-
غيرت البربريز
لسة راجع النهاردة الصبح من القاهرة,كانت أجازة كويسة و لكن ضايقنى فيها أن فى أول ألأجازة على الدائرى قدام كارفور بالظبط لقيت دبشه بحجم كف ألأيد بتلبس فى الأزاز القدامانى و دى طارت من عربية نقل كانت بتجرى قدامى و والله كنت سايب مسافة مش أقل من 25متر و لكن للأسف الدبشه لبست فى ناحيتى و عملت صوت يخض بطريقة وحشة لو كنت أرتبكت كنت عملت حادثة لأن الصوت مع تعتيم الأزاز كان ليه تأثير مدمر . عموما رحت عند بتاع قزاز محترم فى مدينة نصر و غيرتة ب 400جنية . خلوا بالكم أوى من الظلمة بتوع النقل و حسبى الله و نعم الوكيل فى كل سواق شايل حمولة دبش أو ظلط و مش بيأمنها و حسبى الله و نعم الوكيل فى المرور اللى بيدور على التفاهات و سايب البلاوى دى تجرى فى الشوارع . و الحمد لله على ستر ربنا و أنها جت على قد كدة.
-
-
الحمد لله على سلامتك
وربنا يعوضك خير ان شاء الله
-
ياباشا ربنا يعوض عليك
بس دة وانت ماشي علي الطريق يعني بسبب
انا بردة من يومين لسة مغير بردة البرابريز الامامي
كنت راكن العربية تحت البيت ومتغطية ووقع عليها طوبة
بوظت الازاز تقول اية بقي اما تنزل تشيل الغطا وتلاقي الازاز نصفين
حسبي الله ونعم الوكيل
-
احمد ربنا انها جت على قد كدة
وانا على الدائري كنت ورا عربية نقل محملة طوب فطت طوبة منهم عليا وكسرت الشبكة الامامية السفلية للاكصدام ودخلت على السيور وخلعتهم والعربية وقفت تماما وكان يوم اغبر وصلحتها في التوكيل واتكلفت اكتر من 3000 جنيه
-
حسبنا الله و نعم الوكيل في مرور مصر و في سواقين النقل الأشبه بالدواب....!!!
فداك ألف بربريز..... المهم حضرتك بخير؟؟؟
في رعاية الله......
-
فداك وحمدا لله علي سلامتك
-
-
الحمد لله انها جت فى الازاز .. اهى حاجه بتترمى وتتغير و متأثرش على حاجات تانيه
-
فداك مليون ازاز
وألف حمد لله علي السلامه
Content Relevant URLs by
vBSEO 3.6.0 PL2