:stink[1]: كنت طلبة تمويل للبونتو ايفو ب 30000 بس
على 5 سنين وقالو هيتوافق عادى طالمل دافعة اكتر من نص تمنها وبعد معطلونى 12 يوم رفضوا الطلب
بدون اسباب انا مصدومة
عرض للطباعة
:stink[1]: كنت طلبة تمويل للبونتو ايفو ب 30000 بس
على 5 سنين وقالو هيتوافق عادى طالمل دافعة اكتر من نص تمنها وبعد معطلونى 12 يوم رفضوا الطلب
بدون اسباب انا مصدومة
وانتى زعلانة لية ما اكثر البنوك الى تتمنى تعمل تمويل دا هما شغالين على كدة جربى بنك تانى وهتلاقى ان شاء الله
جربى شركة كونتكت هما نا س محترمة جدا
تجنبي الربا
شوفي بنك زي بنك ابوظبي
من القانون رقم 88 لسنة 2003
بإصدار قانون البنك المركزى والجهاز المصرفى والنقد
مادة 60- يحظر على البنك مايأتى :
1- إصدار أذون قابلة للدفع لحاملها وقت الطلب .
2- قبول الأسهم التى يتكون منها رأسمال البنك بصفة ضمان للتمويل أو التعامل فى أسهمه ، مع مراعاة أحكام قانون شركات المساهمة وشركات التوصية بالأسهــــــــم والشركات ذات المسئولية المحدودة الصادر بالقانون رقم 159 لسنة 1981 فى هذا الشأن مالم تكن قد آلت إلى البنك وفاء لدين له قبل الغير ، على أن يقوم البنك ببيعها خلال ستة أشهر من تاريخ أيلولة الملكية .
3- تجاوز القيمة الاسمية للحصص أو للأسهم التى يملكها البنك – لغير أغراض المتاجرة – مقدار القاعدة الرأسمالية للبنك التى تحدد اللائحة التنفيذية لهذا القانون أساس حسابها .
4- الدخول كشريك متضامن فى شركات الأشخاص والتوصية بالأسهم .
5- التعامل فى المنقول أو العقار بالشراء أو البيع أو المقايضة عدا :
(أ.) العقار المخصص لادارة أعمال البنك أو الترفيه عن العاملين به .
(ب.) المنقول أو العقار الذى تؤول ملكيته إلى البنك وفاء لدين له قبل الغير ،
على أن يقوم البنك بالتصرف فيه خلال سنة من تاريخ أيلولة الملكية بالنسبة للمنقول وخمس سنوات بالنسبة للعقار ، ولمجلس إدارة البنك المركزى مد المدة إذا اقتضت الظروف ذلك . وله استثناء بعض البنوك من هذا الحظر وفقا لطبيعة نشاطها .
بنك التمويل المصرى السعودى (سابقا)
بنك البركة مصر (حاليا)
نظامه ممتاز و شرعى
لو من اسكندرية انا ممكن اوصلك للراجل اللى شغال فى الموضوع ده فى البنك و يخلص القصة دى
البنوك القومية غير مرنة في قروض السيارات
انا من المنصورةوانا زعلانة لأنى خايفة عرض اوماترا يخلص
وبعدين البنك الى بالمرابحة عاوز ضامن
ان شاء الله ربنا يكرمك فى بنك اخر وممكن ميكنشى فلا خير فى البنك ده
أختى الفاضلة حضرتك ممكن تروحى فرح البنك التجارى الدولى اللى مووجود عند الجامعة بجوار مترو أكيد تعرفية أو البنك الموجود عند المحافظة والفرعين بصراحة فيهم ناس محترمين لا نذكيهم على الله وحضرتك ان شاء هتاخذى الموافقة عادى جدا بدون كلكعة الروتين واذا لم يتم الاتفاق لاقدر الله ممنك حضرتك تتوجهى لاحد البنوك التالية بنك بركليز امام فيلا المحافظ او بنك الاتحاد الوطنى امام مركز الكلى فى المشاية السفلية أو بنك عودة عند المحافظة وكلهم بيتم استلام المبلغ فى غضون 72 شاعة عمل ان شاء الله اى استفسار انا فى الخدمة
تقبلى تحياتى ومبروك مقدما للعربية الجديدة
محمد حامد
ومستنين تقرير قريب عن العربية الجديدة ان شاء الله
فى برده بنك فيصل اللى عند المحافظة ( مقسط معاه شخصيا ) ناس محترمة و شروطه قليله و مقبولة حضرتك هاتروحى على البنك على طول و هما هايعملوا كل حاجة و كمان هايرتبوا مع المعرض (اوماترا ) عشان هما عارفينه و هايبعتلهم عرض السعر بالفاكس و بيظبطوا المسائل مع بعض يعنى و فى خلال يومين تلاتة بالكتير بيكون كل حاجة خلصانة مع البنك و مش فاضل غير التسليم من المعرض
نصيحة ابعدي عن البنك الأهلي
يعني انا عارفة زي ما عارف بيتنا، والدي ووالدتي اصلا بنك أهلي
رغم اني بشوف انة افضل بنك من حيث الخدمات و اقل مستوي فايدة في القروض و الفيزا، إنما اجراءاتة بالغة الرزالة و التعقيد و الغلاسة و كل الحاجات اللي توقف المراكب السايرة
اعتقد كريدي اجريكول اسهل في الإجراءات، و طبعا سيتي بانك بس فايدة عالية جدا
و في ناس بتقول بي ان بي باريبا كويس برضة
و في حركة كويسة بتتعمل في البنك الأهلي و بنصح اي حد يعملها لو معاه رأس مال و مش عايز يرمية في عربية و يقعد علي الحديدة
نفترض عايزين نشتري عربية تمنها 80 الف جنية مثلا
نقوم رايحين البنك الأهلي و نعمل شهادة بلاتينية بـ 100 الف جنية (و دة لأن يحق لك الإقتراض في حدود 80% من قيمة الشهادة)، بتكون الفايدة عليها اعتقد دلوقتي 9.5 في المائة
بعدها ناخد قرض من البنك الأهلي بمبلغ الـ 80 الف جنية، و هنا بتكون الفايدة علي القرض 10.5 في المائة، يعني واحدة في المائة زيادة عن الفايدة الدائنة
و كل شهر تدفع القسط عن القرض عادي للبنك، و الفوائد الدائنة تقوم تسدد الفائدة المدينة
و بكدة تبقي اشتريت عربية بالتقسيط بواحد في المائة فائدة فقط لا غير
انا رديت على حضرتك
اعتقد انه ده الحرام بعينه و الله اعلم المفروض حضرتك ما تتعاملش مع المعرض اطلاقا فى اى ماديات و البنك بعد ما يخلص اجرائاته مع حضرتك بيطلع شيك بتمن العربية المعرض يستلم الشيك ويكتب العربية باسم البنك و بعدبن يسلم حضرتك العربية و اى تغيير فى الخطوات دى غلط
و الله اعلم
حضرتك بعتيلى رسالة على الخاص بس المضون بتاعها ممكن جدا انا كنت زيك بالظبط وعملت كدة مع التجارى الدولى
احدث حاجة يا جماعة البنك الأهلى طلبنى وبيقولوا هينظروا فطلبى تانى
فسألت ايه سبب الرفض
قال ايه مكنش فيه رقم الشغل وانا كنت فاوتوماك ومش حفظة رقم المستشفى اصلا
طب مطلبونيش ليه عالموبايل يكملوا البيانات
بالذمة ده كلام!!!!!!!!!!!!