حرارة الجو و أداء العربية

**abo_lamar** · 21-06-2010 06:27 AM

ممكن سؤال يا شباب ....
حرارة الجو الفظيعة اللي موجودة الايام دي ممكن تأثر على اداء العربية ككل ؟
وايه مدى اضرارها على مكونات العربية ؟
وشكراً

**احمد المصرى** · 21-06-2010 08:37 AM

طبعا بتاثر جدااااااااااا انبارح على المحور الساعه 5 العصر كل شويه الاقى عربيه راكنه وفاتح الكبوت وبيحط مايه والحمد لله مشفتش ولا عربيه دايو عامله كدا

خلى بالك من الحر وربنا يسترها وخاصه اليوم الاثنين علشان الموجه حاره جداااااااااااااااا

**MMamdouh** · 21-06-2010 12:41 PM

الجو الحر بيخنق اى عربية... الهوا السخن بيبقى متمدد و بالتالى نسبة الاكسجين فى حجم محدد من الهوا بتبقى اقل و بالتالى مبتقدرش تحرق كمية بنزين كبيرة و بالتالى الاداء بيقل

MMamdouh

**tananybasha** · 22-06-2010 12:14 AM

تمام قوى
بيأثر بشراسه

**alexcdx** · 22-06-2010 06:58 PM

المشاركة الأصلية كتبت بواسطة m.zaher

مممممممم

انا عندي بقى العكس
لما اركن العربيه في الشمس بتاع ساعتين تلاته كده انزل ادور العربيه الصوت بيكون اهدى بكتير و السحب احسن

لأن عربيتك أوتو و أحسن أداء للفتيس عند درجه حراره 80
الزيت بيبقى فى مستوى لزوجته الطبيعيه.
لو ما بتسخنش (فى البارد ) تحس ان الفتيس بينقل بالعافيه و صوت الموتور بيعلا لأن الحمل أكبر.

**M.Zaher** · 22-06-2010 07:56 PM

المشاركة الأصلية كتبت بواسطة alexcdx

لأن عربيتك أوتو و أحسن أداء للفتيس عند درجه حراره 80
الزيت بيبقى فى مستوى لزوجته الطبيعيه.
لو ما بتسخنش (فى البارد ) تحس ان الفتيس بينقل بالعافيه و صوت الموتور بيعلا لأن الحمل أكبر.

شكرا يا هندسه

انا دايما بسيب العربيه دايرة بتاع دقيقه قبل ما اتحرك الصبح بدري

**mohelmy** · 22-06-2010 08:15 PM

يوم الاحد كنت فى القاهرة وعلى كوبرى اكتوبر وطريق الاوتوستراد لاحظت ان العربية كانت بتنتش كدة على خفيف على الاول والتانى فى الزحمة دة و انا كنت مشغل التكييف طبعا. وبعد ما خرجت من القاهرة على السريع كان شيئا لم يكن. يا ترى ايه تفسير اللى حصل دة؟ وهل فيه حاجة لازم اشيك عليها ولا دة طبيعى مع الحر والزحمة؟

-

-

الموضوع: حرارة الجو و أداء العربية

LinkBack

أدوات الموضوع

عرض

-

-

-

-

-

-

المواضيع المتشابهه

حساس حرارة الجو الي في شاشه التابلو

أشتري منين ترمومتر قياس حرارة الجو

حساس حرارة الجو

حساس درجة حرارة الجو الخارجي عاطل في الاسترا ؟؟؟

اين هو حساس حرارة الجو فى الفكترا

الكلمات الدلالية لهذا الموضوع

المفضلات

المفضلات

ضوابط المشاركة