حزارى من التوكيل ( منصور ) عند صيانة تكيف الافيو
الاخوة الافاضل
حبيت بس احكى عن تجربتى مع التوكيل فى صيانى التكيف ( عربية افيو 2009 ) حتى لا يقع احدكم فى فخ التوكيل و يلف حوليين نفسة زى ما حصلى
رحت للكيلو 4.5 علشان التكيف ضعيف - كنت هناك الساعة 8 و نص و كنت اول عربية جة المهندس المحترم و عملى امر الشغل و ركن العربية فى صف عربيات على جنب - اية يا سيدى ؟ - قالى اصل فية زحمة و فى عربيات بايتة كتير
قولت ماشى - المهم العربية دخلت الساعة كام بقى - الساعة 2 و بالعراك لما رصدت كذا عربية بعدى دخلت الورشة
المهم العربية طلعت الساعة 4 - تمام يا سيدى ؟ - تمام يا فندم
اخد العربية طبعا التكييف زى ما هوة بس حترجع لميين - الساعة 4 و نص خلاص - شطبنا
و ركنت العربية عند البيت و سافرت
ارجع و امش بالعربية الاقى الكمبريسور و انا فى الاشارات بيفصل عملها كام مرة و فى يوم راجع من الشغل فى اشارة راح فاصل و حلف براس ابوة ما هوة شغال و اسمعة كل ما ييجى يقوم يروح فاصل
رحت لواحد بتاع تكييف فى مصر الجديدة بعد مداولات و تمحيص لانكم عارفيين ان الضميير شاحح اليوميين دول و الموجود عندنا دلوقت صينى - المهم الباشا كشف و قالى مشحون زيادة و كان بيفصل safety و انا طبعا قرفان من الفريون الى مشحون فيها من الاول لان اداءة زبالة فقلتلة فضيها و اشحنة من جديد
الحمد لله العربية رجعت زى الاول و التكييف كفائتة اتحسنت بس طبعا مش قوى لان انا اكتشفت من سوءال الناس الى معاها الافيو و انا فى الصيانة انة تكييف زبالة و مينفعش تمشى بية فى الحر دة الا على درجة 4 - فقولت مش انا بس يعنى
انا حبييت بس احكى التفاصيل علشان متقعوش فى المطب دة زيى
و حسبى الله فى منصور - لضيع الوقت و الجهد و المال
و شكرا يا أبو أسر على النصيحة