مجرد فضول و استطلاع رأي...
تفضل اي من الخيارين ؟
1- عملك الخاص... مشروعك ... البيزنس بتاعك ...
ام
2- وظيفتك و كارييرك و تعليمك
؟؟؟؟؟؟؟؟؟؟؟؟؟؟؟؟؟؟؟؟؟
يا ريت اسمع آرائكم و لاتنسوا التصويت
عرض للطباعة
مجرد فضول و استطلاع رأي...
تفضل اي من الخيارين ؟
1- عملك الخاص... مشروعك ... البيزنس بتاعك ...
ام
2- وظيفتك و كارييرك و تعليمك
؟؟؟؟؟؟؟؟؟؟؟؟؟؟؟؟؟؟؟؟؟
يا ريت اسمع آرائكم و لاتنسوا التصويت
الاتنين يا محمد حاليا كل الناس بتفتح مشاريع و بتبقي شغالة فى وظائف .
اكيد الاثنين بدون ظلم لاحدهما حتي يكون المال حلال ولو مش قادر توفق بينهما اختر الاصلح لك ماديا ومستقبليا
(كل جسد نبت من حرام النار أولي به)
ماهو احنا بنقارن بين شغل الحكومة اللي ما بيجبش تمن المواصلات منه و اليه
و بين شغل حقيقي
ما حدش مرتاح في شغل حكومة طبعا لأنه ببساطة مش شغل زززده يا اما سحل على الفاضي يا اما فضا و نعبي الهوا في قزايز
يبقى خلينا في الشغل
شغل يعني كسب عيش making living يبقى فضل شغل عن شغل هو ما يقدمه لي مستوى معيشي
طبعا في حدود قبولي للعمل ده دينيا و اجتماعيا و نفسيا
لكن في الحدود التي " لا أرفضها" يبقى و جه المفاضلة بين شغل و شغل هي فلوسهم
مميزات وعيوب
ما بين ادارتك ونظرتك الخاصه ومدى تفوقك فى انجاح عملك الخاص والصعود الى حافه صينيه الفته , وبين الغرق فى قاع الصينيه لو غلطت غلطه واحده
وهى مشكله بتتفاداها لو انت مجرد فرد من فريق عمل فى شركه بتتحمل اخطاء عملك الخاص فقط بدون النظر الى النتيجه النهائيه لعمل كل الفريق , بس فى نفس الوقت نصيبك من النجاح صغير
فى مجال عملى اتمنى اكون صاحب عمل خاص , فى يوم من الايام ان شاء الله
Wages get you by, Profits grow a fortune
الوظيفة ومش لازم تكون في جهة حكومية
وبعد كده العمل الخاص اذا كانت الوظيفة مش مكفياني
شكراً لجميع من شارك
انا شايف ان ناس كتير بتقول الفلوس
طب و هو الشغل مش ليه بريستيج برضه ؟ اقصد لو في شركة مالتي ناشيونال ذات سمعة عالمية ؟ او مكان محلي ذو سمعة ؟ ....
مش هتكون نفسيتك كدا مرتاحة اكتر بإنتمائك لمكان كبير ؟ ولا الأفضل انتمائك للمكان اللي هتبنيه بنفسك و تشيل همه على طول ؟ مهو اكيد برضه الفلوس مش كل حاجة و اكيد مش قصدي على الوظيفة الحكومية ..
يمكن اكون لسة تفكيري ساذج شوية ... بس عايز اسمع كمان
مستنى تعليقات كمان... خصوصاً من الناس اللي قامت بالتصويت بدون إبداء رأي ;)
الموضوع ده نسبى يعنى يختلف من شخص للاخر انا عندك مثال ترك العمل فى شركة عالمية فى مجال الاتصالات للعمل على تنمية مشروعى الخاص ( الدخل يحقل للنص تقريباً من الموضوع ده ) لكن الراحة النفسية عالية جدا جدا جدا كفاية الواحد بيبنى لنفسه مش لغيره
أكيد الشغل ليه برستيج وكل مامعاك ماسترز و phd مكانتك فى الشركة هتعلى ، مرتبك هيبقى فوق الطبيعى بكتير ، بتتكلم فى 30 ألف وانت طالع فى الشهر ، ممكن توصل لحد ما تبقى المدير التنفيذى.
روبرت كايوسكى ودة رجل أعمال وكاتب مشهور كان له معادلة مشهورة إن 90% من الناس موظفين ، دول الجونيورز والسينيورز .. الخ دى الطبقة اللى فيها الناس بتاخد مرتب عادى و بتدفع أعلى الضرائب وبتعمل الشغل كله ، 5% متخصصين ودول قلة زى الجراحين وبعض المشاهير ، حد عنده مهارة وخبرة مش موجودة عند حد ، ودة مرتبه عالى جداً فوق الطبيعى بأضعاف ، وعندك 4% أصحاب أعمال دة اللى بيعمل الحاجة بجنيه ويبيعها بعشرة يبقى كسب 9 جنيه ، و 1% مستثمرين.
أغنى طبقة فى العالم هما المستثمرين اللى بيشتغلوا فى الفلوس ، كان فيه مرة لقاء لعمرو أديب عامل حلقة عن المليارديرات ، قالك الفلوس الكتير أوى مبتجيش غير لو اشتغلت فى الفلوس.
شوف انت طموحك فين وانت اللى تقرر ، مفيش أفضل ، وتأكد كل ما طموحك يعلى كل مالصعوبات والتحديات تكتر.
الوظيفه الحكوميه كلها قيود و تحكمات و مشاكل ......................بس بتدى برستيج اكيد لو مكان عمل كويس
اما العمل الخاص(اما تكون انت صاحب العمل) فانت بتبنى اسم و سمعه و بتدير العمل على الطريقه اللى تريحك و بتكون اكيد مستمتع بالعمل لان انت مظبطه على كيفك و مختار العمل اللى يريحك و بتحدد اللى انت عايزه و اللى انت مش عايزه
عملى الخاص طبعا وظيفة ايه فى الزمن ده !!!!!
العمل الخاص ..و نظرة على المجتمع بتقول كده ..
العمل الخاص و الإحتكاك بمختلف أنواع البشر بيطور الشخصية أيضا
هي فكرة مغرية يا أحمد ان الواحد يكون من الـ4% دول
و فكرة مغرية برضه ان الواحد يكمل تعليمه و يعلى و يكبر في المجال اللي درسه و بيحبه
ربنا يسهل
بيطور الشخصية فعلاً و من احتكاكي مع كذا شخص صاحب عمل.
نظرة المجتمع ... مش عارف .... الواحد بس بيقلق من موضوع البيزنس الخاص لسبب... ان كل حاجة في البلد بتمشي بالفلوس... مش عايز ابقى في يوم من الأيام في موقف لازم ادفع فلوس (هدية) عشان حاجتي تمشي مثلاً !!
شكراً لكل من شارك بوجهة نظر
تحياتي
هو فيه و ظائف في الزمن ده
المفاضلة بتعتمد علي حاجات كتير زي طبيعة شخصيتك وتخصصك وطبيعة الوظيفة المناسبة ليك او طبيعة العمل الخاص اللي ممكن تعملة
يعني لو شايف ان الوظيفة بالنسبالك مجدية أكتر ماديا وبتحقق استقرار بالأضافة لأنك هتقدر تبدع فيها وتوصل لمركز كويس يبقي افضل
ولو بتعرف تخطط كويس ونشيط وتقدر تتحمل مسؤلية العمل الخاص يبقي احسن بس يتوقف علي نوعية العمل الخاص وجدواة ومدي استقرارة
بالنسبالي جربت الأتنين ،، في الوظيفة كنت مركز فيها ووصلت بعد مجهود سنين اني بقيت الأدمين للقسم الفني علي مستوي فروع الشركة كلها ورقم 2 في الشركة بعد المدير العام ونوعا ما كنت مرتاح
ولما فتحت عمل خاص مكنتش ناوي اسيب الوظيفة بس ابتديت اتشغل فية وتدريجيا سيبت الوظيفة وبعدين الدنيا لطشت وممكن بعد فترة كبيرة تلاقي غصب عنك رجعت لورا وكل المجهود اللي عملتة راح علي الفاضي نظرا لظروف السوق وعدم الأستقرار ، الأحساس دة بيجيلي كتير بحس اني برسم علي مية لكن هتبقي مستمتع انك عملت كيان واخد سمعة كويسة وناجح ... لكن النتيجة اية ؟ دة بيتوقف علي نوع العمل الخاص ومدي استقرارة زي ما قلت بس للأسف مفيش استقرار خالص وممكن كل فترة يحصلك مشكلة تخسرك كل اللي عملتة وتقاوح وتكمل وبرضو يحصل نفس الموضوع بعد فترة ، يمكن دة مش في كل المجالات بس بالنسبالنا مجال الكمبيوتر بشكل عام بقي مضروب بالنار ومش من السهل انك توصل فية لحاجة
وموضوع انك تعمل الأتنين مع بعض دة مش عارف ازاي بس عن تجربة لازم حاجة فيهم تكون علي حساب التانية علي الأقل في التركيز
العمل الخاص
powerofhell
pro samir
احمد المصري
شكراً
ودى عاوزة كلام
الخاص طبعا