المشاركة الأصلية كتبت بواسطة heshamzaky
ايوة يا باشا العيال دول فلذات اكبادى زى ما بيقولو نس هما يحصلهم حاجة بجد لآ طب أقولك على موقف مضحك مرة كنت راجع من الاسكندرية و بعدين دخلت واحة عمر لقيتهم جايبين أسد صغير ( شبل ) و ممكن الراجل يصورك معاة قولت اصور أدهم دة ابنى الاكبر كان حوالى بالكتير عندة سنة واحدة هوب راح الراجل المجنون مركبة على ظهر الشبل علشان المصوراتى يصورة لقيت الشبل لف دماغة و بيجيب بقة ناحية رجل الولد أقسم بالله العظيم وضعت يدى بين بقة و رجل الولد مع العلم انى عندى خبرة كبيرة فى مواضيع الحيوانات و كنت بربى عدة أنواع كلاب بس كلاب مش جريفون و كلاب البطاريات دى لآ كلاب كبيرة و عارف مدى قوة عض الكلب فما بالك بالاسد حتى لو كان صغير انيابة تتخطى ال 5 سم تقريبا و طبعا دة كان رد فعل سريع جدا و طبيعى و الحمد لله الراجل شدة من السلسلة و بعد وشة عن رجل الولد و جت سليمة يبقى بقى مين الاهم الواد ولا ابوة اكيد الولد الصغير لان تحملة للألم حا يبقى ضعيف انا مش مهم هى دى الابوة يا باشا هيييية