الموضوع: السخونة عملت ايه فى الماروتى2009

المشاركة الأصلية كتبت بواسطة m_ramadan

أنا عندى ماروتى 2008 و مبتعاملش مع التوكيل و فى ميكانيكى ممتاز إسمه ماهى فى القبه - بجوار مسجد الشيخ كشك . لو عاوز تروحلو ممكن أديلك موبايله - هو أمين جدا و شغله نضيف جدا جدا و بيفهم جدا فى مواضيع السخونه دى بالذات

ياريت لو كهربائى فى شبرا لان العربية عاطلانه فى المظلات

انا كنت رايح الشغل الصبح و فى السكة بقت تنتش و بعدين بطلن
جيه واحد قال انه ميكانيكى و حط قطعة قماش مبلوله على البوبينة و شال سلك البوبية و ركبه تانى و فك وش الاسبراتير و قاللى هات الرابع و ضغط على الابلاتين و قالى كان مقفول و فتحتهولك و اخد عشرة جنية و دارت العربية بعد محاولات عدة و كان حاطط المفك مع سلك البوبينة اللى داخل البوبينة


و انا فى السكة بدات تنتش تانى و تقطع جامد لحد ماوصلت الشغل كانت حالتها سيئة جدا و تعمل فرقعة فى الطريق و تمشى كان العربية بتدوس فرامل شديدة باستمرار
و عند الشارع بتاع الشغل كانت طلعت دخان ابيض كثيف من بين الكرسيين الاماميين عند فتحة فرامل اليد


ركنت العربية و نزلت اشوف مكان الدخان ملقيتش غير العلبة اللى بين ماسورة الشكمان و فرامل اليد لقيتها سخنه جدا


ياريت اللى يعرف حاجة عن العلبة دى بتاعت ايه يقوللى و بكام العلبة دى و وظيفتها ايه و لو باظت كدة ممكن الغيها و اوصل الشكمان بماسورة على طول


و هل لوغيرت الابلاتين و الكوندنسر تتحرك العربية و توصل البيت

لانى من غيرها حاسس انى مشلول

و اشكركم جدا على الاهتمام

ايمن حنفى
:b4_611:

المشاركة الأصلية كتبت بواسطة m7nsh

انا مريت بحاجات كتير من اللى بتتكلم فيها
نمسك حاجه حاجه
بالنسبه للحراره .. فى يوم عدى على حد من بتوع الردياتيرات خليه يفكه و ينضفه و يمشى دوره ميه بتشيل الرواسب و اى حاجه عالقه فى الردياتير و بعدها املى ميه خضرا
طالما انك متاكد من المروحه انها بتشتغل فى معادها مفيش داعى انك تعملها بمفتاح مخصوص و تدورها من بدرى .. بس لو شكيت ابقى اعمل الحركه دى
بالنسبه لموضوع البوبينه
حصل معايا الحوار ده و جابت زيت و غيرتها بواحده يابانى ب 60 جنيه و شغاله تمام
وطالما انك جبت واحده تانيه كويسه يبقى خير و كويس انك غيرت السلك كمان
بالنسبه لموضوع التنتيش ده ... الموضوع ده مش محتاج اكتر من ميكانيكى خبره يظبطلك الأسبراتير
و ياريت مع الحركه دى تغير بوجيهات و ابلاتين و كوندنسر بالمره لو كنت ماشى ع القدام كتير
بس فعلا لازم اللى يظبطهولك يبقى صناااااااايعى لأنى لما حصلى الحوار ده كان يتظبط شويه و شويه تلاقى العربيه بتنتش بغباء و كأنك بتدوس فرامل جامد و ترجع تسحب تانى ( نفس حالتك بالظبط ) مع العلم ان ده حصل بعد ما كنت غيرت طقم كهربا عشان كنت فاكر العيب منه اتارى العيب فى المكيانيكى
غيرت الميكانيكى و فعلا الدنيا ظبطت و الحمد لله
ملحوظه : حوار ان الأسبراتير يبقى مش مظبوط ده بيخلى العربيه متدورش معاك .. و ده كان بيضطرنى انى اجيب الصنايعى ( القديم اللى كان اى كلام )يدورهالى و نرجع ع الورشه و يظبط و امشى من عنده و شويه و ارجعله تانى و هكذا
عشان كده خليك فى واحد يكون تمام و من الأخر لأن احساس التنتيش ده من اقذر ما يكون
بالنسبه لحوار العلبه .. فلو قصدك العلبه اللى موجوده تحت العتب الورانى فدى موجود فيها فلتر البنزين
ممكن تغيره بالمره طالما عامل مشاكل .. بس لازم تطمن برده من ميكانيكى فاهم
ان شاء الله خير يا ريس :) و ابقى طمنا

مش العلبة بتاعة فلتر البنزين دى علبة صاج بداخلها علبة بتربط بين ماسورة الشكمان فى منتصف المسافة بتاعتها موقعها تحت فرامل اليد بالظبط و حجمها فى حجم الكنتالوب الميطيول او زى ما تقول شكل كرة القدم الامريكى اللى اللعيبة بيتضربوا عليها و يحدفوها بعيد

اما لو تفكيرك اخدك لفلتر البنزين دى كانت ولعت و انا معاها
على راى زميلى بيقول عليا انى انا و العربية الماروتى بتاعتى بنطبق مثل بيقول
يا نعيش سوا يا نموت سوا

و اشكرك للاهتمام
ايمن حنفى

و بالمناسبة انته من اين فى المنصورة انا روحت المنصورة و قعدت فى توريل و فى شارع السكة الجديدة و فى شارع العباسى و ميدان العباسى و بصراحة عجبتنى المنصورة جدا و لى اصدقاء من المنصورة
و خلال الفترة دى ما شوفتش ماروتى كثير فى المنصورة

المشاركة الأصلية كتبت بواسطة LORD.ADeL

والله هيا مشكله انك تلاقي مكانيكي صنااااعي كويس لان عربيه دي بجد عايزة ايد حساسه جدا جدا علشان تتضبط غير اي عربيه تانيه اي علو او هبوط فى كهرباء بتعتها تلاقي الدنيا اتقلبت راس ع عقب
وبامانه العربيه لما بتكون فى حاجه غريبه بيكون الواحد محروق دمة بجد زنبي انى قلت للمكانيكي ان عربيه بتعمل باك فير لما بقفلها ومروحه شغاله وخد عندك بقا تظبيط اكتر من 4 مرات ومفيش فايدة عربيه مش عايز تستجيب وتتعدل زي الاول خالص خالص وبجد زهقت غير ان بنزين كمان تفوليه بتعمل معايا 274 بالعفيه وطبعا دة تهريج ومش عارف اعمل ايه بجد زهقت والله ومش عارف اغير مكانيكي لانى مش لاقي غيرة جنبي وناس قالولي اروح لكهربائي هوا اللى يضبطها مش مكانيكي ومش عارف بجد زهقت؟

الماروتى لما تبطلها و المروحة شغالة لازم تعمل رجرجه لان المروحة شغالة على الكونتاكت مش مباشر على البطارية بمعنى اخر شغالة مع الدينامو و لما تيجى تبطل العربية بيحصل لخبطة فى الكهرباء و بترجرج عشان كدة و تفسيرها ان الشىء اللى بيكون شغال و بتقطع عنه الكهرباء فجاءة بيكون مصمم ياخد الكهرباء بتاعته و يحاول يسحب من الدينامو و الدينامو مش بيبخل عليه بيحاول يديلوه الكهرباء اللى عاوزها بس بيلاقيك بطلت العربية فالعربية بتبقى متلخبطه اديى للمروحة كهرباء من الدينامو و لا اطفى الدينامو و عشان كدة بتبقى متلخبطه و بترجرج
و دة عموما معناه انك لما تقف و تيجى تبطل العربية لازم تتاكد ان المروحة بطلت و بعدين تبطل العربية
و فى النهاية دة مش عيب فى الماروتى بل ميزة مهمه جدا بس محدش واخد بالة منها كدة ليه اقولك ليه
اولا لما تبطل العربية بعد المروحة تبرد الموتور لسخونة المعقولة بتاعته بنسميها ان الموتور هدى
او العربية هديت و بكدة تحافظ على الموتور بتاع عربيتك

ثانيا ان المروحة بتاخد من الدينامو و بكدة تحافظ ليك على عمر البطارية بتاعتك حتى لو البطارية تعبانة لما تيجى تانى تدور العربية مش هتقول عايز زقه و المرش هيدور على طول لان الكهرباء اللى تم شحنها فى البطارية من الدينامو المروحة ما سحبتش منها حاجة لما بطلت العربية

ثالثا ممكن تكون العربية سخنه قوى و تحصل قفله فى ترموستات الحرارة فى الريداتير و تفضل المروحة شغالة لحد ما تتحرق او تفضى لك البطارية




اما بخصوص استهلاك البنزين فعليك التاكد من ضبط الاسبراتير كويس بحيث يكون معلى سنة كهرباء زيادة و كمان نظف الفلتر بتاع الكربرتير من التراب و راجع على البوجيهات ممكن يكون بوجيه قاطع و روح مون من البنزينة اللى عند مطلع الدائرى على ترعة المريوطية بعد سياج بنزين 80 و امشى بيها مشاويرك لحد ما تعمل حوالى 360 كيلومتر و بعدين روح مون تانى و شوف استهلاكها كدة مظبوط و لا لاء

و ان كنت محتاج مساعدة انا جارك فى المريوطية الهرم فى شارع النفق قبل فندق سياج ممكن اساعدك
الماروتى لبعضه برضه





اما اخبار عربيتى لسة مركونة عند الشغل فى المظلات بشبرا و غيرتلها البوبينة بواحدة جديدة انجليزى و دورت العربية و دارت و لسة بتعمل مدافع لما بدوس بنزين قمت اشتريت ابلاتين و ركبته فيها و دورت ما دارتش قمت رحلته شويه من مكانة و دورت العربية دارت و لسة بتعمل المدافع
قمت فكيت الشبكة و فصلت البوجيهات واحد واحد و اشوف الموتور بيعمل ايه الاقيه بيرجرج جامد من غير سلك البوجيه اللى فاكيته و جربت الثلاث بوجيهات واحد تلو الواحد و بكدة اكون اتاكدت ان البوجيهات سليمة
قمت اشتريت كوندنسر جديد و ركبته و دورت مادارتش و رفضت تدور نهائيا لما ركبت الكوندنسر الجديد و لقيت المدير بتاعى جاى يقولى ايه الاخبار قولتله زى ما انته شايف و غسلت ايدى و قفلت العربيى و رجعت البيت


و غدا انشاء الله او بعد غد سانزل لبتوع غيار الماروتى و اشترى كوندنسر و اركبه و اشوف النتيجة و ابلغكم لتكون تجربة مفيدة لكل اصحاب الماروتى و لكل ما تقابله مشكلة مشابه من الماروتية القدام


بس فى السكة من محل قطع الغيار للعربية لقيت عربية سوزوكى حمراء واقفة فى الشارع زغللت عينى لانها سيلاريو و فضلت اتفرج عليها و على حجمها اللى لا يزيد كثيرا عن الماروتى و بشنطة و اتوماتيك و تكييف كنت محتاجله لانى كنت طول اليوم فى الشمس المحرقة بتاعة الماروتى و ايقنت بضيق الحوض بتاعها و انه مش واسع و كل شوية اتلسع من سخونة الموتور عند فرن الموتور و انا بشيل سلك البوجيهات و احطه تانى و فى الاخر بقول الحمد لله انها سيارة صغيرة و قطع غيارها لسة فى المتناول مش حاجة الواحد يحتاج يعمل لها جمعية عشان يشتريها

و لو حد عنده اى اقتراح لمشكلتى يقولى عليه يمكن يكون هوه دة الحل و انا مش واخد باللى










ايمن حنفى

المشاركة الأصلية كتبت بواسطة aymanay32

الماروتى لما تبطلها و المروحة شغالة لازم تعمل رجرجه لان المروحة شغالة على الكونتاكت مش مباشر على البطارية بمعنى اخر شغالة مع الدينامو و لما تيجى تبطل العربية بيحصل لخبطة فى الكهرباء و بترجرج عشان كدة و تفسيرها ان الشىء اللى بيكون شغال و بتقطع عنه الكهرباء فجاءة بيكون مصمم ياخد الكهرباء بتاعته و يحاول يسحب من الدينامو و الدينامو مش بيبخل عليه بيحاول يديلوه الكهرباء اللى عاوزها بس بيلاقيك بطلت العربية فالعربية بتبقى متلخبطه اديى للمروحة كهرباء من الدينامو و لا اطفى الدينامو و عشان كدة بتبقى متلخبطه و بترجرج
و دة عموما معناه انك لما تقف و تيجى تبطل العربية لازم تتاكد ان المروحة بطلت و بعدين تبطل العربية
و فى النهاية دة مش عيب فى الماروتى بل ميزة مهمه جدا بس محدش واخد بالة منها كدة ليه اقولك ليه
اولا لما تبطل العربية بعد المروحة تبرد الموتور لسخونة المعقولة بتاعته بنسميها ان الموتور هدى
او العربية هديت و بكدة تحافظ على الموتور بتاع عربيتك

ثانيا ان المروحة بتاخد من الدينامو و بكدة تحافظ ليك على عمر البطارية بتاعتك حتى لو البطارية تعبانة لما تيجى تانى تدور العربية مش هتقول عايز زقه و المرش هيدور على طول لان الكهرباء اللى تم شحنها فى البطارية من الدينامو المروحة ما سحبتش منها حاجة لما بطلت العربية

ثالثا ممكن تكون العربية سخنه قوى و تحصل قفله فى ترموستات الحرارة فى الريداتير و تفضل المروحة شغالة لحد ما تتحرق او تفضى لك البطارية




اما بخصوص استهلاك البنزين فعليك التاكد من ضبط الاسبراتير كويس بحيث يكون معلى سنة كهرباء زيادة و كمان نظف الفلتر بتاع الكربرتير من التراب و راجع على البوجيهات ممكن يكون بوجيه قاطع و روح مون من البنزينة اللى عند مطلع الدائرى على ترعة المريوطية بعد سياج بنزين 80 و امشى بيها مشاويرك لحد ما تعمل حوالى 360 كيلومتر و بعدين روح مون تانى و شوف استهلاكها كدة مظبوط و لا لاء

و ان كنت محتاج مساعدة انا جارك فى المريوطية الهرم فى شارع النفق قبل فندق سياج ممكن اساعدك
الماروتى لبعضه برضه





اما اخبار عربيتى لسة مركونة عند الشغل فى المظلات بشبرا و غيرتلها البوبينة بواحدة جديدة انجليزى و دورت العربية و دارت و لسة بتعمل مدافع لما بدوس بنزين قمت اشتريت ابلاتين و ركبته فيها و دورت ما دارتش قمت رحلته شويه من مكانة و دورت العربية دارت و لسة بتعمل المدافع
قمت فكيت الشبكة و فصلت البوجيهات واحد واحد و اشوف الموتور بيعمل ايه الاقيه بيرجرج جامد من غير سلك البوجيه اللى فاكيته و جربت الثلاث بوجيهات واحد تلو الواحد و بكدة اكون اتاكدت ان البوجيهات سليمة
قمت اشتريت كوندنسر جديد و ركبته و دورت مادارتش و رفضت تدور نهائيا لما ركبت الكوندنسر الجديد و لقيت المدير بتاعى جاى يقولى ايه الاخبار قولتله زى ما انته شايف و غسلت ايدى و قفلت العربيى و رجعت البيت


و غدا انشاء الله او بعد غد سانزل لبتوع غيار الماروتى و اشترى كوندنسر و اركبه و اشوف النتيجة و ابلغكم لتكون تجربة مفيدة لكل اصحاب الماروتى و لكل ما تقابله مشكلة مشابه من الماروتية القدام


بس فى السكة من محل قطع الغيار للعربية لقيت عربية سوزوكى حمراء واقفة فى الشارع زغللت عينى لانها سيلاريو و فضلت اتفرج عليها و على حجمها اللى لا يزيد كثيرا عن الماروتى و بشنطة و اتوماتيك و تكييف كنت محتاجله لانى كنت طول اليوم فى الشمس المحرقة بتاعة الماروتى و ايقنت بضيق الحوض بتاعها و انه مش واسع و كل شوية اتلسع من سخونة الموتور عند فرن الموتور و انا بشيل سلك البوجيهات و احطه تانى و فى الاخر بقول الحمد لله انها سيارة صغيرة و قطع غيارها لسة فى المتناول مش حاجة الواحد يحتاج يعمل لها جمعية عشان يشتريها

و لو حد عنده اى اقتراح لمشكلتى يقولى عليه يمكن يكون هوه دة الحل و انا مش واخد باللى










ايمن حنفى

السلام عليكم
الف سلامة على الماروتى بتاعتك يا جميل
بقولك على فكرة انا ساكن فى المظلات و معايا ماروتى بردو و حبيت اقولك على الميكانيكى اللى بتعامل معاه على طول و بصراحة راجل ايديه تتلف فى حرير
بص يا جميل انا موبيلى 0107487431
الميكانيكى فى عبود مفيش خمس دقايق من الحته اللى انتا بتقول عليها و كمان الميكانيكى جنبه كهربائى بتعامل معاه على طول و بردو كويس
كلمنى و انا اوصفلك تروحله ازاى او حتى انزل اوديك يا جميل

سلام

المشاركة الأصلية كتبت بواسطة alking_2006

السلام عليكم
الف سلامة على الماروتى بتاعتك يا جميل
بقولك على فكرة انا ساكن فى المظلات و معايا ماروتى بردو و حبيت اقولك على الميكانيكى اللى بتعامل معاه على طول و بصراحة راجل ايديه تتلف فى حرير
بص يا جميل انا موبيلى 0107487431
الميكانيكى فى عبود مفيش خمس دقايق من الحته اللى انتا بتقول عليها و كمان الميكانيكى جنبه كهربائى بتعامل معاه على طول و بردو كويس
كلمنى و انا اوصفلك تروحله ازاى او حتى انزل اوديك يا جميل

سلام

اشكرك بشدة شديدة شديدة
انا واقف فى المظلات عند الجنينة اللى فى شارع تفتيش الرى البحرى امام بوابة مصلحة الميكانيكا و الكهرباء و انشاء الله هاتصل بيك و اقابلك



و بالنسبة للاخوة الاعضاء سؤال صغير
حد يعرف السماعة اللى فى التابلوه بتتركب ازاى و هل حد فك التابلوه و عرف بتتركب ازاى
لانى اشترريت سماعة صغيرة من التوفيقية و عاوز اركبها فى المكان دة