الموضوع: يعنى ينفع منعملش ولا مقابله لحد دلوقت .. دعوة للاول مقابله ((:

المشاركة الأصلية كتبت بواسطة abogogo

الجماعة الماروتية اخوكم فاضي الجمعة بس المشكلة زئرده بعافية شوية ومأنتخة في الجراج ومستني الدكتور بتعها جاي من السفر الاسبوع القادم عشان يشفها ويعلجها واعرف اعيد بيها ..... وانا ساكن في جسر السويس اروح المقابلة دي بالمواصلات ازي عشان بجد نفسي اقابل الناس الحلوة دي ... ومعاكم بأذن الله
اخوكم احمد ابو جنة 0114604407
صفحتي على الفيس بوك
http://www.facebook.com/#!/profile.php?id=100000992289592

بص يا باشا جسر السويس
لو قريب من الف مسكن اركب لمحطه المترو و انزل محطه الجيزه او فيصل و صرف نفسك
كمان ممكن تركب من ع جسر السويس 990 بيروح ميدان الجيزه ع طول
كمان ممكن تركب رمسيس و تركب مترو من رمسيس
او ميكروباص الهرم من رمسيس
او ميكروباص منيب دائري من الموقف جوا و تنزل قبل النفق
في مليون سكه الصراحه
ممكن تركب للعباسيه و من العباسيه تركب 996 او 200 ميني باص او 803 و تنزل ميدان الجيزه و تركب فيصل برده 12 من ميدان الجيزه

ممكن اللي ساكن ف النزهه عند المطار تروحله و تيجي معاه اظن النزهه اقربلك و بالمره تسلوا بعض ف الطريق

يعني هتركب ميني باص 16 هيوديك ع المطار ياخدك و يجي بيك ع الدائري و ربنا يحفظ طريقكم

1-الف مبروك على الرخصة
2- الطريق سهل للى جاى من شارع فيصل يدخل شارع النفق بعد ما يعدى ترعة المريوطية و يفضل ماشى على طول لحد ما يلاقى اليوترن و يلف و يلاقينا عند المدرسة و من العلامات الواضحة انه سيجد سيارات ماروتى واقفة فى المكان
3- اللى ميعرفش و خايف يمشى غلط او يتوه يستنى عند اول النفق و يتصل بيا و انا اجيله اخدة من مكامنه
4- اللى جاى من المنصورة من الطريق الزراعى يركب الدائرى من الطريق الزراعى اول فتحه اللى رايحه اتجاه الهرم و ميدان لبنان و الوراق و يفضل ماى فى الطريق هيقابله الوراق يكمل و يخلى باله هيلاقى على اليمين حادثة عربية لوجان كل اللى فاضل منها الشنطة
و يكمل و لما يعدى الطوابق و علامتها كنيسة كبيرة على اليمين و هيلاقى ماذنة مسجد عالية فى وش الطريق و هيلاقى الطلعة بتاعة كوبرى المريوطية و هى مشابهه لطلعة صفط اللبن اللى هيلاقيها فى سكته و هوه جاى
ما يدخلش يمين طلعة المريوطية و يفضل فى النص و يهدى اوى علشان المطب اللى هيتفاجىء به و هو عبارة عن حديدة عالية من الكوبرى و بعد ما يخبط فيها يدخل يمين و ينزل منزل المريوطية اللى هيلاقيه على يمينه و يفضل ماشى على طول على ترعة المريوطية و بعدين يلف و يرجع تانى و يمشى مع العربيات لحد ما يلاقى العربيات بتدخل يمين يمشى وراها و ما يطلعش على طول و لا يطلع طلعة الدائرى اللى هيلاقى عندها اطنان من التراب
يفضل ماشى معاهم و لما يعدى فوق المطب الصناعى يدخل شمال مع العربيات و يكمل معاهم من تحت الكوبرى و لما يدخلوا يمين يدخل معاهم و يفضل ماشى على طول لحد ما يلاقى مطبين صناعيين جامدين عندهم هيلاقى مدرسة علوى و يلاقينا واقفين
5- اللى جاى مواصلات يركب لرمسيس و من رمسيس ياخد مترو الانفاق لحد محطة المنيب و هناك هينزل و يمشى شوية صغيرين ناحية اتجاه شارع البحر الاعظم و بالظبط فى اتجاه مطلع الدائرى و بعدين هيلاقى ميكروباصات الهرم و ممكن يسال الناس فين ميكروباصات الهرم الدائرى
يركب الميكروباص ب 75 قرش و يقوله نزلنى شارع الملك فيصل فوق النفق و يعدى شارع فيصل الناحية التانية و يتصل بينا ناتى لاخذه

6- اللى يلاقى نفسة مش عارف يوصل او يمشى ازاى يتصل بيا او يفتح جوجل و يشوف الطريق
و هوه فعلا المكان صعب شوية و زى ما كنت قلت زمان ان كارفور احسن و اسهل و معروف للجميع بس الظروف حكمت بالمكان دة لانه ملموم شوية و فيه حركة و نشاط
و ممكن فى المقابلة دى نتفق على مكان المقابلة الجاية تكون فين


7- تليفونى
0119449863
ايمن حنفى

يا جماعة دى هتبقى المقابلة التاريخية الاولى للماروتى للمنتدى و جميع المنتديات لم تقم بعمل مقابلة للماروتى من قبل و هكذا ستكون المقابلة التاريخية الاولى للماروتى لمنتدى نايل مويورز و بكدة المنتدى سابق لجميع المنتديات للماروتى

ها يا جماعه
النهارده ان شاء الله اكيد