اتسرقت

**mohamed_e36** · 22-06-2010 05:44 PM

المشاركة الأصلية كتبت بواسطة mohammmed

مااكيد صاحبه يعنى نزل بره العربية مش معقولة قاعد كل الوقت بتاع تصليح الكاوتش فى العربية يعنى فممكن فى اللحظة دى او الدقيقة دى العربية اتقلبت !!!

لا انا صاحبي منزلش من العربيه خالص ومفيش حد كلمو خالص مش عارف في ايه

**mohamed_e36** · 22-06-2010 05:46 PM

المشاركة الأصلية كتبت بواسطة أبو صلاح

طبعا ان بعض الظن اثم

بس عايز اقول على حاجة
موبايلك على الطابلوه ده عادي جدااااااااااااااااا
محفظة صاحبك على الطابلوه غريبة شوية

والاثنين يتسرقوا بالسهولة دي
يعني حرامي يدخل ايد واحد علشان يمسك حاجتين مع بعض بالسهولة دي ؟
اعتقد انه لازم يدخل ايديه الاثنين

ولو مكانش صاحبك ده حس يبقى في حاجة مش صح

بص انا اتعودت اني اكون حريص ودقيق
يعني انت بتقول صاحبك ده محفظته اتسرقت مع موبايلك شوفه ايه الاوراق اللي هيطلعها بدل فاقد وتابعه وشوف هيعمل ايه

انا مش بقومك على صاحبك ولا حاجة لا سمح الله
انا بقولك الحرص واجب

لو كلامش معجبكش يبقى ولا كأنك قراته

شكرا على نصيحتك وانا عارف ان قصدك مصلحتي بس صاحبي ده زي اخويا بالظبط

**mohamed_e36** · 22-06-2010 05:47 PM

المشاركة الأصلية كتبت بواسطة د.محمود صلاح

دايما اتعودت لما انزل اقفل زجاج العربية ولو حد قاعد انزل له زجاجه فقط

اهه درس والواحد اتعلم منه

**salmas** · 22-06-2010 05:49 PM

قدر الله وماشاء فعل والحمد لله بسيطه بس غريب جرئ اوى ياخد الحاجة وفى حد جوه العربية وخلى بالك انك متسبش حاجة حتى لو حد قاعد فيها لانها ممكن تكون لحظة سهو

**mohamedrefaay** · 22-06-2010 07:34 PM

دائما الحرامى

انصح

**mohamed_e36** · 22-06-2010 09:57 PM

المشاركة الأصلية كتبت بواسطة salmas

قدر الله وماشاء فعل والحمد لله بسيطه بس غريب جرئ اوى ياخد الحاجة وفى حد جوه العربية وخلى بالك انك متسبش حاجة حتى لو حد قاعد فيها لانها ممكن تكون لحظة سهو

تمام

**mohamed_e36** · 22-06-2010 09:57 PM

المشاركة الأصلية كتبت بواسطة mohamedrefaay

دائما الحرامى

انصح

بس ربنا مبيسبش

**hazemhassan** · 25-06-2010 10:26 AM

اهم حاجة وانت نازل من العربية تاخد المفتاح والموبيل حتى لو هتجيب حاجة من الشنطة
وربنا يعوض عليك

**mohamed_e36** · 25-06-2010 07:23 PM

المشاركة الأصلية كتبت بواسطة hazemhassan

اهم حاجة وانت نازل من العربية تاخد المفتاح والموبيل حتى لو هتجيب حاجة من الشنطة
وربنا يعوض عليك

الحمد لله على كل شئ

**D . a .\ AYMAN** · 29-06-2010 01:27 PM

ربنا يخلفهم عليك .. وعلى فكرة أنا عارف إن فعلا ممكن يكون حد خدهم ومن غير صاحبك مايحس فعلا

أنا مرة كنت واقف في شارع فيصل الساعة 3 الفجر وكان في الشتاء ماكانش في صريخ إبن يومين في الشارع ... والكلام ده من حوالي 5 سنوات تقريبا

نزلت أزود مية في الريادياتير وكان الزجاج بتاع العربية مقفول تلاتة أرباع حجمه ... يعني مفتوح ربعه فقط !!!!! .... رجعت جبت الجركن من الشنطة في ثواني تقريبا وبعد كده فتحت الكبوت وقفلت باب العربية وطلعت قدام رفعت الكبوت زودت مية تقريبا الموضوع ماخدش دقيقة لأنها ماكانتش فاضية كتير .. قفلت الكبوت , رجعت حطيت الجركن في الشنطة وركبت ... بدور على الموبايل اللى كان محطوط جوة عند العدادات (يعني مستخبي ومش باين .. وعشان يوصله لازم يدخل بجذعه كله العربية .. ماينفعش بإيده فقط) مش لاقيه أنزل أبص وأنا مش مصدق اللى حصل مافيش فعلا أي حد قريب مني .. الشارع اساسا فاضي تماما

جه منين , خد الموبايل إمتى , عرف ياخده إزاي والزجاج مقفول (يعني إزاي .. فتح الباب مثلا وقفله وأنا جنبه !؟) ومشي إزاي .... الله أعلم .... دانا رايح جاي من قدام لورا ومن ورا لقدام ....

بجد مش مصدقها لغاية النهاردة

طلب صغير على جنب ياريت ياجماعة لو المشاركة بتاعتي فيها حاجة مش واضحة حد يقوللي لأني أول مرة أستخدم نوع الخط ده ومش عارف أخباره إيه