-
إحساس غريب
أنا كنت بعمل صيانة 10000 لعربيتى sx4 فى مركز صيانة الأسكندرية وكل حاجة زى الفل وسلمت العربية وطلبت أستلمها متأخر علشان عندى ظروف سفر ومش عارف راجع أمتة المهم المهندس طلب منى أقول الكلام دة لمدير مركز الصيانة وهو على ما أعتقد أسمة أيمن لقيته بيكلم معايا وبيعاملنى بطريقة رخمة جدآ كأنى شغال عندة أو بشحت منة وبيرد ردود مقتضبة جدأ كأنة قرفان منى أنا أتخنقت بصراحة بس خفت أرد علية يعمل حاجة فى العربية وعلى فكرة شكل الناس كلها مخنوقه منة فى التوكيل
-
بالرغم إني -إن شاء الله- هبقى مهندس سيارات بعد كام سنة....أحب أقولك... إن معظم المهندسين في التوكيلات عالم زبااااااااااااااااااااالة !!!!
أنا مسئول عن الكلام ده!!!
و مش عاوز أجرح في زمايلي أكتر من كده... بس حاول تاخد حذرك في التعامل معاهم و تبقى عارف كويس اللي ليك و اللي عليك...
في رعاية الله....
-
يا باشا ماتدقش معظم مهندسين الصيانه اللي اتعاملت معاهم فيهم نفس الصفه دي تحس انه مش طايقك ولا طايق نفسه وده اللي شوفته في توكيل ابو رواش لكن الصراحه اتعاملت مع مدير الصيانه ونائب مدير الصيانه هناك كانو محترمين ومتعاونين
المهم اخبار الsx4 معاك ايه ؟؟؟
انا حاليا عامل 15000 كم و ليا ملاحظتين كده عايز اسالك فيهم
فيه صوت تخبيط كده طالع من قدام عاليمين هل الصوت ده عندك ؟؟؟ لما سالت عليه قالولي ده عشان علبة الدريكسيون كهريا والصوت ده في كل ال sx4 عادي
تاني حاجه بس لسه ماسالتش التوكيل فيها ... حضرتك خدت بالك الفتيس بينقل كام مره ؟ ( هو المفروض اربع سرعات يعني بينقل 3 مرات ) لكن عندي من خلال ملاحظة حركة الrpm بلاقيه بينقل 4 مرات !!! يا ريت حضرتك تركز مع النقلات كده وصوت الخبط اللي بقولك عليه وتقولي رايك عشان اروح اتخانق معاهم في التوكيل بقلب جامد
وربنا يباركلك في العربيه واي خدمه او استفسار تحت امرك
Content Relevant URLs by
vBSEO 3.6.0 PL2