الموضوع: تم اضافة هاك التنبيه في حالة رفع مواضيع قديمة

شكرا للإدارة
بس هو حد الموضوعات القديمة ايه يعني من كام شهر

بصراحة انا ضد الفكرة دى...لان فى مواضيع قديمة ومفيدة جدا وكل رد من اى حد من الاعضاء ممكن يزود معلومة ومافيش ضرر من كدة
انا اول حاجة بعملها اول مابدخل موضوع ببص على التاريخ قبل اسم العضو اللى كاتبه....انا مش شايف فيها ضرر لو موضوع قديم اتفتح...حتى لو الموضوع مش مهم ممكن نلاقى ردود الاعضاء مفيدة...ارجو تقبل الرأى
وفقكم الله

المشاركة الأصلية كتبت بواسطة mody_elmoshax

لان فى مواضيع قديمة ومفيدة جدا وكل رد من اى حد من الاعضاء ممكن يزود معلومة ومافيش ضرر من كدة

ماهو طالما كده مفيش مشاكل بل بالعكس الفايدة تزيد
لكن المشكلة في مشاركات من عينة (مشكووور-الله يعطيك العافية-....) وفي مشاركات البيع والشراء تلاقي الموضوع من فترة طويلة والحاجة اتباعت وواحد داخل يقول (طب والسعر النهائي كام - وياريت الصور يا باشا....) وأشياء من هذا القبيل
في أحد الموضوعات من كام يوم رفعها أحد الأعضاء ليقول فقط أن ضباط أمن الدولة كويسين وضباط المباحث العامة مش كويسين تعليقا على أحد المشاركات في الموضوع الذي توقفت التعليقات عليه منذ أكثر من عام

المشاركة الأصلية كتبت بواسطة بحري

ماهو طالما كده مفيش مشاكل بل بالعكس الفايدة تزيد
لكن المشكلة في مشاركات من عينة (مشكووور-الله يعطيك العافية-....) وفي مشاركات البيع والشراء تلاقي الموضوع من فترة طويلة والحاجة اتباعت وواحد داخل يقول (طب والسعر النهائي كام - وياريت الصور يا باشا....) وأشياء من هذا القبيل
في أحد الموضوعات من كام يوم رفعها أحد الأعضاء ليقول فقط أن ضباط أمن الدولة كويسين وضباط المباحث العامة مش كويسين تعليقا على أحد المشاركات في الموضوع الذي توقفت التعليقات عليه منذ أكثر من عام

ههههههه ايوة فعلا بيحصل بس ممكن نقول ان ده دور الادارة....يعنى يعملوا قاعدة جديدة تسمح ليهم انهم يمسحوا الردود دى مثلا....وكمان لا ظباط امن الدولة كويسين ولا ظباط المباحث كويسين تعليقا على المشاركة فى الموضوع المتوقف من سنة
اى حاجة من نايل موتورز حلوة ...من نجاح الى نجاح ان شاء الله