الصني و استهلاك البنزين و مشكله التكييف

**salma2001** · 22-06-2010 01:22 PM

مش عارف المشكله الخاصة بزيادة استهلاك البنزين دي حلها ايه كل الناس بتشتكي منها و ماحدش لقالها اي حل لغاية دلوقتي و انا بافكر اجيب صني اي اكس بس متردد جدا لان البنزين هايغلي من اول يوليو و خايف انها تصرف كتير و خصوصا اني شغلي فيه سفر كتير
المشكله التانية حكاية المكيف اللي بيفصل لما العربية بتكون واقفه في الحر لمده اكتر من 10 دقايق كتير من الاعضاء اشتكوا من المشكله دي و برضه مافيش حل يا ريت حد يقولي هي دي مشكله عامة في كل العربيات النيسان و لا حالات فردية
افيدوني قبل مل تقع الفاس في الراس و اتورط

**Bishoy.Girgis** · 22-06-2010 08:33 PM

بص يا سالمة انا هؤليك علي حاجه تاخديها في الاعتبار .
مفيش أله او عربية او اي حاجه تطلع من المصنع زي بعضها بنسبة 100% .
يعني مش كل العربيات اللي بيطلع من المصنع بيبقي تقفيلها 100% و ممكن عربية تطلع احسن تقفيل و تربيط و كل حاجه فيها تمام التمام و ده بيبقي بسبب خط التشغيل .
انما شراء نيسان صني ميخوفش و احنا في مجموعة مش ساكتين في موضوع استهلاك البنزين و انشاء الله هنلاقي حل قريب اوي اوي اوي و متخافيش البنزين مش هيغلي ولا حاجه خالص و بالنسبة لموضوع التكييف ديه مشاكل فردية .. العربية معايا من سنة و نص تقريبا و الحمدلله محصلش اي مشكلة للتكييف حتي الآن .
احسن حاجه في النيسان هي الخدمة مابعد البيع يعني حتي لو العربية فيها ايه هتلاقي مركز الصيانة تحت امرك و ناس محترمين جدا جدا و انشاء الله لما تشتري العربية هنرشحلك افضل مركز فيهم و مش هتلاقي مشاكل خالص خالص
و علي العموم حضرتك معزومة انتي و اصحابك او اقربائك في حضور مقابلة نيسان يوم 2/7/2010 في قرية الشموسة بفايد و ممكن يتزودلك معلومات كتيرة اوي عن العربية لأن هيكون معانا مهندسين من التوكيل و ناس خبرة في مجموعة سيارات نيسان و لينك المقابلة تحت صورة عربيتي في التوقيع
و اهلا بحضرتك عضوة جديدة في قسم نيسان

**م.محمد علاء** · 24-06-2010 09:46 PM

على فكره يا أستاذ بيشوي ..كتعليقا لكلام حضرتك على إستهلاك البنزين...
أسلوب السواقه هو اللي بيفرق جااامد جدا...
أنا لو مش معايا بنزين..و بكون راجع من طنطا....بحترم نفسي فى السواقه....و دواسة البنزين بضغط عليها واحده واحده...ومش بعمل كيك ....و مش بحاول أكبس بنزين.ر..أروح طنطا و آجي بحوالي سته أو سبع لتر.حوالي ستين كيلو..
ده وصلت لدرحة إن واحد صاحبي ماشاء الله عليه فى خبرة السواقه..لما ساق العربيه ولا حظ معدل البنزين..
و كان ماشي على مهله...قالي ماشاء الله...عربيتك مش بتسحب بنزيين !!!!!!!!!!!!!!
ودي كانت مقوله غريبه للصني..
على فكره..أو نخليها لما نتقابل إن شاء الله

**Bishoy.Girgis** · 24-06-2010 11:07 PM

باشمهندس محمد حضرتك انا عربيتي بتعمل 7.30 كيلو في اللتر . شوفت بقي !!
و علي فكرة المعدل ده علي الهادي و علي كذا تفويلة و انا ورا التوكيل لغاية ما يظبط الموضوع ده و علي فكرة هما متابعين معايا بالفعل لغاية ما الموضوع ده يبقي تمام

**Moh_Tawab** · 27-06-2010 10:48 AM

فعلا العربيه استهلاكها عالى جدا - انا حاولت كتير اسوق على الهادى - بس استهلاكها بيكون عالى - يعنى المشكله فى العربيه مش فى اسلوب السوقه فقط - ممكن يكون فى شكلاها او فى محركها - لو كانت فى شكلاها يبقى استحاله تتغير (معلومه انا مهندس طيران تحصيص ايرو دينامك) - ولو كانت فى محركها ممكن عن طريق تغير السوفت وير بتاع العربيه يقلل الاستهلاك ( معلومه تانيه انا بشتغل فى الشركه الفرنسيه التى تبرمج النسيان )