العربية بقى فيها مشاكل كتير مرة واحدة

معايا نوبيرا وان مو97 عاملة 117 كيلو...المشكلة بدأت اول امبارح لاقيت اللمبة الصفرا (التشيك) نورت والعربية بتقطع وبتفصل ساعات....والآر بى ام اول ماتشتغل بينزل اوى وبعدين يطلع...قلت هيبقى حساس السرعة زى المرة اللى فاتت(غيرته من 5 اشهر تقريبا) بس عداد السرعة تمام عندى ومش بيعلق زى المرة اللى فاتت...الجديد بقى انى ساعات اضغط بنزين الاقى العربية مابتديش والآر بى ام زى ماهو ولا كأنى دايس بنزين وفجأة الاقى العربية استجابت وتجرى لوحدها على حسب ضغطتى وساعات مابكونش دايس والاقى العربية بتمشى والآر بى ام يعلى (تقريبا راكبها عفريت )
والنهاردة شفت حاجة ضايقتنى جدا ...لاقيت العربية اول مابتشتغل بتطلع دخانة سودا اول خمس ثوانى وبعدين ماتطلعش تانى بس الدخانة مش سودا اوى زى بتاعت السرافيس لأ شفافة اوى وبتتلاحظ بالتدقيق وشفت الزيت لاقيته تمام...مع ان كل اللى شاف الموتور قال عليه ممتاز لأنة بيطلع مية من الشكمان
ارجوا المساعدة لأن الحكاية دى تعبانى نفسيا وخصوصا انى لسة واخد الاجازة وكان نفسى اتمتع بالعربية

حط العربية على سكانر و شوف العطل اللى سبب ان اللمبة نورت

الدخنة مع اول الدوارة ممكن تبقى رشاشات

MMamdouh

اقتباس:

---

المشاركة الأصلية كتبت بواسطة mmamdouh

حط العربية على سكانر و شوف العطل اللى سبب ان اللمبة نورت

الدخنة مع اول الدوارة ممكن تبقى رشاشات

mmamdouh

---

ياااااه اول ماقريت كلمة رشاشات دى لاقيت الابتسامة بتترسم على وشى لوحدها,اصلى بصراحة نفسى اغيرها من زمان
شكرا لرد حضرتك وان شاء الله ابقى اعملها سكان على يوم الحد بإذن الله

اقتباس:

---

المشاركة الأصلية كتبت بواسطة MMamdouh

حط العربية على سكانر و شوف العطل اللى سبب ان اللمبة نورت

الدخنة مع اول الدوارة ممكن تبقى رشاشات

MMamdouh

---

++++++++++++++++++1

اقتباس:

---

المشاركة الأصلية كتبت بواسطة MoDy_ElMoSHaX

وان شاء الله ابقى اعملها سكان على يوم الحد بإذن الله

---

هو فيه حد فاتح يوم الحد؟؟

MMamdouh

ممكن فى الشرقية الوضع يختلف !!!!!!!

يوم الحد ده هو اليوم اللى فاضى فيه وممكن اروح اسماعيلية للتوكيل.... وبصراحة التاريخ بالنسبالى توقف عند 6/17 (يوم انتهاء الدراسة)...ومعرفش النهاردة كام (دى من اثار الصدمة السعيدة بالاجازة) فمعرفش يوم الحد ده هيوافق كام او مناسبة ولا لأ...ولا قصدكوا ان التوكيل بيقفل يوم الحد؟؟؟ لو قصدكوا كدة فدى معلومة اول مرة اعرفها لأنى ماروحتش للتوكيل غير مرة واحدة وكانت يوم اتنين
ياريت ياجماعة توضحولى الوضع بدل ماضرب المشوار ده على فاشوش 90 كيلو رايح و 90 كيلو جاى

انت التوكيل اللى هاتروحه ده فين
لان معظم الناس بيكونوا قافلين الاحد

توكيل فى اول الاسماعيلية قبل ماتدخل المدينة وهو توكيل دايو واسبيرانزا على ما اتذكر...وتقريبا بعده محطة بنزين.....بجد اول مرة اعرف حكاية الحد دى ...يعنى الحلاقين الاتنين و التوكيلات الحد والمواطنين السبت والجمعة واخرون الخميس والجمعة...ناقص كدة التلات والاربع,اكيد هانلاقيلهم حد يتأجز فيهم:shine[1]:
شكرا يامحمد باشا