حد يعرف موضوع الجمارك هيتشال ولا لأ وامتى ؟؟؟ اتفاقيه التجاره

**M_HaFeZ** · 18-02-2008 02:47 PM

والله انا سمعت كتير عن موضوع عربيات المعاقين دى بس والله مستحرم الموضوع ده لانه هيبقى فيه نصب ولو حتى على الحكومه بس مستحرمه

**Xpert** · 18-02-2008 03:33 PM

ولا نصب ولا حاجه .. الحكومه هيا اللي سامحه بكده ... و حتطت 10 الاف شرط فك الحظر .. تدفعهم و تاخد العربيه باسمك انت ..

**Khalid_Mostafa** · 18-02-2008 04:02 PM

معتقدش ان فيه حاجه من الكلام ده حتحصل لأن ببساطة اخونا بتوع التجميع حيقفوا فيه عشان مصانعهم متقفش
من ناحية تانيه لو كان الكلام ده قريب كنت حتشوف ظاهرتين..
اولاً قبلها بمدة مش حتلاقي موديلات جديده بتنزل
وثانياً حتلاقي المعروض من السيارات الزيرو سعره انخفض وده لسه مشفنهوش لحد دلوقتي

واساساً انا مش عارف ليه فيه جمارك اصلاً .الي انا فهمه ان الجمارك دي بتفرض لحماية الصناعة المحليه و الي هي مش موجوده اصلاً
وفي نفس الوقت نفسي اشوف جمارك بنفس المقدار علي السجائر مثلاً

**M_HaFeZ** · 18-02-2008 04:39 PM

بالنسبه للاخ اكسيرت ممكن توضيح لموضوع رفع الحظر ده ؟
والاخ خالد معاك حق فين المنتج اللى بيصنعوه
اتخن شركه فى مصر بتقفل العربيه وبتعمل شويه حاجات متجيش 30% وكلها تفاهات بالنسبه لصناعه السيارات والجوده بشكل عام زفت فى زفت مش عارفين يعملوا موتور محترم ولا موتور من اصله
وليه محدش من الجهابذه اللى واخدين التوكيلات يعمل زى مابروتون بتعمل ويتعاقد مع شركه كبيره او حتى صغيره ويبدا يصنع بالاعتماد على التكنولوجيا القديمه ليها زى مابروتون بتعمل وتشترى مواتير ميتسوبيشى القديمه وشويه وهتعمل مواتير باسمها

**Xpert** · 18-02-2008 04:42 PM

هاقولك .. موضوع رفع الحطر ده ان المفروض اللي يحصل كالاتي ..
المعاق يشتري عربيه لنفسه و دي عليها حظر بيع 3 سنين او 5 حسب القرارات .. لحد هنا ده العادي و موجود منذ قديم الازل ..
المستجد في الموضوع ان المعاق بيدفع فلوس فك الحظر عشان يعرف يبيع عربيته .. و بعد ما يبيع بيبيع ليك انت ..
الموضوع اكبر من كده و فيه ناس متخصصين بياخده منك تمن العربيه بعد فك الحظر و بعد نسبه الجمارك و كله.. و يديك العربيه علي الجاهز ..
بس خلاص ههههه

**M_HaFeZ** · 18-02-2008 05:15 PM

ياسلام فعلا مصر بلد الفهلوه والله
طيب وعلى كده الناس دى بتوفر لك اد ايه من التمن
انا اعرف ان شراء العربيه من بورسعيد من غير جمارك تقريبا نص تمنها فى السوق المصرى
ومع المتخصصين ده بيحصل ايه ؟

**Xpert** · 18-02-2008 06:07 PM

ماهوه ده يا حج بتاع بورسعيد ... بص يا سيدي ..
انا كان قدامي 316 موديل 96 ب 65 الف .. العربيه دي مايقلش تمنها عن ال 110 الف بنفس الحاله ...
توفير يا حج ..و العربيات حالتها حلوه و تمام و بتاع بره .. الاوريجينال بقي ;)

**M_HaFeZ** · 18-02-2008 07:53 PM

تمن خرافى طبعا يأخ اكسبرت وعربيه اكتر من ممتازه
طيب انت وقعت عليها منين ؟ يعنى روحت بورسعيد ولا واحد تعرفه ؟؟

**Xpert** · 18-02-2008 09:57 PM

باشا انا فضلت متمركز في بورسعيد ايام بورسعيد دي ما كانت بورسعيد .. ايام البركه ... لينا محلات قطع غيار هناك و بتاع ..
المهم كنت في يوم هناك و كلمت المستخلص الجمركي بتاعي دلني علي واحد قلتله عاوز واحد مضمون و بتاع .. الكلام ده كان الصيف اللي فات .. دلني علي الراجل ده و قعدت معاه ..
بالنسبه للتفاصيل المشكله ان الذاكره بالنسبه لاي حاجه حديثه عن 5 سنين مابتسعفنيش .. بس رقم الراجل معايا و بياناته و كله ..;)