انا عمال اسمع عنه حاجات كتير
ان ما بقاش في تحويلات
وان خلص منه 60%
وانه بقي غير محدد السرعة
انا مسافر بكره ان شاء الله
يعني خلاص انطلق واطلق العنان للعربية ولا ايه
ولا الاقي واحد بيقولي مخالفة رادار ؟؟
ياريت لو حد سافر قريب يقولنا
عرض للطباعة
انا عمال اسمع عنه حاجات كتير
ان ما بقاش في تحويلات
وان خلص منه 60%
وانه بقي غير محدد السرعة
انا مسافر بكره ان شاء الله
يعني خلاص انطلق واطلق العنان للعربية ولا ايه
ولا الاقي واحد بيقولي مخالفة رادار ؟؟
ياريت لو حد سافر قريب يقولنا
ازاي مبقاش محدد السرعات
ياباشا انا بسافر كل يوم جمعة
مرات الاقي حوالي 7-8 رادارات وانا رايح
واوقات الاقي 2-3 بس
الخلاصة التزم السرعة والموضوع مش محتاج
لانك من اول لما تطلع من البوابات لحد لما توصل بالسلامة ان شاء الله مش هتلاقي ولا تحويل والطريق كويس الى حد ما
الطريق هياخد معاك ساعتين
انصحك بعد الجري لانك فجأة واحدة وبدون ماتتوقع هتلاقي نفسك ممسوك راداد
على فكرة انا شفت ميكروباصات ممسوكة رادار
وانا وقعت في رادار على بوابات اسكندرية وانا جاي من القاهرة وزي الباشا دفعت ال 150 جندي
من اول ما يكون فاضلك 90 كيلو على اسكندريه انصحك بعدم تخطى السرعه المقرره عشان حتلاقى حوالى 3 رادارات .. افضل حاجه تسافر الساعه مثلا 6 7 الصبح مش حتلاقى حاجه عالطريق خالص .. وخلى باااااااااااااااااااالك عشان الطريق حيغرك جااااااااااااامد حاول تتحكم فى اعصابك ودوساتك ههههههههه
توصل بالسلامه وحتنور اسكندريه يا معلم >> ايوووووووووووه هههههه
فعلا أنا سافرت الاسكندرية يوم الاحد الصبح و لسه راجع أمبارح بالليل
كل التحويلات أتشالت و الطريق 4 حارات في كل أتجاه و لكن السرعة زي ماهي لسه 100 كم/ ساعة و فيه 4 رادارات علي الطريق و بيغيروا مكانها و لكن بالليل كالعادة مافيش رادارات و لكن فيه نقل تقيل و بكثافة غير عادية كانهم بيعوضوا التوقفات أيام الخميس و الجمعة
خلي بالك و امشي علي مهلك لأن المفاجأت واردة و مش هاتفرق كتير يعني و انا رايج كنت ماشي طول الطريق 100 كم/ساعة و أخدت المسافة من بيتي في الرحاب الي مكتبنا بسموحة في 3 ساعات بالظبط
توصل بالسلامة أن شاء الله
مع خالص تحياتي
م/ سمير الشهاوي
لا تتجاوز 100 كيلو فى الساعه
وربنا يوفقك
الكماين هناك زى المطر من اربع الى 6 كماين سرعة
مفيش حاجه اسمها كده فيه كماين طبعاً علشان ده رزق البشوات :policeman:
يا خسارة :majd(4):
كنت عاوز اجرب الاسفلت الجديد :ma:
بس خلاص خلينا ماشين علي 100 وامرنا لله :36_7_4[1]:
أنا بأستخدم هذا الطريق يوميا لأن شغلى فى مدينة السادات - الطريق ممتاز وبدون تحويلات - أول رادار بعد أول كوبرى على الطريق وأنت مسافر من القاهرة إلى الأسكندرية - وثانى رادار عند مدينة السادات بعد سجن وادى النطرون ولكن أنصحك متزودش عن 100 كم / ساعة وخليك فى الأمان - ورحلة سعيدة
طيب ماحدش يعرف اخبار الطريق دلوقتي ايه في ظل الاخبار اللي بنسمعها كل يوم
فهل الاحسن اننا نسافر بالباصات ولا نتوكل علي الله ونسافر بالعربية ؟؟؟