الموضوع: حد جرب موضوع المبرد الصحراوى

اسمه صحراوي لأنه المفروض يشتغل في مكان ليس به رطوبه..وفكرة عمله هي ترطيب الجو بالإضافة إلى تبريده..ومحتاج مكان مفتوح نسبيا زي الخيام أو الحدائق إنما في البيوت فهو فكره فاشله تماما

المشاركة الأصلية كتبت بواسطة tahayt

السلام عليكم
التكييف الصحراوى لا يصلح للاستخدام الا فى المناطق اللى الرطوبة فيها قليلة جدا زى المناطق الصحراوية (عشان كدة اسمة صحراوى) لان فكرتة تعتمد على تبريد الهواء الجاف بزيادة نسبة الرطوبة فية اما فى مصر الرطوبة عالية جدا فيكون استخدامة غير مناسب لانة اولا اولا لا يوجد امكانية كبيرة لرفع الرطوبة لانها بالفعل عالية جدا و ثانيا الرطوبة هتعلى اكتر و دا طبعا و ضع غير مريح للناس
يعنى مثلا البنى ادم عشان يبقى مستريح عاوز رطوبة نسبية حوالى 30 % , فى الصحراء الرطوبة ممكن تبقى مثلا 5% فممكن التكييف الصحراوى يرفعها الى 30% و فى الحالة دى الحرارة هتقل شوية
لكن فى مصر الرطوبة النسبية ممكن توصل ل 60% و80% فالتكييف الصحراوى مش هيكون مفيد لان احنا اصلا محتاجين ننزل الرطوبة
لكن للاسف التجار بيجيبوا حاجات مش عارفين عنها حاجة او عارفين و بيستعبطوا

+1

بس نسبة الرطوبة في الجو المهيأ من 40 ل 60 مش 30 و درجة الحرارة من 24 ل 27

ازيكم ياجماعة ايه الاخبار

انا بسال عن التكيف اللى هو تحط ليه مايه وتشغله يطلع هوا حلو اوى

هو موجود فى السعودية وكنا بنجيبه هناك

هنا فى مصر لقيت اعلان عنه وهو فيه ميزة انك ممكن تشيله لاى مكان والشقة عندنا واسعة وعلشان تجيب تكيف ليها يبقى عاوز واحد مركزى كبير

ياريت ياجماعة لو حد يعرف يقولى وهل فيه ماركة نضيفة كارير او يونيون اير

متاااابع.......

كان فيه ماركه اسمها الجزيرة منتشرة جدا في أسوان وليها مصنع هناك كمان

وأعتقد أن أصل الماركة دي سعودي

ولا أعتقد نهائي بأن الشركات الكبير في مجال التبريد والتكييف بتنتج النوع ده ، خصوصا أنه مش مكيف ممكن تقول عليه ملطف للجو

وفكره عمله بسيطه جدا

وعلى فكره التكييف ده غلط جدا في المناطق الساحليه لأنه بعتمد على الماء مما يؤدي إلى أرتفاع نسبة الرطوبه بالجو جدا

وبما أن الأجواء الصحراوية نسب الرطوبة بها منخفضه جدا فبالتالي مش بتفرق عندهم

كمان نع أرتفاع الرطوبه في بلادنا تأثير التكييف الصحراوي هايكون أضعف وده نتيجة تشبع الجو بالرطوبة أصلا

الخلاصة

في وجه بحري في مصر ليس له داعي على الأطلاق

في وجه قبلي ، رخيص السعر وغير مكلف في تشغيله وملطف للجو

التكييف الشباك العادي أقوى بمراحل