مولد كهرباء أحتياطي للمنزل

hh · 22-06-2010 06:58 PM

طبعا كلنا شايفين ان الحكومة الرشيدة بتاعتنا لما لقت الصيف دخل و استهلاك الكهربا بيزيد, قررت تعمل ترشيد استهلاك اجباري و الكهربا بقت تقطع أكتر من مرة في اليوم و لفترات طويلة.

يا ريت الناس اللي عندها فكرة عن مولدات الكهربا الصغيرة (ما بين 2.5 الى 7 kva) يقول لنا ممكن الواحد يشتريها منين و متوسط أسعارها, و ايه نوع الوقود اللي بتستخدمه (سولار - بنزين) , و شكرا.

**ganash** · 22-06-2010 07:00 PM

موضوع جميل وكنت لسه بفكر فيه ياريت الى يعرف يقول بعد اذن حضراتكم

**mostafabakry** · 22-06-2010 08:48 PM

انا عندي واحد في البيت بشغله في الأوقات العصيبة دي بس للأسف قدرتة صغيرة جدا 650 فولت امبير بيشتغل بالبنزين و بيتشغل بواير مش مارش
لما الكهربا بتقطع بشغل عليه لمبة و مروحة و مبرد صحراوي
و علي رأي المثل " حمارتك العرجاء تغنيك عن سؤال اللئيم " الحكومة ""

و بفكر اشتري مولد كبير شوية 5 كيلو مثلا و كنت فاكر ان محلات المعدات دي في رمسيس خلف مسجد الفتح بس مش عارف اسم المنطقة ايه بصر احة بس هي بتبدي من ورا مسجد الفتح و تمشي معاها لغاية ماتوصل لدار القضاء العالي

عموما يا ريت حد عنده اي معلومة يفيدنا بيها

**M.Osman** · 22-06-2010 08:53 PM

هو اية جكاية الكهرباء اللي بتقطع اليومين دول ؟
بجد مش ناقصة خالص :( مقدرش استغنى عن الراوتر
:d

**mostafabakry** · 22-06-2010 09:09 PM

المشاركة الأصلية كتبت بواسطة m.osman

هو اية جكاية الكهرباء اللي بتقطع اليومين دول ؟
بجد مش ناقصة خالص :( مقدرش استغنى عن الراوتر
:d

المشكلة و بكل بساطة يا باشا ان نتيجة للفشل الكبير لكل حاجة في البلد و عدم وجود تخطيط سليم و بسبب ان حكومتنا الرشيدة معملتش حسابها علي زيادة قدرات محطات توليد الكهرباء بسبب تزايد الإستهلاك الطبيعي و بالذات في الأيام الحلوة اللي احنا فيها حاليا بيضطروا لتخفيف الأحمال عن طريق فصل الكهرباء عن الناس في المدن و القري كلما زاد الأستهلاك في ساعات الذروة و طبعا بما اننا في اليومين الحر الشديد اللي احنا فيها طول اليوم في ذروة محطات التوليد مش مكفية الإستهلاك فيضروا يخففوا الحمل و يفصوا بعض الأحمال
طبعا المصانع اللي بتاخد كهرباء مدعمه و ببلاش مقارنة بالأسعار العالمية مينفعش نقطع عنها كهرباء مع بتحاسبنا لما تبيع منتجاتها لينا بالسعر العالمي زي الحديد و الأسمنت و السيراميك و اللي مش عاجبة يخبط دماغه في اتخن حيط و زمثلها القري السياحية و المنتجعات اللي البهوات بيصيفوا فيها و التكييفات فيها شغالة 24 ساعة و بياخدوا كهربا مدعمة و كمان ما بيدفعوش ضرايب و بياخدوا دعم من الحكومة علي اساس انهم بيدخلوا عملة للبلد
فيقطعوا الكهرباء عن الغلابة اللي زيي و زيك ز ي باقي الشعب المغلوب علي امره

طبعا السؤال اللي بيطرح نفسه هنا ليه المسؤولين مفكروش في المحطات النووية من زمان و امتي مصر هتقدر تستفيد زي باقي الدول المحترمة من تكنولوجيا ليها 100 سنة موجودة و احنا ولا بنتحرك عشان نستفيد منها
شوفوا ايران بتعمل ايه

و حسبي الله و نعم الوكيل

hh · 23-06-2010 01:28 AM

ايه يا جماعة, مفيش حد يقدر يفيدنا في الموضوع ده؟؟

**dramir1** · 23-06-2010 02:55 AM

ياريت حد يقلي لو مولد يشغل مروحه ولمبتين من الموفره ممكن يتكلف كام ؟؟؟؟؟ومنين؟؟؟؟ وتكون قدرته قد ايه ؟؟؟؟

**M.Osman** · 23-06-2010 03:12 AM

المشاركة الأصلية كتبت بواسطة ahmed samy

في مولد يقدر يشغل تكييف !!

فعلاً مفيش مولد يقدر يشعل تكييف

...
حقيقي اللي بيحصل دا تهريج ... خصوصاً ان في ناس عندها امتحانات و ثانوية عامة و كدا...

انا امبارح 4 مرات .. كل مرة نص ساعة ... النهاردة مرتين .. كل مرة ساعة !

**Ahmed Samy** · 23-06-2010 03:50 AM

انا بافرفر يا محمد يا خويا

و البنت بقى بيجيلها حالة ذهول من الحر

باجيب فوطة مبلولة مية ساقعو و اهوي عليها

و علي انا كمان بالمرة

ربنا يخليكي يا مصر

-

الموضوع: مولد كهرباء أحتياطي للمنزل

LinkBack

أدوات الموضوع

عرض

-

-

-

-

المواضيع المتشابهه

مولد كهرباء للبيع

ايه افضل نوع سخان غاز للمنزل

ساعدوني ابحث عن مولد كهرباء صغير

مولد كهرباء محترم

مولد كهرباء Generator للمصايف والرحلات يعمل بالبنزين والزيت

الكلمات الدلالية لهذا الموضوع

المفضلات

المفضلات

ضوابط المشاركة