يا عم تغور بقرفها , موافق طبعا
يا عم تغور بقرفها , موافق طبعا
مش عاجبنى اللى بيحصل فالبلد وقرفان منه لكن مقدرش اتخلى عن باسبورى الأخضر مهما حصل ولا حتى اقبل اضيف جنسية تانية ... ليه معرفش
فيها حاجة حلوة
يا عم تغور بقرفها , موافق طبعا
موافق! بس عندي سؤال،
هو ممكن الواحد بعد ما ياخد جنسية البلد اللي عايش فيها، يرجع كده في الدرا ويقدم علي الجنسيه المصرية من جديد؟؟؟
فخور بانتمائي لهذا الوطن وافتديه بروحي
ولكني غير فخور بانتمائي لشعب معظمه لا انتماء عنده ولا وفاء
بس عندي سؤال للجماعة اللي مستغنيين عن الجنسية المصرية
هل لو كان مرسي استمر في الحكم او الاخوان استمروا في السلطة كنت هتستغني برده عن الجنسية واللا كنت هتحبها وتتمسك بيها؟
انا حاسس ان الاهواء السياسية ليها تأثير كبير في اختيار الناس وتصويتهم
اللهم احفظ مصر الكنانة
اللهم احفظ مصر وشعبها الطيب وجيشها العظيم من كل شر وسوء
الموضوع دا مصدر تأريخى لوحده :)
2010 - 2011 - 2014
------------
مالها الجنسية ؟
بتفيد أو تضر فى ايه يعنى ؟؟
هانتكلم كلام العواطف بتاع : الانتماء و الحاجات دى ؟
ما عادى ، انت ممكن مايكونش معاك جنسية بلد بس عايش فيها اكتر من بلدك اللى بتنزلها شهر و نص كل سنتين !؟
ممكن نفكر فيها اقتصاديا :
البلد اللى انت بتقعد فيها مدة اكتر نسيبا من اى بلد تانية ، و حابب انك تقعد فيها .. لو عرضت عليك جنسية ( بدل مبلغ الاقامة اللى كل شوية بتدفعه ، و الخدمات اللى ممكن تحرم منها علشان الجنسية ) ، هاتوافق ولا لأ ؟؟
سياسيا :
اكيد زى ما انتوا وضحتوا اجابة السؤال بتتغير تغير مباشر بالاحوال السياسية للبلد
لو انت منتمى لكيان انت ترس فى المحرك بتاعه ، اللى بيه بتمشى و بدونه بتتعطل ... هاتبيع مكانك !؟
لكن لو انت محسوب على كيان مش حاطك فى حسبانه اساسا ،، بيك من غيرك مش فارقه ، هو ليه هدف و مخطط ماشى بيه ... وقتها مكانى مالوش تمن اساسا ، فـ ليه مافكرش اسيبه و استبدله بأحسن ؟
اجتماعيا :
الجنسية حاجة و الهجرة حاجة تانية ،،
لو على اهلك و ناسك ، يبقى احنا بنتكلم على الهجرة بقى ، لكن عادى ممكن تاخد جنسية بره ، و تدفع تمن اقامتك هنا جنب ناسك لو تحب
او تشوف حد يعملك عقد عمل فى مصر تقعد بيه :d .
العملية بالنسبالى هى اجابة على سؤال / ايهما افضل ؟
بدون اى اعتبارات عاطفية
لإن مش لما هاسيب الجنسية هاتحرم من دخول البلد مثلا !!
كانو بيسألو احد المفكرين الاسلاميين . على ما افتكر فى دولة الاندلس ما هو الوطن ؟؟؟
رد وقالهم المكان الذى تحفظ فيه كرامتى و يكون فيه معاشى
طبق ده على اى حته و شوف مصر وطن ولا لأ .
ولو جاللك هجره لمكان تتعامل فيه انك انسان و يحترمك مقابل انك تتنازل عن جنسية بلدك اللى اكلت فيها اكل مسرطن و فيها ناس بتاكل من الزبالة ولو اعترضت حتنضرب بالنار واللى قتلك حيأخد سنة مع ايقاف التنفيذ . قارن انت واختار
لسه كنت بتكلم مع واحد صاحبى راجع من المانيا كان بياخد ماجستير و كنت بسأله على حاجات علشان بفكر اسافر هناك ..
لما بتسافر المانيا تدرس الدولة بتخليك تحط من فلوسك اجبارى فى البنك 9600 يورو و تجمد المبلغ ده و كل شهر تفكلك منه 800 يورو وده علشان انت تقدر تعيش لانك لو مش معاك فلوس الدولة ملزمة انها تصرف عليك وتوفر لك السكن والأكل والكلام ده حتى لو انت مش مواطن لإن مينفعش حد على الارض الالمانيه يموت من الجوع او ينام جعان .
ولما لا استغنى عن جنسية هذا البلد الذي استغنى عن ابناءه الا في سبيل الحصول على جنسية بلد تقدر ابناءها وتؤتيهم حقوقهم ولا تظلمهم
يا عم تغور بقرفها , موافق طبعا
الظريف ان هتلاقي تلات ارباع اللي بيردوا بوطنية فظيعة لو جاله عقد عمل او فيزا لبلد نضيفة هتلاقيه واخد اول طيارة ... كفاية مزايدات ....
الحقيقة ان اللى بيسخر و يتريق من حب غيره لبلده بكل قرفها و مشاكلها ......... لازم يعمل كده عشان يعوض شعور خفى بتأنيب الضمير :)
ريح ضميرك و طظ فى اى حاجة تانية ......... انا عن نفسى ممكن اسافر اتغرب اشتغل اعيش فى اى حتة تانية
بس لو اتعرض عليا اتنازل جنسيتى ........... مستحيل اقبل
و لو بلدى فيها اللى فيها
مش لازم اتنازل عن الجنسيه المصرى علشان آخد جنسيه بلد تانى
انا خالى عايش فى ايطاليا ومعاه الجنسيه الايطاليه
وفى نفس الوقت معاه الجنسيه المصريه
يعنى مزدوج الجنسيه
انا عايز اسافر واعيش مؤقتا في بلد متوافر فيها كل احتياجات الانسان وطبعا بدون تنازل عن الجنسيه وطول ما البلد حالها بايظ افضل هناك في الدوله دي ... اتصلح حالها الف وارجعلها تاني
ياااااااااه مقرتش كل الردود بس معظمها جايبلى وجع فى بطنى بضمير رغم انى قبل مقرا كنت متاكد ان الردود هتبقى كده ازمه هويه بشكل كبير بقالنا اكتر من 20 سنه ناس كتير عايشه هنا بجسمها و فى حتت تانيه بانتمائها و حلمها مهاجرين بدون هجره و ده خلاهم سلبين بشكل كبير اشيل ليه من على الارض منا مش قاعد فيها و اكيد هيجى يوم و امشى اساعد حد ليه منا كده كده همشى الدول المتقدمه فى العالم متعديش 1/5 الدول و الباقى فقر و استغلال و استبداد و كل ....... الى فى التاريخ بس احنا اتبرمجنا خلاص اتظبطا بتمنى من قلبى كل الى عايز يهاجر يهاجر و ياخد جنسيه تاينه و ميفضلش فيها بس غير الى عايز يقعد إن شاء الله 10 و شوف ساعتها الى هيحصل
سؤال سريع كده لكل الى عمال يتريق على الوطنيه و بيقول الى بيردو بوطنيه هيبيعو لو جالهم فيزا مش عارف بتعرفو الى فى النفوس ازاى
ايه رايك يا باشا تتجسس على مصر مقابل اى جنسيه تعوزها ؟؟؟ هتوافق لا طبعا ليه يا عم مش بلد ............ ؟؟؟؟ ايه الى هيخليك تقول لا مخونهاش ؟؟ مش الوطنيه دى كلام جرايد ملوش قيمه
يااااااااااااارب كل الى عايز يمشى يلاقى فرصه يمشى و يتجنس و ينسى مصر خالص ياااااااااااااااااااارب كل الامنتمى يلاقى مكان غير ده ينتمى ليه يااااااااااااااااارب
اه و كل الى بيموت فى دول الخليج تخيل كده دول الخليج من غير بترول حكامها شعبها الحقوق الحريات المستوى المعيشى ؟؟؟ طيب روح عيش :)
برجاء الالتزام بأداب الحديث
ممنوع إستخدام اللون الأحمر حيث أنه مخصص للمداخلات الإدارية
م ب 3
من الاخر لو بلد تستاهل اه هتنازل عن الجنسية المصرية عادى
معلش مصر معدنش فيها امل و الناس بقت وحشة اووى
وحتى لو جت حكومة كويسة مش هتقدر تعمل حاجة متتوقعش ان البد تتقدم و الشعب بالاخلاق و الانحطاط ده على الاقل بلدنا مش هتشوف النور فى فترة حياتنا يمكن بعد 200 او 300 سنة جايز
الموضوع بدأ في عام 2010
لو قرأته حينها وجاوبت كنت رفضت تماما مجرد فكرة الهجره من مصر
لأني وقتها كنت مازلت أحمل أمل في التغيير لإعتقادي أن المشكله أساسها فقط في الحاكم
ولكن بعد ما مر بنا طوال الأعوام الثلاثة الماضيه أقول أن مصيبتنا أعمق من مجرد حاكم وزوجته وأبنائه
مصيبتنا متجذره بتجذر الفساد وإنعدام الأخلاق حتى في أقل طبقات المجتمع تعليما وثقافة وقدرة
فالآن بفكر فعلا في الهجره ولكن ليس بالتنازل عن الجنسية المصريه
أفكر بإزدواج الجنسيه ولأحتفظ بالمصريه كتذكار للأحفاد وأحفاد الأحفاد يمكن يكون وقتهم حال البلد إتعدل
يااااااه ، كانت أيام
الحمد لله انا لو اتعرض عليا اي جنسية تانية مع المصرية مش حاوافق
فما بالك بالتنازل عن الجنسية المصرية؟؟؟؟؟؟
نفسي اعرف الناس المتمسكه اوي بالجنسيه المصريه علي ايه ؟؟؟
لو اتطلب مني التنازل عن الجنسيه المصريه في مقابل الحصول علي الجنسيه السودانيه و لا حتي الصوماليه
هوافق بدون تردد
اخدنا ايه من الجنسية المصرية ! والله موضوع الجنسية دة حظوظ ههههههههههه
منغير تفكير طبعآ مين يضحي بالميكروباصات الالترامكو ومياه الشرب الجميله والاكل الغير فاسد او ملوث زى بره مصر ونسيم الجو النقى والاستقرار الفكرى والنفسي والسلوكيات الجميله للناس فى الشارع والشياكه بشكل عام واداب القياده والجنيه المصري والتأمين الصحي .............
ا
السلام عليكم و رحمة الله و بركاته
الجنسية المصرية و لا غيرها لا بتدخل لا جنة و لا نار.
هى مجرد وسيلة عشان تلاقى فرص أفضل فى الحياة و التعليم و الرعاية الصحية و الاجتماعية ليك و لأسرتك, وفرصة للحياة كبنى آدم بكرامة.
و يبقى غلطان اللى يجيله فرصة أنه ياخد جنسية دولة محترمة -غير مصر طبعا- و مايخدهاش, بالظبط زى اللى يبقى قاعد فى مصر عمال بيعانى فى كل نواحى الحياة و أما يجيله عقد عمل مغرى فى الخليج, يقوم يقول و بدون أى أسباب منطقية, أنا ماسيبش بلدى أبدا.
Does not make any sense
:biggrin2::biggrin2:
.................................................
................................................
لقد خالفت القاعدة رقم (9) بند (أ) من قواعد المنتدى لذا يتوجب حصولك على ايقاف اسبوع
م ع 9
هعمل لولولولوللللللى فرح
على حسب الحال
يعنى بلد اسلامية او فيها نسبة مسلمين كبير مثل ماليزيا-اندونيسيا-السعودية لو هاقعد فى مكة او المدينه هاخد طبعا الجنسية مفيش كلام
بلد اسلامية اقل من مصر و منها فى رأيي دول الخليج--لن اقبل
بلد غير اسلامية حتى لو متقدمة لن أقبل الا فى الحالات الحرجة جدا مثل ان تكون حياتى فى خطر فى مصر مثلا
الجننسية لا تعنى انك بتحب مصر--اعدى اعداء مصر مصريين
هى هتفرق على حسب ظروف كل واحد اللى عايش تعبان طبعا هيوافق واللى عايش مستريح مش هيوافق
سؤال لا يحتاج اجابة
حد يسيب مرات ابوه
عادي جدا لو جنسية قوية زي مثلا ( كندا - امريكا - او دولة اوربية ) ...هتنازل عن الجنسية المصرية واخدها وانزل اعيش بالجنسية الجديدة في مصر واحط رجلي فوق رقبة اي حد يتنك عليا : D وأبقي عايش في بلدي احسن من اللي معاهم الجنسية نفسهم
بلدي اللي اعيش فيها بني آدم
الكلام طبعا لو بلد اسلامي هيكون القرار محير هوا احتفاظك بالجنسيه المصريه اداك مميزات ايه؟؟؟؟؟؟؟؟
يعني انتا لو ماشي هي اي مكان وحد وقفك ووقف واحد موزامبيقي تتوقع انهم يقولولك اهلا بصاحب البلد واتفضل وتعالى با موزامبيقي نشوف ورقك واصلك وفصلك؟؟؟؟؟
بالعكس لو اخدت جنسيه ثانيه مصر هتحترمك اكثر من الاول وتعيش وسط اهلك وبلدك بردوا
انما طبعا لو جنسيه لبلد غير اسلامي تغور البلد بجنسيتها
لا تيأس اخي ابو مازن والله مهما حاولوا يلغوا الهويه الاسلاميه مش هيعرفوا والله بإذن الله
والله واثق في ربنا انو مش هيخذل ناس نفسها تتمسك بدينها بس ده ما يمنعش ان يكون فيه ابتلاء علشان يميز ايللي مصر يتمسك بدينه من الاشكال ايللي بتطلع ع التلفزيون
افرض مثلا مثلا انها اسلاميه هييييي من الاخر هتتنازل ولا لأ ماتتوهش في الكلام
الجنسية الخليجية الممكنة بشروط خاصة ومنطقية هى البحرينية فيها المدراس الحكومية افضل من الخاصة والمستشفيات الحكومية افضل من الخاصة والمدرس يدخل الفصل يحارب حتى ﻻ تنتهى الحصة إﻻ وكل التﻻميذ فاهمين الدرس..مؤسسات وهيئات خدمية على اعلى مستوى و لكن ان كنت تظن الحياة خالية من المشاكل فى اى بلد فانت واهم واليك بعض النماذج التى اعرفها بشكل شخصى .. طبيب ناجح ومسؤل عن الرعاية المركزة لحاﻻات حرجة..توفيت احداها وكان طفﻻ لعائلة ذات حظوة اعتبروا الطبيب قاتل ابنهم.. فتاة تخرجت طبيبة وعملت بمكان مرموق واكملت دراساتها العليا وتعيش منفردة وترفض قيود الزواج رغم بلوغها السابعة والثﻻثين.. طفل فى مدرسة حصل على المركز الأول فاجتمع علية زمﻻؤة واهانوة بجنسيتة الأولى .. مهندس تزوج من جنسية البلد الجديدة وذاق المر من تصرفات زوجتة المحبة للإسراف والترف.. لو حصلت معاك مشكلة ياترى هتتصرف ازاى.. كيد هتكبر دماغك وتيجى على نفسك وتلم واﻻمور زى مصر بس الفرق ان دخلك هناك يسمحلك تعيش كويس.