عرض للطباعة
كنت عايز ادهن العجلة بتاعت ابن خالتي الصغير:36_1_34[1]:
اصل انا قولتله هاصلحهالك و ادهنهالك اول ما اخلص الامتحانات
و رجعت من الامتحان لقيته مستنيني في البيت:_Alshmokh08[1]:
المهم انا صلحتها بس العجلة من الركنه فيها حتت مصدية
عايز ادهنها بس مش عارف ازاي
المفروض اسنفر الدهان القديم و بعدين ارشها
و لا اعمل ايه بالظبط يا ريت لو حد عنده خبرة في الموضوع يقولي اعمل ايه:shine[1]:
طب هترشها بأيه
ممكن تديها وش برايمر مضاد الصدا
وبعد كدا فورشة لكية
اما لو عاوز تعمل شغل اعلى شوية تجيب علبة معجون استوك بتاع العربيات
وتديها سكينة معجون كلها وتصنفرها بصنفرة نعمة كويس جدا بالماء والصابون لحد متنعم خالص وبعدين تشترى اسبراى دوكو ورش يا معلم
انا هارشها باسبراي من اللي بيتباع عند بتوع الحدايد و البويات ينفع مش كده؟
و لو هاعمل موضوع المعجون ده اجيبه منين وبكام
و شكرا لرد حضرتك
?????????????????????
علبة استك نص كيلو من عند بتوع البويات برضو
ب 10 ج
انا برضة عندى عجلة قديمة وعاوز اجددها ....فجمعت معلومات من فترة
دة المختصر منهم
هاتحتاج ان تفك كل اجزاء العجلة وتخلى البودى بس
هاتروح لمحل بويات وتجيب
ورق صنفرة متوسط ( قولة انك هاتستخدمة فى عجلة)
فرشة دهان عرضها 4:5 سم
علبة برايمير صغيرة (مضاد للصداء وبيثبت اللون)
2 علبة سبراى لون الى انت عاوزة
هاتجيب البودى وتنظفة كويس وتمسك الصنفرة وتصنفر كل جزء فية والسبب انك تشيل اللون القديم والصداء
لما تلاقى البودى كلة اتصنفر وبقا نظيف
هات البرايمر وادهن بية العجلة كويس وماتعملش بية طبقة سميكة ولا خفيفة خليها معقولة بحيث انك تغطى البودى كلة كويس وتسيبة يوم كامل ينشف ( المفروض انك تسية 3 ساعات ) بس انا شفتة فى منتدى اجنبى بيقول لازم تسيبة على الاقل 12 ساعة
بعد كدة تاخد البودى فى مكان مافيهوش تراب او شمس مباشرة
وترش الاسبراى على البودى من مسافة 15 سم تقريبا وخلى ايدك خفيفة وماترجعش على المكان المرشوش اكتر من مرة
بمعنى انك تمشى مرة واحدة على البودى كلة بالاسبراى وبعد كدة تمشى مرة تانى على البودى من اولة لحد ما توصلل للون المطلوب
يعنى ما تمسكش حتة واحدة وتفضل رايح جاى عليها ...لا البودى كلة اعتبرة حتة واحدة
وبعد كدة تسيبة 12 ساعة فى مكان جيد التهوية وبعيد عن التراب على قد ما تقدر
وتركب كل حاجة زى ما كانت لما ينشف
وتبعتهالى اخد بيها لفة هههههههههههههههههههه