الموضوع: إستخراج شهادة المخالفات من الأنترنت

انا كمان بيطلعلى نفس الرساله

لم يمكن العثور علي بيانات المركبة

مع انى كنت محتاجه جدا اشوف المخلفات

انا بقا كنت شرية العربية وهى ملاكى شمال سينا وانا من الغربية
الراجل ال اشتريت منه العربية ادانى عقد مسجل وشهادة مخالفات جديدة
والرخصة فيها سنة لسة بس انا عاوزة انقلها ملاكى الغربية علشان موضوع شمال سينا ده قلقنى شوية
عملت فحص
وفى المرور بقا قالولى ان شهادة المخالفات ملعوب فيها
دققنا فى شهادة المخالفات لاقينا ايه بقا
فيها تاريخين وكل تاريخ ممضى
التاريخ ال فوق 20/5 بس الخمسة كانت تلاتة وشكلها واضح اوى انها متصلحة
التاريخ ال تحت 20/5 برضو بس مش متصلحة
والتاريخين مختوم عليهم
هى دى بقا تبقا مزورة ولا ايه ؟
ولو هى عليها مخالفات مين ال يدفعها انا ولا صاحب العربية القديم ال انا اشتريت منه
المفروض ان العقد المسجل بيثبت ملكيتى للعربية من تاريخ معين واى مخالفات للعربية قبل التاريخ ده تبقا مش مسئوليتى
صح كدا ولا المخالفات هتجيلى ولا ايه نظامهم معايا
طب لو احنا عاوزين شهادة مخالفات جديدة من مرور شمال سينا صاحب العربية القديم ممكن يجيبها ولا لازم انا اروحلهم على اعتبار ان العربية دلوقتى بقت ملكى انا ؟
ردووووووووو عليا لانه صعب اروح شمال سينا وورق الفحص ناقصله يومين وينتهى يعنى لازم اعمل حاجة فى اليومين دول علشان مش افحص من تانى

ولاسوء الظروف لو فحصت من تانى هدفع ال 80 جنيه الضريبة ولا هى ادفعت مرة ؟؟؟؟

لا طبعا انت المسئول من ساعه تاريخ تسجيل العقد وانا حصلى لى كده واتشالت كل المخالفات

انت مش فاهم قصدى
بص هفهمك
العقد المسجل تاريخه فى شهر اربعة
حلو؟
لو فيه مخالفات على العربية متاخدة من شهر تلاتة
طب ماهى العربية مكنتش معايا فى شهر تلاتة يبقا انا ال اتحملها ليه بقا ؟

مرور البساتين مش موجود