انا بحب مصر وهاعد فيها لحد ماتتغير حتى لو هاموت قبل اليوم ده بس على الاقل ابقى حاولت مش هربت
انا بحب مصر وهاعد فيها لحد ماتتغير حتى لو هاموت قبل اليوم ده بس على الاقل ابقى حاولت مش هربت
بص انا عايش في ايطاليا بقالي سنة وفي روما عاصمة المسيحية وبصراحة ماشوفتش موضوع الاضطهاد ده
وبعكس ما كنت فاكر ان الناس مش بتساعد بعض بالعكس الناس هنا بتحاول تساعد بعض بس ده موجود اكتر في الناس الكبيرة والعواجيز لان جيل الشباب اللي طالع زي الزفت بصراحة اللي تحت سن 18 مثلا وقلة ادب متناهية بس عموما بردو كل واحد في حاله
وبردو المشكلة فينا احنا المسلمين مابيحولوش يساعدو بعض ولا يساعدو الاسلام الا من رحم ربي طبعا يعني الناس بره تلاقي كل همها الفلوس في ناس حتي مابتروحش تصلي الجمعة ويقولك عشان الشغل عارف انا مرة شوفت حاجة عجبتني جدا ومش بنساها في وسط في ميدان كبير اسمه فينسنيا في وسط الميدان في جنينة وكنا ساعة الضهر كده وانا راكب الاوتوبيس وشوفت واحد بكاستاني واقف بيصلي في وسط الجنينة ولا ليه دعوة بحد ولا حد ليه دعوة بيه !!!!
اتنازل عن الجنسيه المصريه.... صعب شويه حتى لو مالهاش لازمه او قيمه بره
لكن ليها قيمه عندي انا, و قيمه كبيره, بس الله يجازي اللي كان السبب
لكن اتجنس بجنسية تانيه مع الجنسيه المصريه... موااااااااااااااااااااااف ق جداااااااااااا
و لو اتعرض عليا اختار, فهتكون اختياراتي بالترتيب الاتي...
1- كندا
2- استراليا
3- انجلترا
4- امريكا
5- نيوزيلاندا
و من عشاق اسبانيا, المانيا, ايطاليا, فرنسا, النمسا... لكن جنسيتهم مش مغريه ليا
لكن لو لازم و لابد التنازل عن الجنسيه المصريه في مقابل الجنسيه الاخرى...
ده سؤال صعب جداا جداا جداا, و مش عارف الموقف هيكون ايه..!!!
لكن هقولك يا ابورقيه التفكير اللي ممكن افكر فيه...
هقول لنفسي... طيب ما تتنازل عنها و هي هي, ما انت بيها و من غيرها
لومعاك جنسيه اجنبيه حياتك في مصر بيكون ليها شكل تاني عن لو كنت مصري بس
بس هرجع و اقول لنفسي, بس بردو دي بلدك, و ارضك, و ليك حق فيها,
و انت كده بتفرط فيه, و افرض الحال انصلح و البلد بقت حاجه تانيه
و عايز ترجع تاني... ماتقدرش؟؟؟ هتبقى غريب عن البلد..؟؟؟
افرض جالنا حد رجع للمصري قيمته و للجنسيه المصريه قيمتها بره و جوه,
هتبقى انت فين من كل ده..؟؟؟ و هترجع جنسيتك و اصلك تاني ازاي؟؟؟
اسئله كتييييير قوي, و الجواب عليها صعب, حتى لو بنعاني من البلد و العيشه,
و الحكومه, و قلة القيمه, و ................ بس بردو هتفضل البلد بلدنا,
و الارض ارضنا, و ممكن اللي خاربينها يتغيروا, لكن احنا مش هنتغير..!!
اتجنس... يا ريت, اهاجر... يا ريت, افرط في الجنسيه المصريه... مش هقدر
بجد موضوع اكثر من رائع يا ابورقيه, و اعذرني
اني ماشوفتوش من بدري, لكن بقالي فتره مش بدخل الاجتماعي
تقبل خـــالص تحيـــاتي...
غازي باشا حبيب قلبي , تفتكر حد يعرف يرجعها تاني ؟؟؟ السرطان وصل للنخاع ولا يمكن علاجه , اللي حيجي حيصلح إيه و ألا إيه ؟؟؟؟
الإنسان نفسه باظ يبقى عليه العوض , أنا شايف أي حاجة تتصلح إلا الإنسان , الحمد لله حولونا لمخلوقات مهملة وفاسدة وفوضوية
حيعمل في ده إيه اللي حيجي ؟؟؟
حد بيشوف برنامج في القاهرة والناس اسمه "بحث ميداني زي العسل" ؟؟؟؟
شوفتوا الشعب بقه عامل إزاي ؟؟؟
على رأي عادل إمام مخ الإنسان عبارة عن فصين , فص بيدي كهرباء و فص بيدي عسل و طحينة !!
خالد باشا... والله واحشني جدا جداا
كله كوووووم... و برنامج بحث ميداني ده كوووووووم تاني خااااااااااااالص..!!!!!!!!!!
دي ناس في الطراوه والله..!!! الراجل بيقول كلام غير منطقي و لا يعقل بالمره, و الناس
شغاله اقتراحات و اهو كله كلام في المايكروفون و هنطلع في التليفيزيون و هنعدي... :dzey:
بجد ببقى قاعد هتجنن... و المصيبه الاكبر انه بيقع مع دكاتره و مهندسين و محاسبين
يعني اكترهم شهادات و ناس متعلمه و فاهمه (المفروض)... لكن و فجأه, الرد يجي
و زي مايكون المهندس ولا الدكتور ده تعليم مجاني, او ماتعلمش اصلا, و يا خسارة
السنين اللي ضاعت على (الشئ اللي اسمه التعليم, اللي مالوش اي لازمه كده...!!!)
فعلاً حاجه تحزن, و الناس بقت اقل ما يقال عنها (مييييييييح) في كل شئ...
للاسف حولونا لناس بتتطحن عشان لقمة العيش (ده اذا لقيتها), بلا عقل او تفكير...
لكن صدقني... ممكن جداا يكون الفرج من عند ربنا قريب, و السرطان بقى ليه علاج
لكن محتاج وقت و صبر و مجهود, مع ان نسبته في البلد دي عدت و فاقت كل الحدود, بس ممكن
و مين عارف... مش يمكن في يوم من الايام نقول.....
"حد كان يصدق ان مصر ترجع كده تاني, و حالها ينصلح,
و ترجع بلد التاريخ العظيم, و كمان المستقبل المشرف...!!؟"
اتمى من كل قلبي بجد, و مافيش حاجه بعيده على ربنا...
يمكن دا لان دول حوض البحر المتوسط فيهم طباع كتير شبهنا...بس التعصب بيبان قوي في اوروبا في منطقه زي شرق المانيا مثلا...بس بما ان حضرتك في ايطاليا بقالك سنه..فانا عندي استفسار...هل تعلم اللغه شرط اساسي للعمل هناك او الاقامه؟اقتباس:
بص انا عايش في ايطاليا بقالي سنة وفي روما عاصمة المسيحية وبصراحة ماشوفتش موضوع الاضطهاد ده
وبعكس ما كنت فاكر ان الناس مش بتساعد بعض بالعكس الناس هنا بتحاول تساعد بعض بس ده موجود اكتر في الناس الكبيرة والعواجيز لان جيل الشباب اللي طالع زي الزفت بصراحة اللي تحت سن 18 مثلا وقلة ادب متناهية بس عموما بردو كل واحد في حاله
وبردو المشكلة فينا احنا المسلمين مابيحولوش يساعدو بعض ولا يساعدو الاسلام الا من رحم ربي طبعا يعني الناس بره تلاقي كل همها الفلوس في ناس حتي مابتروحش تصلي الجمعة ويقولك عشان الشغل عارف انا مرة شوفت حاجة عجبتني جدا ومش بنساها في وسط في ميدان كبير اسمه فينسنيا في وسط الميدان في جنينة وكنا ساعة الضهر كده وانا راكب الاوتوبيس وشوفت واحد بكاستاني واقف بيصلي في وسط الجنينة ولا ليه دعوة بحد ولا حد ليه دعوة بيه !!!!
جزاك الله خيرا...الموقع شكلو رائع و مفيد جداااااااقتباس:
http://www.elsharawy.com/
ماهو المشكله حضرتك انك بتهاجر او بتتنازل عن الجنسيه في دوله بيكون فيها مميزات ليك سواء بالنسبه في الشغل او في الماديات...و كل الكلام دا مش موجود الا في دول غرب اوروبا و امريكا و كندا و استراليا...اقتباس:
يبقى خلاص ماتروحش دول غير مسلمة!! إحنا ما حددناش الدولة , اللي تعجبك
في حالة واحدة بس... تكون الجنسية الماليزي... والله قضيت فيها اجمل 10 ايام في حياتي وعايز اعيش هناك في دوشتهم وزحمتهما اللي انضف من اروق شارع عندنا