السخونة عملت ايه فى الماروتى2009

**aymanay32** · 21-06-2010 03:51 PM

السخونة خلت البوبينة جابت زيت

غيرت البوبينة بواحدة جديدة

و مشوار واحد من شبرا الى المريوطية
لقيت السلك اللى رايح للبوبينة عند البوبينة سايح و الحمد لله انها وصلتنى لحد البيت
الكابل اللى طالع من البوبينة رايح للاسبراتير من عند البوبينة ساح و سايب حته الحديدة اللالمونيوم داخل البوبينة
بس لاحظت ان سخونة المروحة موجهه الى تلك المنطقة و دلوقتى عايز اشترى كابلات للبوجيهات و البوبينة تكون نوع متين و شديد يستحمل السخونة

اللى يعرف نوع كويس يقوللى عليه و من اين اشتريه

و عاوز حل لموضوع السخونة ده هل اعدل حاجة فى المروحة و لا اعمل ايه و لا اعمل صاجة على البوبينة عشان السخونة ماتجيش عليها و لا اعمل ايه اللى عنده فكرة يقوللى

و كمان العربية بتسخن فى النص و بعد النصف
ياريت اللى قابلته المشكلة دى يقوللى اعمل ايه اغير المروحة و لا اغير الثرموستات بتاع الكربرتير و لا طرمبه المياه و لا المشكلة فين بالظبط

و لما باقف عند البيت بتفضل المروحة شغالة فترة طويله عشان تقف و ابطل العربية

و هل ينفع اعمل مفتاح على ثرموستات الريداتير و اعمل فيه قفله و تشتغل المروحة من الزرار اللى اركبه طول ما انا ماشى و ما تفصلش غير لما اقف و لا فيه من الموضوع دة خطورة على المروحة او اى حاجة تانية فى العربية

انا جربت افتح الكبوت و انا ماشى بس برضه السخونة ما نزلتش قوى
فكرت فى كدة لانى رايت انى بعمل فتحة زيادة لدخول الهواء للموتور

كمان الشبكة الامامية فيه مشكلة لو كسرت الفتحات المقفولة فيها على اليمين عشان الهوالء يدخل فى العربية يعمل تبريد شوية

فيه واحد قاللى ركب تكييف فى العربية و خلى المياه بتاعة التكييف تنقط على الموتور او الريداتير و بكدة تبردة و تبرد الموتور

محتار حقيقى ممكن حد يجاوبنى النهاردة الحرارة 43 و بكرة 42 و ساضطر اروح الشغل بكرة بالمواصلات
ياريت الاقى حل للسخونة بتاعة الماروتى (وحش الطريق) 2009

اللى اصبح عيان دلوقتى و هيفد لقبه كوحش الطريق:b4_048:

**fawzyyyy** · 21-06-2010 07:20 PM

جرب و شوف كدة المروحة بتشتغل امتي يعني شوفها بتبدأ تشتغل اما الحرارة بتوصل للنص ولا بعد النص.......مع العلم مفروض تشتغل عند النص ....لو مبتشتغلش غير متأخر يبقي عيب ثرموستات و عايز يتغير..............!!
لكن حوار تنقط مياه التكيف علي الماتور و بتاع ده كلام غلط خاالص
ديه معلوماتي عن السخونية ...اما قطع الغيار فاستني بقي اي حد من الماروتية يفيدووك

**dr.hazem** · 21-06-2010 09:57 PM

بأكدلك ان المروحه بتشتغل قبل النص بشويه

شوفها بتشتغل امتى لو بعد النص يبقى التيرموستات بايظ

واتأكد من انك بتحط ميه خضرا وان مستوى الميه ميكونش اعلى من الماكسيمام في القربه

واتأكد ان الزيت كويس
لان لو الزيت تعبان العربية هتسخن جامد جدا

اخيرا تجنب ان العربيه تفضل شغاله لوقت طويل من غير ما تتحرك باختصار تجنب الزحمه لفترات طويله

وابقى طمنا

تحياتي

**dr.hazem** · 22-06-2010 09:51 PM

المشاركة الأصلية كتبت بواسطة aymanay32

المروحة بتشتغل فى النصف فعلا
و انا بحط المياه الخضراء فى الريداتير و القربة كمان
و بحط زيت موبيل 3000 كيلو و فى البنزينة
و مابمشيش ابدا فى طرق زحمة
و دائما بمشى الطرق السالكة مروريا

و اشكرك للاهتمام
ايمن

طيب عزيزي
هل انتا عملت حاجه في كهربة العربيه؟
يعني ممكن يكون المشكله ان في ماس سيح الحاجات دي
معتقدش ان مجرد الحراره
لان طالما المروحه شغاله تمام والميه انتا بتعبي خضرا وكله تمام يبقى صعب الحراره تعمل كل ده

عموما اهم حاجه متكونش بتملا الميه اعلى من الماكسيمام ومتكونش بتملاها والعربية مطفيه
لازم تكون دايره

وبالنسبة للقطع ممكن تنزل سوزوكي سنتر وتسأل عالحاجات دي وربنا يعوضك خير ان شاء الله
بس ياريت بجد تتأكد الاول ان مفيش مشاكل تانيه

تحياتي

**waelfarid** · 22-06-2010 10:05 PM

لحل المشاكل فتش عن المرأة

عفوا في التشبيه لكن دي الحقيقة المرة من ميلودي افلام

لان اذا كان الارضي مضبوط وشايف شغله حتبقي كل حاجة مضبوطة
هههههههههههههه

**LORD.ADeL** · 24-06-2010 11:27 AM

شوف يا ايمن اذا كنت بتتعامل مع مكانيكي خاص بيك رحوله وقاله عايز اشيل الترموستات بتاع الردادير لان دة بخلي العربيه تسخن ع طول
دة هيخلي مية تجري اكثر فى رداتير والمؤشر مش هيعدي نص باذن الله
ورحو هات قطع غيارها من مكان اللى قلت لك عليه قبل كدة فى مطبعه
لازم حاجتها الطبيعيه والاصليه يا ايمن وكمان خالي مكانيكي يضبط لك كهرباء علشان العربيه تهدي ع طول ومتعمل باك فير شوف وقلي وربنك يوفقك

**aymanay32** · 25-06-2010 11:27 AM

اتفقت مع الكهربائى انوا يشوف لى ترموستات اقل فى الحرارة و واحد زميلى قاللى اتناكد من ان الريداتير مش مسدود و كمان طلمبة المياه شغالة كويس و جيبت سلك بوجيهات انجليزى ب 40 جنية من شبرا و البائع قاللى خد لك كمان بوبينة انجليزى بدل اللى معاك و اشتريتها ب80 جنية و ركبت السلك بس لانى لاقيت البوبينة مختلفة عن اللى عندى لان اللى عندى فيها مقاومة و دى لاء و معرفتش اركبها و هشوف موضوع السلك بتاع الارضى دة لان زميلى فى الشغل قاللى انه كان عامل معاه مشاكل و اضطر يغير كربرتير سليم لانه شاكك فيه و المشكلة طلعت ان الكهربائى لاغى له سلك الارضى بتاع الموتور

اما بالنسبة للكهرباء فهى عالية سنه صغيرة لان دى ظبطه الموتور زى ما قالولى و خايف العب فى الاسبراتير و اعدل فى الكهرباء
و فيه واحد زميلى قاللى نظف الريداتير بالمياه و الهواء هتلاقى فيه طين او زلط سادد الريداتير من الوش بتاع العربية عند الشبكة الامامية و دة بيخليه يسخن قوى و ميبردش

كمان واحد قاللى شوف ترموستات الحرارة بتاع الموتور بس دة اول مرة اسمع عنه
و جارى الاصلاح و ساوافيكم بالنتائج اولا باول

**waelfarid** · 25-06-2010 04:27 PM

متابعين وبالتوفيق ان شاء الله

-

الموضوع: السخونة عملت ايه فى الماروتى2009

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة السخونة

السخونة والصيف

مشكلة السخونة

السخونة

الرياداتير و السخونة

الكلمات الدلالية لهذا الموضوع

المفضلات

المفضلات

ضوابط المشاركة