الحمد لله كملت
نزلت اشوف العربية عشان افتح الريداتير و اشوفه سالك و لا لاء لقيت مفاجأة
احد الحبيبة فى الشارع كان بيفكر يقعد على الكبوت و نظرا لان الكبوت مش عالى قوى قرر برضه يسند برجله على الاكصدام الفبر الاسود الامامى و كلكم عارفين النتيجة
نزلت لقين الاكصدام فى الاض و معاه النمر و الفوانيس و متعلق من سلك الكهرباء بتاع الفوانيس بتوع الاشارات
و النتيجة انى فكيته كله و اخذته على الحمام و غسلته الغسله التمام من جوه و بره و بعدين اخذته على المطبخ و جيبت مسمار و زرديه و شغلت البوتاجاز و سخنت المسمار و خرمت فى الاماكن اللى اتقطعت و جيبت سلك و خيطت الاماكن اتقطعت و كان فيه ضوفر صغير مكسور ناحية الرفرف فى اخر الاكصدام لقيته مربوط بمسمارين فكيتهم و جيبت حديدة صغيرة و ركبتها مكانه و ثنيتها زيه و نزلت ركبت الاكصدام
و غيرت مكان العربية عشان البشوات اللى عايزين يطلعوا على الكبوت الامامى ميعرفوش و قلت الحمد لله ان الماروتى هاتش باك مش سيدان و الا كان هيطلع على الشنطة اللى ورا
و فكيت الشبكة و عملت خروم فى الفتحات اللى على الشمال المقفوله عشان تدخل هواء للموتور و انا ماشى بس خايف تدخل تراب كمان
المهم فكيت الخرطوم الكاوتش اللى داخل الراديتير من فوق و دورت العربية لقينت ان الرجوع بتاع المياه ضعيف جدا او شبه سرسوب مياه
قفلته و سيبتها دايرة لحد ما سخنت شويه و فكيته و هيه شغالة و دوست بنزين راح مطلع مياه بشدة غرقت الشارع
بطلت العربية و سيبتها لحد ما بردت و نزلت حطيت مياه من الخضراء بتاعة الريداتير و قفلته كويس
الحاجة الغريبة انى مش لاقى مكان طرمبة المياه و بشك انها جوه الموتور مش برة زى بقية العربيات لانى لاقققققيت الخرطوم اللى داخل من تحت رايح من الريداتير الى ماسورة حديد الى داخل الموتور و مش عارف كلامى ده صح و لا ايه هل فعلا طرمبة المياه داخل الموتور و اذا كان فعلا كدة طب لو باظت اغيرها ازايه او اصلحها ازاى