الحمد لله يا برتوانيه انهارده بقيت برتوانى

**mody2008taher** · 21-06-2010 10:34 PM

الحمد لله استلمت الجين 2 انهارده من الاستاذ محسن صالح ابو رواش بس انا كنت مقتنع بالعربيه دى اوى من كلامكوا بس بصراحه انا دلوقتى بعد حوالى 40 كيلو حسيت انها ما تستاهلش تقديركوا قوى كده انا بصراحه مضايق منها اولا عفشتها ناشفه وده كان اول تعليق ليا عليها بعد ما مشيت شويه وجيت ابص ورايا لقيت الرؤيه الخلفية زفت وختمت معايا لما جيت اركن بقفل العربيه لقيت السنتر مش شغال ده غير انى مش حاسس بأى فخامه من جوه فيها انا اسف لو كلامى هايزعل حد بس اعذرونى وعلى كل الاحوال هاستنى صيانة الالف ويمك ارضى عن العربيه

**Tarek Gen 2** · 21-06-2010 10:56 PM

امال سعيد اوى انك بقيت بروتونى ليه كدة
انا بهزر معاك يا باشا
اديها وقتها بس و انا كنت اكتر منك بكتييييييير و ليه قصص مش لطيفة مع العربية دى بس بعد كدة تمام الحمد لله و عرفت انى كنت صح
بس انتا اصبر بعد التليين كدة و بعد اول الف محدش بيدى رايه فى حاجة لسة مستعملهاش
ربنا يكرمك و يكفيك شرها و يديك خيرها يا رب ان شاء الله

**mody2008taher** · 21-06-2010 11:07 PM

المشاركة الأصلية كتبت بواسطة tarek gen 2

امال سعيد اوى انك بقيت بروتونى ليه كدة :b4_556:
انا بهزر معاك يا باشا
اديها وقتها بس و انا كنت اكتر منك بكتييييييير و ليه قصص مش لطيفة مع العربية دى بس بعد كدة تمام الحمد لله و عرفت انى كنت صح
بس انتا اصبر بعد التليين كدة و بعد اول الف محدش بيدى رايه فى حاجة لسة مستعملهاش
ربنا يكرمك و يكفيك شرها و يديك خيرها يا رب ان شاء الله

اولا اشكرك على ردك بس انت عارف انا فرحان لانى اول مره اركب زيرو بس اللى مزعلنى انها مش ما الناس عماله تحكى وتتحاكا عنها بس ممكن سؤال لو فيها رخامه انا شايف ان انت عندك جين2 وسيراتوا بأمانه ايهما افضل

**ahmedfathy77** · 21-06-2010 11:17 PM

اولا الف مبروك على العربية وربنا يهديك خيرها ويكفيك شرها.

تانى حاجة فيه سؤال بس محيرنى هو مش ابسط اجراء اى حد بياخده قبل ما يشترى اى منتج مهما كان انه يبص عليه او يعاينه على الطبيعة زى ما بنقول . فما بالك باه دى عربية يعنى مبلغ وقدره اعتقد لو كنت حضرتك مجرد انك اعدت فيها مرة واحدة قبل ما تشتريها كنت شفت خامة التابلوه اذا كانت فخمة ولا اى كلام ولو بصيت ورا اكيد كنت شفت الرؤية الخلفية زفت ولا كويسة حتى من غير سواقه قبل ما تفاجا بحاجة زى دى بعد ما تروح تستلم ؟؟

بالنسبة للعفشة الناشفة ده موضوع معروف عن الجين وذكر اكتر من مرة برضه المفروض ان ميكونش مفاجاة لاى حد وان كان معروف انه احد اهم اسباب ثبات العربية واعتقد ان حضرتك لو جربتها مرة مكونتش هتفاجا كده.

بالنسبة للسنتر اكيد من حق حضرتك يظبطوه لك فى اول صيانه واى عيب تانى ممكن يظهر .

استمتع بالعربية ومتفسدش فرحتك بيها وان شاء الله كل شىء هيبقى تمام .

**emadhamdy** · 21-06-2010 11:34 PM

المشاركة الأصلية كتبت بواسطة ahmedfathy77

اولا الف مبروك على العربية وربنا يهديك خيرها ويكفيك شرها.

تانى حاجة فيه سؤال بس محيرنى هو مش ابسط اجراء اى حد بياخده قبل ما يشترى اى منتج مهما كان انه يبص عليه او يعاينه على الطبيعة زى ما بنقول . فما بالك باه دى عربية يعنى مبلغ وقدره اعتقد لو كنت حضرتك مجرد انك اعدت فيها مرة واحدة قبل ما تشتريها كنت شفت خامة التابلوه اذا كانت فخمة ولا اى كلام ولو بصيت ورا اكيد كنت شفت الرؤية الخلفية زفت ولا كويسة حتى من غير سواقه قبل ما تفاجا بحاجة زى دى بعد ما تروح تستلم ؟؟

بالنسبة للعفشة الناشفة ده موضوع معروف عن الجين وذكر اكتر من مرة برضه المفروض ان ميكونش مفاجاة لاى حد وان كان معروف انه احد اهم اسباب ثبات العربية واعتقد ان حضرتك لو جربتها مرة مكونتش هتفاجا كده.

بالنسبة للسنتر اكيد من حق حضرتك يظبطوه لك فى اول صيانه واى عيب تانى ممكن يظهر .

استمتع بالعربية ومتفسدش فرحتك بيها وان شاء الله كل شىء هيبقى تمام .

1+1+1+1+1+1+1

**Tarek Gen 2** · 21-06-2010 11:49 PM

المشاركة الأصلية كتبت بواسطة mody2008taher

اولا اشكرك على ردك بس انت عارف انا فرحان لانى اول مره اركب زيرو بس اللى مزعلنى انها مش ما الناس عماله تحكى وتتحاكا عنها بس ممكن سؤال لو فيها رخامه انا شايف ان انت عندك جين2 وسيراتوا بأمانه ايهما افضل

حكايات الناس عليها بتبقى ميكانيكية يا جميل يعنى قرصت عديت سرعت حاجات كدة لانها عربية سريعة و رياضية فعلا
وانها حلوة جدا فى الفئة السعرية دى
و موضوع انهى افضل
انا جايب السيراتو قبلها كمان و فى فرق فى حاجات و حاجات
بالبلدى كدة الخامات الراحة الفخامة التقفيل الجودة الاعتمادية الاستهلاكية سيراتو
الخفة الثبات الامان التجميع جين تو
و والله ده بامانة و فى فرق بين الاتنين فعلا
بس انتا ادى فرصة للعربية شوية بس و صدقنى فكرتك هتتغير و عايز تعرف اذا كنت انت صح ولا لا
قارنها باكسنت - ريو - اوبترا - ماتريكس عشان تعرف ازاى انت صح بنسبة 10000000%
متقرنهاش بحاجة فرقة عنها ب 30000 جنيه

**mo7hamedemad** · 22-06-2010 12:05 AM

اولا مبرووووووك من الاعماق والى الامام وبالتوفيق يارب
ثانيا الى انا اعرفة الى بيجيبوا بروتون وانا منهم بيجبوها عن حبهم الشديد ليها
فممكن اسالك فسؤال هوة انت جيبها عن حب ولا ........
اصل انا اقصد انك لسة فى الفترة الى بتبقى فرحان بالعربية ومش شايف غير الحجات الحلوة الى فيها انت قولت انك لسة معدتش 100 ك امال بقة لما توصل لل 1000 هتعمل اية
يا باشا حب عربيتك زيادة شوية وقارنها ب فئتها والدليل انك مش لاقى زيها انك بتقارنها بالفئة الاعلى

تقبل مرورى

**mody2008taher** · 22-06-2010 12:11 AM

انا والله جايبها عن اقتناع شديد جدا وده خدته منكم انتم بس انا الظاهر انى كنت متسرع فى حكمى عليها ومتشكر جدا لردوتكم يمكن المشكله فيا انا

**Raul_7** · 22-06-2010 01:07 AM

المشاركة الأصلية كتبت بواسطة mody2008taher

الحمد لله استلمت الجين 2 انهارده من الاستاذ محسن صالح ابو رواش بس انا كنت مقتنع بالعربيه دى اوى من كلامكوا بس بصراحه انا دلوقتى بعد حوالى 40 كيلو حسيت انها ما تستاهلش تقديركوا قوى كده انا بصراحه مضايق منها اولا عفشتها ناشفه وده كان اول تعليق ليا عليها بعد ما مشيت شويه وجيت ابص ورايا لقيت الرؤيه الخلفية زفت وختمت معايا لما جيت اركن بقفل العربيه لقيت السنتر مش شغال ده غير انى مش حاسس بأى فخامه من جوه فيها انا اسف لو كلامى هايزعل حد بس اعذرونى وعلى كل الاحوال هاستنى صيانة الالف ويمك ارضى عن العربيه

العفشة ظريفة مش ناشفة أوي, يعني انا شايفها احسن من السيراتو.

بالنسبة للرؤية ورا و المرايات هتتعود عليهم, و الركن كذلك.

بالنسبة للسنتر, قوللهم عليه في صيانة الألف طبعاً عشان ده عيب.

و الف مبروك عليك.

**Egypt200x** · 22-06-2010 01:21 AM

ألف مبروك ياباشا على العربيه اوعدنا يارب بواحده زيها

شفت بقى الناس بتتمناها ازاي

حبها بقى

هههه

وألف مبروك كمان مره وربنا يديك خيرها ويكفيك شراها آمين يارب

الموضوع: الحمد لله يا برتوانيه انهارده بقيت برتوانى

LinkBack

أدوات الموضوع

عرض

-

-

-

-

المواضيع المتشابهه

الحمد للة بقيت كياوى

الحمد لله بقيت تيداوي

واخيرا بقيت بروتوني واستلمتها انهارده بس عندي استفسار

الحمد لله بقيت واحد من اهل السوزوكي

الحمد لله الذي رزقني هذا...الحمد لله استلمت انهارده..H

الكلمات الدلالية لهذا الموضوع

المفضلات

المفضلات

ضوابط المشاركة