ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
priceless
انت بجد قعدت تتصور علشان تحط الصور ههههههههههههههههههههههههه هههههههههههههه
ميدالية من ايطاليا و فانلة من سويسرا مثال للفراغ الداخلى بصراحة
عرض للطباعة
ههههههههههههههههههههههههه ههههههههههههههههههههههههه ههههههههههههههههههههههههه ههههههههههه
priceless
انت بجد قعدت تتصور علشان تحط الصور ههههههههههههههههههههههههه هههههههههههههه
ميدالية من ايطاليا و فانلة من سويسرا مثال للفراغ الداخلى بصراحة
كانت عندى المشكلة دى و كان بيفصل باستمرار و الموتور فيه نتش كتيير و رحت التوكيل و ضبطت الفريون و راحت النتشه و بطل يفصل و التكييف شغال كويس مع مراعاة انى درجة الحراره فى اسوان 47 مش زيكم فى القاهره 42 يمكن بس باخليه على 3 واحيانا 4 فى الحراره العاليه
عادي بيحصل في الحر عندي في الكرولا نفس الشيء ولما حرارة الجو تنزل والشمس تنكسر التكييف يرجع زي الفل
تمام فعلا لإنى النهارده طلعت بالعربية محصلش أى حاجة غلط...بس على ما أظن إن عربية حضرتك برضه محتاجة ظبط فريون زى ما الأعضاء ما قالوا حتى لو مش لوجان لإن التكييف بتظهر أهميته الفعليه فى درجات الحرارة المرتفعه أوى...
مش معقوله فى أكتر وقت بنكون محتاجين التكييف فيه يكون مش شغال!!!
تمام يا باشا ربنا يباركلك فيها وتكون وشها خير عليك ان شاء الله هل لحظت اي مشاكل في الفتيس أو اي مشاكل تاني عشان انا حاجز لوجان دفعة شهر 5 برده عشان لو في أي عيوب تانية اخد بالي منها وأغير الدفعة و لا انت رايك ايه وايه تقيمك للغربية برده عشان في ناس قالت ان العيوب بتختفي في الدفعات الجديدة ؟
ياباشا تستلمها على خير إن شاء الله ومبروك مقدما...لا ياباشا العربية زى الفل توكل على الله ومحستش بأى عيوب فى الفتيس ...وعلى فكره المشكلهبتاعة التكييف دى محصلتش معايا النهارده ...وبإجماع الأعضاء ومن الردود المشكله دى أكيد زيادة فريون مش أكتر إن شاء الله...والدليل إنها بتحصل مع درجات الحرارة العالية بس.. فوق ال40 يعنىى ودليل كده إن فى واحد من الأعضاء الرد الثانى تقريبا حصلت معاه أول مره إمبارح بس وعامل تقريبا 5000 ....والأستاذ المن أسوان
كانت بتحصل معاه كتيير عشان الحرارة كتير بتبقى فوق الأربعين وإتظبطت معاه لما راح التوكيل وظبط الفريون وكذلك جميع الأعضاء.....
العربيه تمام والله بس عشان أكون نصحتك بضمير الرؤية الخلفية من مراية المنتصف صعبه شويه وعايزه تعود و تم حل الموضوع تقريبا بالمرايا الجانبية الممتازه...كبوت العربية من الأمام أنا مش شايفه مع العلم إن طولى 173 سم
ودى حاجه عاديه فى عربيات كتيير يعنى مثلا صاحبى معاه السيراتو نفس الكلام....مع العلم إن معايا الهاف أوبشن المفهاش تعليه الكرسى,,, إحتمال مع تعليه الكرسى الكبوت يبان ..بس مظنش برده إنه حيبقى واضح أوى..وزى ما قولتلك دى حاجه موجوده فى عربيات كتيير...غير كده الحمدلله العربية تمام
الله يكون فى عونك بصراحه
انا الاجازه اللى كنت بنزل فيها اسوان فى بداية الصيف كنت بتشوى شوى الفراخ
وكتر خير العربيه ان التكييف بتاعها شغال هناك
انا عندى نفس المشكله ظهرت اول امبارح فى عز الحر والدنيا مولعه نااااااااار
وكنت واقف بالعربيه ومشغل التكييف لاقيت المروحه شغاله علطول مبتفصلش
ده غير ان الاربى ام كان بيطلع وينزل شويه
والتكييف بيطلع هوا طراوه كده وعلى سرعة 4
فيه موضوع فى الإجتماعى عن يومين الحر دول , وناس هناك معاهم عربيات غير اللوجان بيقولوا ان التكييف معملش حاجة قصاد القيظ اللى كان موجود.
ممكن ياجماعة حد يقولى يوصفلى النتشة دى عاملة ازاى يعنى ؟؟؟؟
ياجماعة أنا فى حاجة مش فاهمها أعذرونى علشان الكلام يبقى مفيد!!!!!
أنا إلى فاهمة إن لما الفريون يبقى زيادة درجة البرودة تزيد والنتشة برده تزيد....
ولما الفريون يقل هيحصل العكس فالنتشة هتروح بس درجة الحرارة ممكن تقل!!!!!
بما إنى مش مهندس تكييف فهل الكلام ده صح؟؟
ولو صح يبقى إحنا فى مشكلة كبيرة
لأن الناس بتشتكى غن التكييف مبيسقعش وفى نفس الوقت فى نتشة:(
وده معناه إنهم لو عالجوا النتشة التكييف هيسخن بس!!!!!
ياريت لو حد عنده نفس المشكلة بالطريقة ديه بالظبط يعنى نتشة ودرجة بروده ضعيفة وإتحلت يقولنا إزاى...عشان انا ملاحظ غنه كله بيحل كل حاجة على حده أو على الأقل ده اللى انا فهمته...
أما تجربتى فهى كمعظم الناس وقت الظهيرة التكييف مبيسقعش لكن الصبح بدرى أو بعد الضهر بتبقى جميلة لدرجة إنى بقلل درجة البروده وبخلى المروحة 2 وانا سيارتى عملت 1000 والحمد لله.
أما بخصوص النتشة دى لا الحمد لله مش عندى خالص حتى الأن
كلامك معظمه صحيح عدا أجزاء بسيطة
و للتوضيح
لو الفريون زياده
(الضاغط) أو الكمبريسور يغمل لفترة بسيطة جدا ثم يفصل ثم يعمل فترة بسيطة جدا ثم يفصل ( اللى بنسميه بينتش) لأن الغاز ضغطه عالى داخل الدورة
و بالتالى دورة التبريد لا تكتمل و لا يحدث تبريد
لو الفريون ضغطه مناسب
(الضاغط) أو الكمبريسور يغمل لفترة كافية لرفع ضغط الفريون و بالتالى تكتمل الدورة و يحدث التبريد
هذا طبعا باختصار شديد
صباح الانوار نفس المشكلة حصلت معى وعامل 5500كم وسبق الذهاب للمقطم لصيانة 5000 منذ اسبوعين وطلبت ظبط التكيف وبعد ذلك فى الحر ظهرت نتشة و rpm يطلع و ينزل اطر ادوس بنزين
الاستاذ اللى بيقول ان التكييف فى الفرنساوى فى الطراوة
انا معايا رينو كليو 2003 1200 سسى والتكييف تلاجة فى عز الحر ولا يؤثر على سحب العربية
برجاء عدم اطلاق كلام عام بدون تجربة أو دراسة فاذا كانت هناك مشكلة ما نقول انه فى السارة الفلانية حصل كذا وكذا وبطريقة موضوعية وشكرا للك فى النهاية
شكرا ياستاذ ذكر الله انا فهمتك .... بس هو كلام حضرتك بيتعارض مع اللى الاستاذ بيقوله
ولا اللى انا فهمته منك ان العربية نفسها بتتخنق كده وتنتش صح ؟؟؟
اصلى انا عندى الخنقة والنتشة دى فى اللادا بس اكيد مش بسبب التكيف :b4_444: لان مفهاش طبعا والحل اللى بعمله وقتها انى بدى بنزين زيادة لحد ما تفك .......... انتوا قصدكم بقى نفس الوصف كده
عموما انا يمكن مطلعتش بيها فى اليومين الحر دول بس انا حاسة ان درجة التسقيع وقت الظهر كده فعلا بتبقى مش قوى زى الاوقات التانية
يا جماعه أنا كنت بتصفح منتدى النيسان لقيت موضوع إتعمل تقريبا فى نفس اليوم العملت فيه موضوعى إن تكييف النيسان هيس...وأدى الرابط بتاعه http://www.nilemotors.net/Nile/158849-a.html
يعنى المشكله كانت عامه فى عربيات كتيير بسبب الحر الشديد ....