه عشان كده قلقت منه حسيت انه عايز يلزقلى اى حاجة وخلاص




شكرا ليكم بجد على متابعتكم معايا وان شاء الله اوافيكم بالتفاصيل اول بأول

تحياتى

ممكن يبقى فعلا المتور عايز يتغير. ومتور الفولكس 3 خارطات بس 10 اول مرة بعد كدة 20 ثم 30 اخر حاجة , و ممكن يكون عايز طقم سبيكة و شنبر فقط , حاول تروح لكذا واحد و تحكم انت فى الاخر :majd(4)::majd(4)::majd(4):

volex74 : شكرا لاهتمامك وكلامك صح ادعيلى بس

وديت العربية اخيرا للاسطى محمد الاسمر وهو والله راجل محترم جدا جدا

امبارح نزل الموتور وللاسف قالى مش هينفع يتعمر ولازم اجيب موتور استيراد
وقالى هيشوفلى الاسعار
بس انا بردو عايز انزل اسال انا بنفسى عشان ميضحكش عليا ف السعر

ياريت لو حد فيكم يعرف تليفون او مكان حد بيجيب مواتير بيتل استيراد ويكون مضمون ورخيص يقولى عليه بالله عليكم
واكيد هاخد معايا الميكانيكى عشان بشوف الموتور

منتظر توجيهاتكم يا بيتلزاوية

صباح الخير يا باشا
ربنا معاك و يعينك والله على الصنايعيه و تعبهم و حوارتهم
انا كنت عايز اعرف انت بتشتكى من ايه فى الموتور
و لييه قالك ان الموتور لازم يتغير
اصل انا برضه عنده مشكله فى الموتور المكنه خفيفه و بحط زيت شمبر و السحب مش حلو و العربيه فسيخه
غير الفتيس كمان بقى بيرد فى النقله التانيه و المرشدييير

تقبل مرورى و مشكووور مقدما

اقتباس:

---

المشاركة الأصلية كتبت بواسطة beetlemosh

صباح الخير يا باشا
ربنا معاك و يعينك والله على الصنايعيه و تعبهم و حوارتهم
انا كنت عايز اعرف انت بتشتكى من ايه فى الموتور
و لييه قالك ان الموتور لازم يتغير
اصل انا برضه عنده مشكله فى الموتور المكنه خفيفه و بحط زيت شمبر و السحب مش حلو و العربيه فسيخه
غير الفتيس كمان بقى بيرد فى النقله التانيه و المرشدييير

تقبل مرورى و مشكووور مقدما

---

اولا شكرا لمرورك
وربنا معانا كلنا يارب
وانا الموتور مكانش فيه كل دا عندى... انا قبل كده فى حد قالى انه خفيف , وف يوم كده ف امان الله الموتور راح مرزع ومن ساعتها والصوت دا موجود, صوت ترزيع جامد
والميكانيكى لمافتح الموتور قالى انه اخر خرطة ومش هينفع يتعمر تانى عشان كده هنشوف واحد استيراد ان شاء الله


بالنسبة لاخر اسعار الاستيراد اللى عرفتها لانى اتصلت امبارح ببعض التجار عشان اعرف الاسعار
فهى بتبدا من 3500 -7000 و دا حسب السى سى
يعنى الـ 3500 جنيه دا الـ 1200 سى سى
والـ 7000 دا الـ 1600 سى سى
ودى اول كلمة اخدتها من التجار يعنى من غير فصال بقى والكلام دا

وان شاء الله النهاردة هعمل لفة جامدة بنفسى بقى على بقاى التجار وعزبة شلبى و والوكالة و التوفيقية وكده
واشوف ايه الاخبار

وبردو هقولكم على كل جديد

تحياتى

استاذ محمد مواتير الفولكس فى الهرم وعين شمس عشان متلفش كتير

0105616801 يحيى كمال
0101933480 اسامة علام ودة جنبة واحد تانى اسمة ماهر معرفش رقم تلفونة جنبة برضو

مشكور على الرد و الاهتمام
بس ليا استفسار تانى
هى الاسعار دى بالفتيس ولا من غير؟!!

السلام عليكم ورحمة الله وبركاته
بصراحه الله يكون فى عونك
ياريت بس تعمل زياره عند عاطف عبده فرج وتشوف رأيه ايه

اقتباس:

---

المشاركة الأصلية كتبت بواسطة ahmed2y

استاذ محمد مواتير الفولكس فى الهرم وعين شمس عشان متلفش كتير

0105616801 يحيى كمال
0101933480 اسامة علام ودة جنبة واحد تانى اسمة ماهر معرفش رقم تلفونة جنبة برضو

---

اي حاجه يا جماعه خاصه بالفلوكس باذن الله اسامه علام .. انسان مصلي و محترم و تاجر امين

بيقولك تمنه كذه و انا باخد فيه كذا

تليفونه 0101933480

ربنا يوفقك

اقتباس:

---

المشاركة الأصلية كتبت بواسطة ahmed2y

استاذ محمد مواتير الفولكس فى الهرم وعين شمس عشان متلفش كتير

0105616801 يحيى كمال
0101933480 اسامة علام ودة جنبة واحد تانى اسمة ماهر معرفش رقم تلفونة جنبة برضو

---

جزاك الله خير يا باشا

اقتباس:

---

المشاركة الأصلية كتبت بواسطة beetlemosh

مشكور على الرد و الاهتمام
بس ليا استفسار تانى
هى الاسعار دى بالفتيس ولا من غير؟!!

---

والله انا نفسى معرفش دى اول مرة ليا ف الحوار دا بس هشوف ايه اللى هيتم معايا وهعرفكم بكل جديد ان شاء الله ادعولى بس


[quote=ابوهاشم;3872923185]السلام عليكم ورحمة الله وبركاته
بصراحه الله يكون فى عونك
ياريت بس تعمل زياره عند عاطف عبده فرج وتشوف رأيه ايه[/
quote]

ربنا يباركلك يارب بس انا بقول خلاص بقى انا مرتاح مع الاسطى محمد الاسمر اوى وهو راجل محترم وامين
واحتمال بكرة ولا بدعه انزلمعاه نجيب الموتور وهيبقى كل حاجة قدامى

اقتباس:

---

المشاركة الأصلية كتبت بواسطة wawamoha

اي حاجه يا جماعه خاصه بالفلوكس باذن الله اسامه علام .. انسان مصلي و محترم و تاجر امين

بيقولك تمنه كذه و انا باخد فيه كذا

تليفونه 0101933480

ربنا يوفقك

---

جزاك الله خير يا هندسة
بس يا ترى عنوانه ايه اسامة علام ؟؟؟

اسامه علام و را حديقه بدر اللي في اخر جسر السويس عند الجراج ز ربنا معاك

قولله بس انا من طرف وائل صاحب الفلوكس الخضرا :)

اقتباس:

---

المشاركة الأصلية كتبت بواسطة wawamoha

اسامه علام و را حديقه بدر اللي في اخر جسر السويس عند الجراج ز ربنا معاك

قولله بس انا من طرف وائل صاحب الفلوكس الخضرا :)

---

ربنا يباركلك يارب


اما عن اخر الاحداث مع العربية
اليوم 2 رمضان
كل سنة وانتم طيبين الاول

روحت للاسطى محمد الاسمر عشان نجيب الموتور
وقالى تعالى بعد الفطار
روحتله وبعتنى عند تاجر ورا حديقة بدر اسمه ماهر ميشيل وتليفونه 0102051441
بصراحة راجل كله ذوق واحترام وامانة وبيجيب من الاخر بجد مش كلام
كان الموتور جاهزعنده من قبل كده
والاسطى محمد كان راح شافه بنفسه وحجزهولى ( تليفون الاسطى محمد الاسمر للافادة يعنى = 0123835856 وهو فى التجنيد الشارع اللى قدام سنترال الزيتون )
روحت وسمعت صوت الموتور ما شاء الله بجد
والراجل عمل معايا احلى واجبات تتعمل و ادانى حاجات فوق البيعة كمان :shine[1]:
وخلصت الموتور على 3100 جنيه 1200 سى سى
واخدته للاسطى محمد الاسمر الورشة بس كان الوقت اتاخر
بكرة ان شاء الله هروحله بدرى اوى عشان يظبط الموتور بقى وينضفه ويركبه
ويظبطلى العفشة وكده

ادعولى بقى العربية تتظبط وترجع زى الفل كده
وان شاء الله هوافيكم بكل جديد
وانا تحت امركم ف اى سؤال

ماهر محترم قوى اتعاملت معاة مرة كلمتة واحدة ومتفاهم واسعارة كويسة ومش مبالغ فيها

اولا مبروك على الموتور الجديد ربنا يباركلك فيه ....:verygood:
يعنى 3100 على موتور 1200 سي سي امال ال 1300 و ال 1600 يعمل كام دلوقتي ؟؟؟؟؟؟؟؟ :36_1_31:

اقتباس:

---

المشاركة الأصلية كتبت بواسطة ahmed2y

ماهر محترم قوى اتعاملت معاة مرة كلمتة واحدة ومتفاهم واسعارة كويسة ومش مبالغ فيها

---

اه فعلا والله الراجل دا محترم جدا وبيجيب من الاخر زى ما بيقولو كده
ولسة انا ان شاء الله محتاج حاجات تانى هجيبها من عنده
و اى حاجة هحتاجها هروحله
انا شوفت عنده شوية حاجات استيراد لواتجمعت تعمل 20 عربية بيتل :b4_556:

اقتباس:

---

المشاركة الأصلية كتبت بواسطة hosamsief

اولا مبروك على الموتور الجديد ربنا يباركلك فيه ....:verygood:
يعنى 3100 على موتور 1200 سي سي امال ال 1300 و ال 1600 يعمل كام دلوقتي ؟؟؟؟؟؟؟؟ :36_1_31:

---

الله يبارك ف عمرك يارب
انا اللى عرفته الـ 1200 زى ما انا جيبته كده
والـ1600 عامل 6500 جنيه يعنى ممكن يخلص على 6000
الباقى بقى مش عارف يعملوا كام بالظبط



واخر الاخبار انى بكرة رايح استلم العربية ان شاء الله ادعولى بقى كله يمشى تمام
هروح بعد كده اظبط شوية حاجات عند الكهربائى بس ويبقى تمام اوى كده الحمد لله:,:

الاسعار ديه غالية قوى انا لما كنت بسأل على مواتير العربيات ديه فى بورسعيد كان ال1600 بيعمل 4500 وال1300 كان من 3500ل4000 جنيه وكانت المواتير الغالية هى 1800 و2000 او 2200 مش فاكر بس تقريبا سعرهم كان بيوصل ل6000 او7000 على ما أفتكر بس انا كنت مهتم بال1600 علشان كده فاكر سعره والكلام ده كان من4 سنين

اقتباس:

---

المشاركة الأصلية كتبت بواسطة kempel

الاسعار ديه غالية قوى انا لما كنت بسأل على مواتير العربيات ديه فى بورسعيد كان ال1600 بيعمل 4500 وال1300 كان من 3500ل4000 جنيه وكانت المواتير الغالية هى 1800 و2000 او 2200 مش فاكر بس تقريبا سعرهم كان بيوصل ل6000 او7000 على ما أفتكر بس انا كنت مهتم بال1600 علشان كده فاكر سعره والكلام ده كان من4 سنين

---

حضرتك زكرت ان الكلام دا من 4 سنين اكيد الاسعار اتغيرت
وكمان بيتهيالى ان ف بور سعيد بيبقى ارخص

طيب ايه اخر الاخبار معاك يا محمد باشا
ايه اخبار الموتور الجديد ؟؟!

حبايب الفلوكس

مواتير الفلوكس الاستيراد مش كلها زي بعضها ليه ؟

ممكن اشتري موتور 1300 مثلا ب 3 و غيري يشتريه ب 4 بس مانضحكش عليه انا اللي انضحك عليه ليه برضه ؟ظ

علشان في حاجه في مواتير الفلوكس اسمها شغل قبرص .. قبرص دي شويه صيع بتاع اوروبا بيروحم يلمم المواتير من اوروبا كلها من الزباله و يقعدم يوفقم لحد ما المكنه تدور و ممكن طبعا تكون مخروطه اخر خرطه مثلا
و هكذا

لو معاك واحد حدق يشوف الموتور -و هو متركب - يقوللك ده شغل قبرص و لا استيراد فعلا

نصيحه بلاش شغل قبرص .ز و التجار الي بيبيعم بيقم عارفين

يا للا نصيحه لوجه الله لحبايب الفلوكس بس
هههههه
رمضان كريم

معلومة جامدة جدا وجديدة

بس بالطريقة دى المواتير كلها اكيد جاية من قبرص

التجار عندنا ميتوصوش

كل سنة وانتا طيب

----------------
محمد سالم

اقتباس:

---

المشاركة الأصلية كتبت بواسطة wawamoha

حبايب الفلوكس

مواتير الفلوكس الاستيراد مش كلها زي بعضها ليه ؟

ممكن اشتري موتور 1300 مثلا ب 3 و غيري يشتريه ب 4 بس مانضحكش عليه انا اللي انضحك عليه ليه برضه ؟ظ

علشان في حاجه في مواتير الفلوكس اسمها شغل قبرص .. قبرص دي شويه صيع بتاع اوروبا بيروحم يلمم المواتير من اوروبا كلها من الزباله و يقعدم يوفقم لحد ما المكنه تدور و ممكن طبعا تكون مخروطه اخر خرطه مثلا
و هكذا

لو معاك واحد حدق يشوف الموتور -و هو متركب - يقوللك ده شغل قبرص و لا استيراد فعلا

نصيحه بلاش شغل قبرص .ز و التجار الي بيبيعم بيقم عارفين

يا للا نصيحه لوجه الله لحبايب الفلوكس بس
هههههه
رمضان كريم

---

حاجة قرف والله الناس بتدور على اى حاجة فيها نصب وخلاص ويعملوها
ربنا يسترها معانا كلنا
وجزاك الله خير على النصيحة بس كنت فين من بدرى قبل ما اجيب الموتور ههههههه

اقتباس:

---

المشاركة الأصلية كتبت بواسطة smsmxxxxxx

معلومة جامدة جدا وجديدة

بس بالطريقة دى المواتير كلها اكيد جاية من قبرص

التجار عندنا ميتوصوش

كل سنة وانتا طيب

----------------
محمد سالم

---

اه والله فعلا احنا التجار والصنايعية كمان عندنا ميتوصوش
لو طال يشتغلك ويديك العربية من غير موتور اصلا هيعملها

اقتباس:

---

المشاركة الأصلية كتبت بواسطة beetlemosh

طيب ايه اخر الاخبار معاك يا محمد باشا
ايه اخبار الموتور الجديد ؟؟!

---

حبيبى :36_1_1[1]:
الاخبار تمام و الحمد لله
استلمت العربية وجربتها وما شاء الله زى الفل
للعلم كل التكاليف كالاتى :-
1- موتور 1200 = 3100 جنيه
2- مستلزمات بقى ابلتين وكوندينسر و زيت والحاجات دى كلها 200 جنيه تقريبا
3- مصنعية 200 جنيه من غير فصال الراجل تعب معايا وشغلو نضيف ومبيتاخرش ف مرضتيش افاصل معاه ف المصنعية

مش عارف بقى انضحك عليا ولا لا بس اصل دى اول مرة ف حياتى كلها اتعامل مع صنايعية واول مرة كمان مع ميكانيكى
بس الشغل مظبوط الحمد لله و دا اهم حاجة الفلوس مش مشكلة

فاضلى بقى شوية شغل ف العفشة كده ان شاء الله وبعديها سمكرة ودوكو وتبقى عروووووووووسة باذن الله
اصلى كنت لسة جايبها قريب ولسة مشديتهاش
دعواتكم بقى

و انا من موقعى وخبرتى المتواضعة ياريت نضم الاسطى محمد الاسمر لقائمة افضل ميكانيكية البيتل ف القاهرة

وكل سنة وكلميارب طيبين وبخير وفى اتم صحة

و ان شاء الله معاكم بردو ف باقى الاحداث مع العفشة والسمكرة والدوكو وهبلغكم بكل التطورات عسى ان حد يستفيد




كلمة اخيرة واسف للاطالة بس محتاج اقولها
بجد بجد جزاكم الله خير كل الاعضاء المتفاعلين ف القسم هنا
بجد على ايديكم ومواضوعاتكم انا اعجبت بالبيتل
وبردوعشان كلامكم انا جيبت بيتل
ومن خبراتكم ومشاركاتكم انا تقريبا كل اللى اتعلمته كان منكم
بجد افدتونى جدا جدا وبسال ربنا انه يجازيكم يارب خير ويباركلكم على مساعدتكم للغير
طبعا كان نفسى اذكر اسماء بس خايف انسى حد بس كل الناس هنا والله ربنا يباركلك

اخر كلمة بقى :36_1_1[1]: رمضان كريم

رمضان كرييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييييم

معلش انا معلومه قبرص دي لسه عارفها و انا بتفرج قريب جدا عل بيتلز

حبيبي في الله اسامه علام هو اللي قاللي عليها ان فيه مواتير بتيجي من قبرص شغل .... زباله

مثلا الموتور اليل كنت بتفرج عليه كان 1600 .ز الرجل شاريه ب 6 الاف
الموتور ده شغل قبرص رايح برره و جوه و اسامه تمنه ب 4000 عل اقص تقدير
انا بقى ما اشتريتش العربيه كلها علشان القرف ده مع انها كانت 1303 أس (يعني بفتحه سقف)
و ده من ضمن الاسباب علشان بس ادي للموضوع حقه

شكرا ياشباب ......... بيتلز و بس

اقتباس:

---

المشاركة الأصلية كتبت بواسطة hoda3010

رمضان كرييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي يييييييم

---

الله اكرم

اقتباس:

---

المشاركة الأصلية كتبت بواسطة wawamoha

معلش انا معلومه قبرص دي لسه عارفها و انا بتفرج قريب جدا عل بيتلز

حبيبي في الله اسامه علام هو اللي قاللي عليها ان فيه مواتير بتيجي من قبرص شغل .... زباله

مثلا الموتور اليل كنت بتفرج عليه كان 1600 .ز الرجل شاريه ب 6 الاف
الموتور ده شغل قبرص رايح برره و جوه و اسامه تمنه ب 4000 عل اقص تقدير
انا بقى ما اشتريتش العربيه كلها علشان القرف ده مع انها كانت 1303 أس (يعني بفتحه سقف)
و ده من ضمن الاسباب علشان بس ادي للموضوع حقه

شكرا ياشباب ......... بيتلز و بس

---

جزاك الله خير على الافادة
و
فعلا بيتلز وبسسسسسسسسسس:120105~352:

عمرة الفولكس مش سهله لازم تروح لميكانيكى فولكس ويكون معروف