Sos طلب مساعدة في اختيار سيارة

**ahmedbibo** · 23-06-2010 03:05 AM

المشاركة الأصلية كتبت بواسطة amrseba

يابنى الهونداى اكسيل ديه لو 2000 سى سى عربيه وحشه جدا جدا جدا لا فيها ثبات بعد الميه تبقى فى خلاط ولا امان خالص ومشاكلها كتير وماتورها ضعيف مش بتاع اى حاجه وعمرى ماشوفت عربيه اكسيل ماشيه فى الشارع حالتها نضيفه
معلش لكل ملاك العربيه بس ديه الحقيقه المره بس ديه تختارها فى حاله انت عايز قطع غيار مش عربيه وكل الى معهم العربيه هم الى قالوا تشتريها

ومعلش الابيزا حاجه تانيه عربيه فيها سيستم بورش والمانى بتتكلم فى ايه وقطع غيرها مش ناااااااااااااار ولا حاجه عربيه قطع غيرها معقوله جدا وجرايه

الشاهين كل ميزتها انها قويه تستحمل اى حاجه وعاليه من الارض وقطع غيارها عند البقال وبتجرى كويس

الفليشا تيييييييييييييييت بلاش منها

+11111111111111111111111

فعلا الاكسيل وحشه جدا مع اخويه صاجها تعبان ومشاكلها كتير ومفييش ثبات خاالص خالص بعد اااال 100مبتكونش راكب عربيه وفعلا انت هتختار قطع الغيار اشتريها بس مش هيبقى معاك عربيه وهيفيد بأيه قطع الغيار لو كل يومين غيرتلك حاجه

انا رأى الشاهين حلوه ولو عايز امكانيات يبقى عليك والدوجان و الويرا جميله جدا هيا هيا الانسر كريستاله

والابيزا كويسه جدا وقطع غيارها معقوله والمانى

**Ahmed Mubarak** · 23-06-2010 03:20 PM

يا باشا قطع غيار الابيزا مش غالية ولا حاجة بس اللى يقولك غاليه شوف هو بيقارنها باية تمام غير كدة ان قطع الغيار معمرة والعربية واسعة من جوة جدا (صالون واسع) غير كدة العربية ثبات على الطريق مع السرعات العالية 140 و ال 160 واسال فى قسم السيات والله عن تجربة انا كانت معايا ال 94 وبعتها لظروف وان شاء الله هجيب ابيزا تانى بس لما الظروف تتحسن ان شاء الله

**golf2010** · 23-06-2010 10:58 PM

انا كنت بقرا الخيارات واول ما قريت اسم إبيزا وقفت ومكملتش, وقولت هكتبلك ابيزا اكيد, امان وراحة وثبات وجراية وقطع الغيار معقولة مش غالية, وسعر اعادة البيع مش هتخسرك فيه كتير زي الباقي

**supermorsy** · 23-06-2010 11:47 PM

اولا شكر جدا يا شباب
ثانيا دلوقت المشكله ان العربيه أنا اللي هصرف عليها و انا أصلا لسه في كليه فا بحاول أنقي أرخص حاجه في قطع الغيار و الابيزا طبعا لاجدال عليها بس انا سمعت ان كل اللي في السوق وحش لانها أستخدام شبابي يعني جري و فحت و ردم و كده و انا مش بفهم كويس في العربيات :d
و معلش بقي سؤال هوا أيه أحسن موديل للابيزا علشان مره سمعت أنه ال 94 علشان 1400 سي سي و مره سمعت أنه ال 98 رغم أنه 1000 سي سي بس و ده ميستحملنيش
ثالثا بقي و الاهم دلوقت انا أصلا مش عارف أشتري عربيه منييييين هل من سوق العاشر ولا منين بالظبط و لو حد نازل السوق ينفع مثلا أقابله و أنزل معاه يبقي خد فيا ثواب
شكرا يا شباب انا هروح أصيع بقي شويه بما انه أول يوم في أجازتي :d

**amrseba** · 24-06-2010 12:53 AM

اولا بلاش تشترى من السوق كلهم حراميه وتجار والعربيات بتكون طالع عين ابوها ويلمهالك ويبعهالك غالى جدا ومتشتريش من تاجر خد واحد تثق فيه وكويس وبيفهم فى العربيات وخده وشوف اى عربيه فى النت النت فى عربيات كويسه جدا جدا بس بردوه خلى بالك ولازم ترفع العربيه وتعمل شغل وانسب عربيه ليك دلوقتى الشاهين هيا الوحيده الى تستحمل ولو عايز عربيه بكماليات يبقى الدوجان وتحياتى لحضرتك سيبك من السوق كله حررااااميه ونصابيين بيودو العربيات لميكانيكى يروقها ويلصملك كل حاجه تقعد معاك اسبوع وتلاقى فتحه ما بعدها فتحه تبقى حاجه سودا

**gazzar91** · 24-06-2010 03:46 AM

المشاركة الأصلية كتبت بواسطة supermorsy

سلام عليكم
ارجوكم يا أهل الخبره تساعدوني ضروري علشان خلاص هطق
دلوقت انا الحاجه وعداني بعربيه بقالها سنتين و أخيييييييييييييييييرا رضيت عني و ناويها تنفذ وعدها
المشكله انها حاطالي ميزانيه غريبه 30.000 و انا هتجنن مش عارف أجيب أيه مناسب بيهم
أنا بقالي 5 شهور بالف و توصلت لحاجه من دول و انا هكتبهم بالترتيب اللي انا بأفضلهم بيه
1-سيات أبيزا 95
2- سكودا فليتشيا 98
3-هيوانداي أكسيل 1500 لو لاقيتها ب 30
و أخيرا و ليس أخرا الشاهين
و الصراحه انا ليا شويه مواصفات
1- العربيه تكون جرايه نوعا ما
2-تستحمل أوزان لأني ما شاء الله طول بعرض و كل أصحابي دولايب
3-الصيانه حونينه لاني انا اللي هصرف عليها و انا لسه في كليه (للاسف هندسه

)
4- العربيه تستحمل سفر
و بس خلاص كده
أرجو يا شباب أنكم تردو عليا سريعا سريعا لأني خلاص هخلص أمتحانات يوم الاربعاء أن شاء الله
أدعولي بقي :d:d:d

أنصحك بالسيات و إبقى ظبط نفسك إستيراد .. مش موال يعني..
السكودا نفس مشكلة قطع الغيار مع الإبيزا للأسف علشان فولكس فاجن جروب.. بس الإبيزا أكيد أحسن...
الأكسيل ماتنفعش شاب لأن أنا كنت راكبها مع واحد صاحبي جراي شوية... مراجيييييح!! (آسف لملاكها بس دي من على لسانه و أنا حسيتها)
الشاهين على قد ما قطع غيارها رخيصة .. مشاكلها كتييييير و مهما تصرف مايبانش عليها.. و قطع غيارها اللي ساعات ناس بتشوفها ميزة كلها مضروبة... و عايش معاها مأساة أنا و واحد صاحبي..

بالنسبة لموضوع الأوزان ده فالشاهين عفشتها بتهبط قوي هي و الأكسيل و شفتهم كذا مرة في الشارع و غير إني عايش مع الشاهين..

والله أعلم...

أرجو إني أكون أفدتك... ربنا يوفقك و تخلص على خير إن شاء الله... و إدعيلي أنا كمان هاخلص يوم الأحد...
في رعاية الله..

**ahmedbibo** · 24-06-2010 04:57 AM

كلامك صح يا جزار اسمك بقى بظبط السيات افضل واحسنهم

فعلا الاكسيل مراجيح العيييييييييد

**gazzar91** · 24-06-2010 05:00 AM

المشاركة الأصلية كتبت بواسطة ahmedbibo

كلامك صح يا جزار اسمك بقى بظبط السيات افضل واحسنهم

فعلا الاكسيل مراجيح العيييييييييد

على فكرة.... نسي أقولك إن العبد الفقير إلى الله فهندسة برضه و شايف المر زيك

في رعاية الله..

**supermorsy** · 24-06-2010 10:29 AM

المشاركة الأصلية كتبت بواسطة gazzar91

على فكرة.... نسي أقولك إن العبد الفقير إلى الله فهندسة برضه و شايف المر زيك

في رعاية الله..

الله يكرمك يا باشا و أديك طلعت رفيق كفاح أهه

الموضوع: Sos طلب مساعدة في اختيار سيارة

LinkBack

أدوات الموضوع

عرض

-

-

-

-

-

المواضيع المتشابهه

مساعدة في اختيار سيارة

مساعدة فى اختيار اختيار لاب توب " Toshiba , HP "

مساعدة في اختيار سيارة

أي اللونين تفضل ((مساعدة في اختيار لون سيارة))

مساعدة في اختيار سيارة شبابية اوربية : ]

الكلمات الدلالية لهذا الموضوع

المفضلات

المفضلات

ضوابط المشاركة