ميزة أمان أو عيب في السيراتو....؟؟؟؟
سلام يا جماعة
انهارده حصل معايا حاجة غريبة
انزلت من البيت الضهر الساعة واحدة تقريبا الحرارة 36 و طبعا السيارة سخنة لو انها مش في الشمس
شغلت و فتحت التكييف عالاخر و فتحت الازاز دقيقة واحدة و سكرتو تاني
و خرجت من العربية و سبتها دايرة و التكييف عالاخر.
طبعا لما تقفل الباب و المفتاح معاك برة العربية تصفر خمس ثواني (ما رديتش عليها )
و تركتها كده تقريبا 8 دقايق او اقل شوية قلت هتكون سقعت الفترة دي
ركبت و فعلا كانت باردة شوية خففت التكييف عالـ22 و المفاجأة لما جيت امشي لقيت الدركسيون قافل و الموتور داير...؟؟؟!!!!
انا خفت ليكون في مشكلة او ضارب بالرصيف نزلت اشوف ,
و لا حاجة من ده
طفيت الموتور و رديت شغلت رجع كل شئ طبيعي
يا ترى دي مشكلة في العربية و لازم تتشيك أو ميزة أمان في كل السيراتو
ايه رأيكو...؟؟؟؟