العربية سخنت !!!!

**Ahmed.Ali** · 22-06-2010 04:55 PM

المشاركة الأصلية كتبت بواسطة raul_7

السلام عليكم, آخر الأخبار...

رحت التوكيل انهارده الساعة 9:30 العربية دخلت الساعة 9:45 الورشة, على الساعة 10:20 طلعت من التوكيل عالطريق تتجرب.

جت تاني التوكيل ودخلت الورشة اتبص عليها تاني وبعدين طلعت بره على الساعة 11 تقريبا.

اللي تم كالتالي:

- تم تنضيف سربنتينة التكييف.

- تم اخراج هواء من دورة التبريد.

قالوا لي يا ريت تجرب العربية في مشوار طويل شوية ولو فيه حاجة ترجعلنا على طول.

المهم أنا ركبت وطلعت على ميدان لبنان و شغلت التكييف طبعا, ورحت ميدان لبنان وقفت شوية على جنب الطريق كده قبل مطلع المحور بتاع ربع ساعة في الشمس وفضلت سايب التكييف شغال عشان أشوف, و الحمد لله الحرارة قبل ال 90 بحاجة بسيطة مازادتش خالص الحمد لله.

أحب أشكر الباشمهندس محمد عبد الهادي والباشمهندس بهاء لإهتمامهم بالمشكلة وحرصهم إني أروَّح و أنا مبسوط و الحمد لله روحت مبسوط.

أحب أزود إني قابلت العضو محمد عماد وعضو تاني في nilemotors بس للأسف مش فاكر اسمه هو معاه gen 2 رمادي وبصراحة ناس محترمة جدا.

تحياتي

انا برضوا توقعت انها واخده هوا ياريت تتاكد ان محدش يفتح القربه او الريداتير و عشان موضوع الهوا
و مبروك عليك عربيتك انت شغلك في القريه الذكيه لو اه هتلاقي جين2 رمادي في الباركنج الكبير عليها اللوجو بتاعتي :)

**mido_soliman** · 22-06-2010 05:04 PM

معلش عايز اعرف حوار متفتحش الاربة دة لو العربية دايرة ولا مبطلة اصلى فتحت الردياتير قبل كدة ابص على المية بس كانت دايرة ياريت حد يوضح الهوا دة بيحصل ازاى لانى مش فاهم الحكاية دى ولقيتها فى عربيات جديدة بس ودى اول عربية جديدة اركبها ياريت توضيح يا احمد باشا على
ياعم حودة انا لما ارجع اكتوبر حبعتلك على الخاص مليش فية لازم اشوفك ونعد مع بعض
تحياتى والله فرحت جدا لما المشكلة اتحلت على خير الحمد لله

**midosalah** · 22-06-2010 11:20 PM

الحمد لله على سلامة العربية انا مبسوط ان التوكيل مهتم

**ahmedfathi** · 23-06-2010 01:36 AM

المشاركة الأصلية كتبت بواسطة mido_soliman

معلش عايز اعرف حوار متفتحش الاربة دة لو العربية دايرة ولا مبطلة اصلى فتحت الردياتير قبل كدة ابص على المية بس كانت دايرة ياريت حد يوضح الهوا دة بيحصل ازاى لانى مش فاهم الحكاية دى ولقيتها فى عربيات جديدة بس ودى اول عربية جديدة اركبها ياريت توضيح يا احمد باشا على
ياعم حودة انا لما ارجع اكتوبر حبعتلك على الخاص مليش فية لازم اشوفك ونعد مع بعض
تحياتى والله فرحت جدا لما المشكلة اتحلت على خير الحمد لله

انا كمان عاوز اعرف ايه حكاية فتح الردياتير ده

اصل انا فتحته برضو عشان ابص على المياه بس العربيه كانت مبطله
يا ترى ممكن يحصل مشكله ؟

**Raul_7** · 23-06-2010 06:28 AM

شكرا لردودكم يا جماعة, بس أنا لاحظت حاجة غريبة وانا راجع انهارده الفجر.

العربية أنا دورتها الساعة 5:05 الحرارة وصلت لمعدلها الطبيعي الساعة 5:20 بعد ماوصلت البيت!

تفتكره يكونوا شالوا الترموستات و مقالوليش ولا ايه ؟؟

**midosalah** · 23-06-2010 06:49 AM

متابع بأهتمام

**mohamedabutrika** · 23-06-2010 11:24 AM

متابع بأهتمام جدا

**Nistelrooy** · 23-06-2010 01:13 PM

متابع بأهتمام جدا جدا

**hobaz** · 23-06-2010 01:20 PM

متابع معاك......

**Raul_7** · 23-06-2010 03:27 PM

ما شاء الله كل دول متابعين. طب أنا عايز حد يحاول يرد على سؤالي.

الكلام اللي حصل امبارح ده كان بالليل. انهارده الصبح ومع التكييف, العربية وصلت معدلها الطبيعي في بتاع 9 دقايق.

فينك يا أستاذ رامي ؟