و أنا كمان طلعت الرخصة انهاردة..... :-) - شكر خاص جدا لkhaled2010
الحمد لله... انهاردة الصبح قابلت خالد ... و أخدنا الموتوسيكل في عربيتي.... و طلعنا على وحدة مرور مدينة نصر اللي في القطامية....
كنا هناك الساعة 10 ... بعد تقديم الورق... ندهوا عليا أمتحن إشارات...
الظابط شاورلي على إشارة... معرفتهاش....
شاورلي على واحدة تانية.... برضه معرفتهاش....
قاللي تعالى بعد إسبوع....
شوية... و رحت دخلت تاني... قلتله أنا معايا رخصة عربية من 10 سنين... بس الموضوع أني ارتبكت لما حضرتك سألت....
مخالانيش أكمل الكلام و راح ختم الورق و قاللي جهز موتوسيكل عشان تمتحن بيه.... :biggrin2:
خرجت برة و ركبت موتوسيكل خالد...و طبعا خالد قعد يديني نصايح و ارشادات علشان الموتوسيكل ميبطلش مني... (دا غير أنه كان مظبطه كويس جدا قبل الامتحان)
و الحمد لله عديت الامتحان من غير ما أنزل رجلي خالص....
و اتصورت و الرخصة طلعت...
بس كدا...!!
طبعا ولا حاجة من ديه كانت هتحصل لو ربنا ماكانش وقع في طريقي ناس كويسين و جدعان زي خالد....
أنا فعلا مش عارف أشكره ازاي... لأني مهما قلت مش هعرف أوفيه حقه.... خالد من الناس اللي قلبهم كبير... و فعلا اللي كسب صداقته يبقا كسب كتير فعلا.... علشان النوعية ديه من الناس نادرة جدا خصوصا اليومين دول...