السلام عليكم ورحمة الله
ما هى افضل سيارة تستخدام داخل البلد بـ 15 الف ؟ بعيدا عن 127
وما اهم الاشياء المطلوب تغييرها بشكل ضروي بعد الشراء لكفاءة عمل السيارة ؟
فى انتظار اقترحاتكم .
عرض للطباعة
السلام عليكم ورحمة الله
ما هى افضل سيارة تستخدام داخل البلد بـ 15 الف ؟ بعيدا عن 127
وما اهم الاشياء المطلوب تغييرها بشكل ضروي بعد الشراء لكفاءة عمل السيارة ؟
فى انتظار اقترحاتكم .
مافيش عربيه بي 15 الف غير 3 عربيات وانتا رافض من واحده
128 و 127 والريتمو ومنصحكش بي الريتمو لي ان الشاسيه بتعها بيفتح ومتاجه حورات فابلاش منها خاليك في 128 او ال127
اللادا 2105 موديل التمانينات برضه بتتكلم فى 15 الف
و الله اعلم
دي عربيه عايزه أتنين يمسكه الدركسيون ويسوقوها وكمان عربيه الكرونه والفتيس بتوعها فيها خشونهاقتباس:
المشاركة الأصلية كتبت بواسطة islam_shady
وكمان بتسخن بسرعه
مشكورين اخوانى وجزاكم الله كل خير جميعا وكل من قام بالرد على مشاركتى .
اخبرنى احد الاصدقاء بوجود سيارة 132 بنفس المبلغ فماذا تعتقدون ؟ فشكوك بدءت تساورنى اتجاهة واتجاه السيارة
لو زودت 2 او 3 الاف جنيها ممكن تجيب 131 عربية جميلة جدا
خد بالك ال 132 عربيه تقيله في بيعها ومش مرغوب فيهااقتباس:
المشاركة الأصلية كتبت بواسطة nicegypt
وانا رائي من رائي faron525 زود علي المبلغ الي معاك 3 او 4 ودورلك احسن علي 31
للاسف مش لاقى 131 وقطع غيارها نادرة على حسب كلام مالكها .
اية اهم الحاجات الواجب فحصها بخلاف الشاسية والقوايم والشنطة وغيرة
وجزاكم الله كل خير
اهم شيئ عند الشراء تراعي الاتي لي ان الحجات دي بتزود ثمن العربيه وبتقللهااقتباس:
المشاركة الأصلية كتبت بواسطة nicegypt
حوض السياره
القوايم
السقف
الشنطه
حاله الماتور
عفشه السياره
الكرونه او الكبالم وخالي بالك منهم يعني تطلع وتجرب وبي الاخص لو العربيه كبالم لزم تاخد بالك في السحب
تهتم بي حاجه السياره الكوريك والاستبن
وهل العجل لسه جديد ولا طلعان عينه
تبص علي صالون العربيه من الداخل تقيم حالته
وتشوف السياره من بره محتاجه دوكو ولا لأ لو متاجه هتقلل في الثمن
نيجي بقا لي الكماليات الي بتزود من سعر العربيه برضه
يعني كست وسمعات حالتهم حلوه ونظاف مركه يعني
جنوط
جهاز زينون وليس لمبه زينون
زجاج كهرباء
تكيف
الحجات دي بتعلي برضه سعر العربيه بس مش هتعليها كتير يعني بي الميت الفين زياده لي انهم استعملو برضه من نحيته قبل كده
وربنا يوفقق
الماروتي
ممتازه
تحياتي
فى البداية اخص الشكر للاستاذ " wassof "
على شرحة الوافي واشكر كل من قام بالرد بسرعة لم اتخيلها
فيوضح هذا روعة المنتدى ونجاحة كأفضل موقع متخصص
اتمنى عدم ازعاجكم بسؤال اضافي :
قمت بفحص سيارة 128 وتبين ان الشاسية سليم علماَ ان صاحب السيارة اخبرنى بأمانتة ان السيارة مفتوحة شاسية
وتم عمل قطعية كاملة مع طقم علب لدى احد الاشخاص الجيدين فى الحرافيين واخبرنى بعدم اخبار الميكانيكى بذلك كأختبار لة
واخبرنى الميكانيكى ان السيارة فعلا تمام وفبريقة وشاسية سليم وهنا قفز صاحب السيارة الامين واخبرة بما فعلة بالسيارة وانها مفتوحة شاسية
وطبعا لم اخذ السيارة فقد ذهبت فقط للاختبار الميكانيكى . فما رأيكم بذلك وماهى طرق اخفاء او اصلاح الشاسية بحيث ان لا يكون مبهماَ او كيف اعلم ذلك بالنظر ؟ فأفيدونى
دا رد كنت كاتبه فى موضوع تانى برضة فيه أسعار السيارات إلى ب15 ألف جنيه
اقتباس:
كلها من أعلانات على النت يعنى برضة الواقع أرخص حاجات بسيطة جدا و كله حسب الحاله طبعا
سيتروين ax موديل 1994 كانت بـ16 ألف جنيه (ممكن تزيد ألفين كمان بس أكتر من كدة حرام)
فيات 132 الـ1600 سى سى بتعمل من أول 9 ألاف لحد 12 ألف (لو زادت عن كدة سيبه و أمشى)
بيجو 305 بتعمل من 9 ألاف جنيه إلى 11 ألف جنيه بس دفع أمامى (لو زود عن كدة بلغ البوليس عنه)
جولف رابيت موديل 1975 بتعمل حوالى 14 ألف جنيه (كميكانيكا كويسة لكن حجم صغيرة شوية)
فيات 128 ممكن موديلات أوائل التمانينات تعمل فى حدود 14 أو 15 ألف
و الأسعار دى من أعلانات على مصراوى و كونتاكت كار و سوقك و كاردير
و لو تستنى على الشتا هتلاقى الأسعار رخصت (الكلام دة أتقالى من تجار بس طبعا مستريحتش لطريقتهم ولا كلامهم)
متحولش تتكلم فى 132 علشان مزعلكش:_Alshmokh08[1]:اقتباس:
المشاركة الأصلية كتبت بواسطة wassof
:36_3_10[1]::36_3_10[1]:اقتباس:
المشاركة الأصلية كتبت بواسطة x100
اصلها العربيه دي كانت معنا ومع وحد كمان معرفه ومش عايز اقولك العربيه دي غلبتنا قد ايه :majd(4):
وعربيه ظلطه :Zb_sor1[1]: دي جميله:shine[1]: بس بجد هيا مش مرغوب فيها فعلآ في السوق
يعني نزل 3عربيات جمب بعض في السوق 128 و 131 و132
واتفرج اني الي هتباع بسرعه
1- 128
2-131
اسرع عربيتن في البيع والشراء
اما بي النسبه لي ال132 :star1:علشان :khd:
:36_3_10[1]::36_3_10[1]:
ابعد عن الستروين نصيحه لي وجه الله والله ابعد عن الستروين ملهاش قطع غيار هنا نهائي وملهاش ميكانيكي متخصص
وهتطر تتعامل مع اي ميكانيكي
وابعد برضه عن الجولف ربت دي بقاله قرن شغاله علي الطريق يعني يعني عربيه هلكانه
نصيحه مني حوش فلوسك حاليآ لغايه لما تشوف البنزين هيغلي ازاي والزيت كمان هيغلي 15% كمان فا اصبر لي ان مدام في غلو في المواد البتروليه ممكن ممكن والله اعلم ممكن ينزله شويه في اسعار السيارات
سمعت الكلام دة قبل كدة من كذا تاجر قال بالنص كدةاقتباس:
المشاركة الأصلية كتبت بواسطة wassof
البنزين لما هيغلى العربيات كلها سعرها هيقل بالـ3 ألاف جنيه + أحنا فى صيف
يعنى فى الشتا كمان الأسعار بتقل حوالى ألفين جنيه
الكلام دة من تجـــــــــار لكنى مستريحتلهمش عشان كدة متعاملتش معاهم لكن كلامهم ثقة 100%
انا برضه سمعت الموضوع ده من ناس كتيراقتباس:
المشاركة الأصلية كتبت بواسطة ama
وكمان سمعت ان الجمارك هتنزل
ويامسهل احنا نطول ان العربيات ترخص
اصل معلش بقت العربيه ملهاش اي ميزه
يعني الي بيجب عربيه علشان يوفر مثلآ تمن الموصلات
لكن العكس بقا صحيح العربيه غاليه + غلو في قطع الغيار + غلو في البنزين 25% + غلو في زيت السيارة15%
يعني من الاخر لزم السوق ينزل من اسعار العربيات علشان يقدره يبعه علشان لو فضل يغلي العربيه والاشياء الثانيه دي غاليه محدش هيقدر يركب عربيه وكل الي هيفكر يركب عربيه هيفكر مليون مرة وفي المليون مره عقله هيقوله بلاش هتصرف منين بنزين وزيت بيتغير كل 1000 كيلو وبنزين بيخلاص في الوقفه في إشارات المرور ولا قطع الغيار الي مابيحكمهاش سوق ولا المخلفات ولا التجديد من الاخر التجار لزم ترخص علشان
تقدر تبيع لكن لو هتغلي هما كمان هيخسره
بيجو 205 فى حدود 15 الف و انسى اى عربية تانية
بس هاتها بعد موديل 87 او انها يكون ماتورها الماتور الاسود مش الماتور النايم
معرفش بيجو 205 تاهت من بالى أزاى :majd(4):اقتباس:
المشاركة الأصلية كتبت بواسطة atamim
بس كان عندى أستفسار بعد إذن صاحب الموضوع و بعد إذنك
أيةالفرق بين الماتور الأسود والماتور النايم ؟
زود وهات 131 مش هتندم
عائلية
عملية
متينة
موفرة
قطع غيار جديدة واستيراد (مستعملة) موجودة في اي مكان وفي المتناول
فعلا يا استاذ احمد الـ 31 ممتازة
احب اعرفكم انى زود المبلغ " حبتين " مش حبة واحدة
وجبت ريجاتا اية رأيكم ؟
وليا سؤال بخصوص التسجيل ونقل الملكية. ونفس السؤال سألتة فى منتدى اخر لانى فعلا حيران ولهدف انى بجمع اراء
هبدء بسؤال واحد فقط حاليا :
اولا . البائع الذى قمت بشراء السيارة منة معة عقد مسجل
ثانيا . الرخصة سارية لمدة 11 شهر بأسم صاحب السيارة الاولى البائع للبائع الحالى الذى قمت بشراء السيارة منة
اي ان البائع الحالى معة عقد مسجل ورخصة سارية ولم يقم بتسجيل الرخصة بأسمة لان الرخصة سارية ومعة عقد تسجيل فقط مسجل
سوف نقوم بالذهاب للشهر العقاري لعمل عقد مسجل بأسمى لتسجيل السيارة
سؤالى :
اخبرنى البائع بأنة لم يقم بالامضاء كمشتري فى عقد التسجيل الخاص بة ويطلب منى عدم الامضاء كمشتري على العقد المسجل الذى سنقوم بعملة بعد يومين واخبرنى بأن ذلك من اجل الاستفادة بمدة الرخصة فأفيدونى هل هذا صحيح وهل اقوم مثلة بعدم الامضاء كمشتري فى عقد التسجيل ويكتفي فقط بكتابة اسم البائع والمشتري وارقام البطاقات وتسجيلها فى الشهر العقاري دون الامضاء كمشتري ؟ وهل هذا يمكننى من الحصول على شهادة مخالفات بعد تسجيلي للسيارة بأسمى ؟
يرجى من المشرفين اغلاق الموضوع
للبدء فى عمل موضوع اخر لعرض سؤالى واشكر جميع من ساعدونى ولم يبخلوا علي بالرد
جزى الله الجميع بكل خير .