الله ينور عليك abu_ruqi دة اللى كنت عاوز اقولة احنا محتلين داخليا مش خارجيا ! دة لو كان خارجيا كان ارحم ع الاقل مش حيعرفوا يعملو معانا نص البدع بتاعتنا !
الله ينور عليك abu_ruqi دة اللى كنت عاوز اقولة احنا محتلين داخليا مش خارجيا ! دة لو كان خارجيا كان ارحم ع الاقل مش حيعرفوا يعملو معانا نص البدع بتاعتنا !
انا مسلم ودة اللى يهمنى
مش مهم الجنسية المهم انى اتعامل كبنى ادم
كفاية الواحد وهو طالع اتوبيس الهايكستب بتاع الجيش عشان تخش تقدم
تلاقى العساكرة من تحت بتسب الدين لكل فى الاتوبيس
وتقولى جنسية
اهو حضرتك لفت نظري لحاجة متكلتمش عنها و هي الأخلاق
الأخلاق يا ناس .... دي بقى اكبر صفر بجد
بجد مفيش خالص
الناس بقت بتعمل الغلط بعلو الصوت ...
اهو انا اعيش في مكان مفيهوش مستشفيات و لا مدارس كويسة بس يكون فيه اخلاق
مش معقولة يعني ان دلوقتي الهزار في الشارع بعلو الصوت بافظع الألفاظ و عادي كدا ... ازاي الواحد هيعرف يربي عياله في وسط ناس بالعقلية دي ؟
ولا خريجين المدارس اللي اتعودوا من إبتدائي انهم يغشوا في الإمتحانات عشان ينجحوا ...دول ان شاء الله هيطلعوا يعملوا اية فينا و في عيالنا لما يكبروا ؟؟؟
يا حلاوة
معلش صدعتكوا... و مش هقدر اعمل حاجة غير اني اتكلم :)
السلام عليكم ورحمة الله وبركاته
أنا قبل ما أكتب المداخلة الكبيييييييييييييييرة بتاعتى اللى فاتت , قلت أن دى حسبتى أنا الشخصية و غير ملزمة لأى شخص لأن كل شخص ببساطة حر فى رأيه و حساباته.
بالنسبة للأخ الفاضل Fadod ’ كنت عااااااوز أقولك فيييييينك من بدرى يا راااااااااااااااجل , ده و أنا بقرأ الكلام بتاعك عن أمريكا , حسيت أنه فى مراوح هوا على قلبى زى ما أكون قاعد على كورنيش البحر فى اسكندرية فى كافيتريا الريحانى بشرب شيشة تفاح و الهوا الساقع بيرطب على مراوحى , و النبى يا شيخ ماتبقاش تغيب عنا , أصلك باين عليك راجل واقعى و محترم و كمان حضرتك جاى من ريحة الحبايب .
و بالنسبة للأخ العزيز abu_ruqi , أنا بشكرك على المداخلة المحترمة المكتوبة بالأزرق دى لأنك بصراحة وفرت كلام كتييييييير أوى كنت هضطر أكتبه بخصوص أن مصر هى الوطن و العرض و الشرف و الكلام ده, على الرغم من أن شرفنا بيداس و أعراضنا بتنتهك صبح و ليل و ليل و صبح كل يوم فى مصر , الظاهر أن المقصود من الكلام ده أن الواحد يدى عرضه و شرفه لمصر مش يحافظ عليهم فى مصر:majd(4):.
و ربنا ييسر الخير لكل المصريين المحترمين , المحترميييييين بس .
مازيراتى
اقتباس:
اهو حضرتك لفت نظري لحاجة متكلتمش عنها و هي الأخلاق
الأخلاق يا ناس .... دي بقى اكبر صفر بجد
بجد مفيش خالص
الناس بقت بتعمل الغلط بعلو الصوت ...
اهو انا اعيش في مكان مفيهوش مستشفيات و لا مدارس كويسة بس يكون فيه اخلاق
مش معقولة يعني ان دلوقتي الهزار في الشارع بعلو الصوت بافظع الألفاظ و عادي كدا ... ازاي الواحد هيعرف يربي عياله في وسط ناس بالعقلية دي ؟
ولا خريجين المدارس اللي اتعودوا من إبتدائي انهم يغشوا في الإمتحانات عشان ينجحوا ...دول ان شاء الله هيطلعوا يعملوا اية فينا و في عيالنا لما يكبروا ؟؟؟
يا حلاوة
معلش صدعتكوا... و مش هقدر اعمل حاجة غير اني اتكلم :)
طيب يعني أقول إيه خلاص أمركيا بقت أم الأخلاق و لا الدول العربية هي اللي الأخلاق مقطعه بعضها فيها
إنت بتتكلموا في حاجه نسبية كل البلاد الأخلاق فيها صفر بجد
جت يعني على مصر ما أكييد اللي طلع براها برده شاف العجب
بصو لو هتفتحو موضوع الاخلاق أنا ممكن اكتب صفحات عن الاخلاق برا ،وديه أخلاق الاميركان في التعامل مع بعضها. موضوع الاخلاق الشخصية وداه طبعاً موضوع ناس كتير بتحب تشير إليه حقولكم مش إختصاصي. احنا عندنا بلاوي في المجتمع العربي أو المصري بس الناس بتدري علي بلاويها .ولازلت تمارسها ولكن في السر .لكن هنا كل شئ مفضوح وواضح
مثلاً لما تكن لسة جديد في البلد و بتحاول تحفظ الشوارع ومن لبختك تكسر إشارة بعربيتك اللي موديل قديم ويكون السبب انك تعمل حدثه وتضيع فيها عربية موديل السنة ،وتلقي صاحب العربية الجديدة اللي مش غلطان جاي يجري عليك ويطمن عليك ويتأسف ويطلبلك الإسعاف كمان.
لما تكن ماشي علي الطريق وكاسر السرعة ب-20 ميل زيادة في الساعة وعربية البوليس توقفك وينزل منها ظابط ويجيلك لغاية عربيتك ويناديك بسيدي حضرتك كسرت السرعة المقرره ، هل فيه ظرف طارق عندك يستدعيك لكسر السرعة ، لو جاوبت بلأ بياخد نمر العربية والرخصه ويقولك ياريت تدفع الغرامة أو لو تحب تروح المحكمة في إليوم الفلاني للطعن.
لما تلفون البيت يعطل لمدة يومين لخلل داخلي عندك في أسلاك البيت وتتصل بشركة التلفون وفاكر إن العيب عندهم ولأرضأك يعطوك الشهر مجاناً من غير ماتدفع إشتراك
لما تجيب تليفزيون بلازما ويكون شغال عندك لمده4 سنين و يبوظ والضمان بتاعه سنة وحدة من تاريخ الشراء وتتصل بالشركة وإنت ملكش حق زعلان إنه باظ وإن ساعات تشغيله لم تتعد ما هو مكتوب وتلقي الشركة بعتتلك تليفزيون جديد تاني يوم من غير حتي متكلفك نقله .
ديه أمثلة بسيطة للتعامل إليومي بين الناس ، مع العلم انهم ممكن مايكونش متدينين أو حتي بيصلو في جامع أو كنيسة ، ممكن يكونو أي لون ،بيض أو سود البشرة ، من جنسيات مختلفة
بلدى هى اللى فيها اهلى امى اخواتى اصحابى كل جزء منها بيحمل ذكرى مش بالضرورة كلها حلوة ومش لازم تبقى ارض الاحلام علشان احبها يوم اتعب على ارض بلدى احسن من 100 كلهم عسل بره
كلام ممتاز بجد ...