الموضوع: خلوا بالكم من أولادكم قبل مانموتهالكم أو أحنا نموت بسببهم , موقف حصل معايا شخصيـــــا

المشاركة الأصلية كتبت بواسطة AMA

فى البداية العنوان عادى جدا بس فعلا فيه أهالى بتسكت عن حاجات كتيرة جدا عيالها بتعملها و عادى طول ماتوته و بودى و دودو بيلعبوا يبقى الناس تولع و تموت مفيش مشاكل ماهما دول أطفال و لازم ياخدوا حقهم فى اللعب بأرواح الناس
حصل موقف قديم معايا قبل كدة كنا فى عربية جراند تيريوس وطبعا انتوا عارفين أن الجراند تيريوس الثبات بتاعها زى الزفت فى السرعات العاليه و دا إلى حصل بالظبط أدامنا و بتجربه كنا كلنا هنموت فيها و دى الحكــــاية من أولها

فى الساعة 9 كدة بالليل و العجيبه أن الدنيا كانت هاديه جدا على الرصيف و مفيش ناس كتيرة خالص و الجو كان لطيف ,,,,,,,,,, المشكلة بقى أن العربيات كانت بتطير على الأسفلت بسرعة جنونيه غير طبيعيه لدرجة أننا من أول ماطلعنا و أنا خايف من الطيارات إلى بتطير جمبى دى سواء يمين أو شمال و طبعا مجاش فى دماغنا حاجة أن ممكن يحصل معانا موقف عجيب زى إلى بنشوفهم على النت أو نلاقى نفسنا فى مستشفى مكسورين أو ميتين بعد لحظات بسيطة جدا ,,,,,,,,, فجأة لقينا عربيه طايرة جمبنا من الشمال وأول ماقربت حدفت علينا حبه يمين كدة حاجة بسيطة جدا و رجع تانى شمال و بقى أدامنا على الجمب الشمال يعنى الشنطة بتاعة عربيته لو حدف حبه يمين كنا عملنا حادثة المهم قولنا نخفف السرعة حبه و عادى مفيش مشكلة وخففنا السرعة حاجات بسيطة المهم قرب مننا و كنا طايرين و العربيات كلها طايرة كأنها فى سباق ,,,,, و مرة واحدة يطلع من الجمب عيل صغير حوالى 8 سنين أو 10 كدة و ماسك حاجة فأيدة طبعا أنا شوفت المنظر دة برقت و قولت أحنا لو دوسنا بنزين حاجة بسيطة هنشيل جسمه كله و هنطلعة بره العربيه و هندوسه كمان لأن العربيه التانيه كانت بتزنق علينا بطريقة غريبه جدا و على جمبنا اليمين فيه عربيه تانيه بعيده عننا بمسافه متر كدة و فجأة و بدون مقدمات الكانز تتحدف على العربيه أدام الأزاز ,,,,, طبعا إلى سايق العربيه بينا من كتر الفجعة لأنه كان خايف على العيل دة لحسن يقع حتى من غير ماحنا نلمسه و لما شاف الكانز دى طايرة فكر أن دة العيل و وقع و نزل على الكبوت بتاعنا و كان تصرف السواق من الخضه أنه ييجى يمين حاجة بسطة جدا عشان برضة فيه عربيه جمبنا على اليمين زى ماقولتلكم بعيده عننا حوالى متر كدة و رجع تانى شمال عشان برضة ميخبطش فى العربيه اليمين إلى جمبنا و مرة واحدة نلاقى العيل دة دخل تانى و العربية طــــــــــارت و كأنهم بيتسلوا على الناس ,,,,, طبعا مش عايز أقولكم أحنا أترعبنا أزاى و بنبص ورانا و بنسمع كدة لقينا كـلاكس العربيه إلى ورانا معلقه كدة عشان أحنا نزود السرعة طبعا أحنا كانت سرعتنا ساعتها بعد ماكانت العربيه هتتقلب بينا حوالى 40 كدة راح إلى ورانا دة معدى جمبنا و بيقولنا (أية يا بهايم أنتوا عشان راكبين المقطورة دى تعملوا كدة فى خلق الله) راح طاير برضة جمبنا طبعا أحنا بصينا من غير مانتكلم خاااااااااالص لأنه مش فاهم حاجة عادى مش هناخد على كلامه و من كتر الفجعه كان صوتنا رايح حتى لما نزلنا و فى الأخر الأضرار = صفــــر و الحمد لله لكن ممكن كانت الأضرار تبقى أن العربيه إلى أحنا فيها دى تتقلب على العربية إلى فى الجمب اليمين و ناخد كمان حوالى 4 أو 5 عربيات ورانا و عدوا معايا الخساير الماديه و البشريه كانت هتبقى عامله أزاى
المرعب فى الموقف كله أننا ساعة لما جينا يمين كدة أنا كنت قاعد أدام فى الجمب اليمين فعايز أقولكم حسيت أننا لو مطلع أيدى برة هتتحشر مابين العربية دى و العربية التانيه و المرعب أكتر أن العربيه حسيت أن الكاوتش بتاعها فى الجمب الشمال كله كأنه أترفع من على الأرض و فعلا لما الراجل ظبط نفسه على الشمال تانى سمعنا صوت أحتكاك جامد جداااااااااااا مابين الكاوتش و الأسفلت

فياريت يا جماعة أى حد عنده ولاد يفهمهم أو يعرفهم أن كدة ممكن يوصل لناس إنهم يموتوا على الأقل دى النضافة من الإيمان يعنى أبسط كلمة و يحافظ عليهم لأن المنظر دة بصراحه أنا كان كل خوفى على الولد لحسن يقع من العربيه لأنه شكله كان واقف على الكرسى وإلى سايق دة معرفش مش أخد باله كل دة أزاى
و الحمد لله على كــــــــل شئ

أنا عايزه اقولك ان مره كنا راكبه جنب جوزى و كنا فى شارع سريع نوعا ما فى الشيخ زايد يعنى الناس ماشيه مش على اقل من 70 او 80 مثلا و لقيت عربيه جانبى جالها حالته هبل و بتقرب مننا جدا كانت هتخطبتنا بجد
انا اترعبت و ابص الاقى السواق مقعد طفل عنده 3 سنين مثلا على رجله و مخليه هو اللى ماسك الدريكسيون و هو بس يا دوب بيلحقه طبعا بصيت له بصه مش اللى هيا ... الراجل بقى عمل ايه .... ضحك جدااااااااااااا و لا كأن فيه حاجه

بس اقولك على معلومه ان الناس فى بلدنا تقريبا معظمهم جالهم مرض البروووود
يعنى النهارده كنت راكبه مع جوزى و فيه مطلع فى زايد كده صعب اوى تحس انك طالع جبل
و له اتجاهين طبعا .. اول ما وصلنا قرب نهايه المطلع و احنا كنا فى الاتجاه اللى طالع و جنبنا ميكروباص ماشى على نفس السرعه يعنى قافلين المطلع احنا الاتنين و نلاقى عربيه 128 جايه فى وشنا عايز ينزل من اتجاه الطلوع ..واللى يغيظك بقى ان اتجاه النزول مافيهوش مشاكل و فاضى تماما
بقى يا عينى جوزى مش عارف يروح فين و طبعا ده لو كان خبطنا كنا هناخد المطلع ده لورا و تبقى كارثه
المهم ان سواق الميكروباص اتصرف و حرق على عربيته جامد و وسع مكان لجوزى انه يحدف يمين
لما الراجل بتاع ال 128 عدى من جنبنا جوزى بيقوله ليه كده طيب .. راح السواق الغبى شوح له ..
بعد ما عديناه لقينا وراه عربيه سوزوكى فان جايه برضه فى وشنا
جوزى قاللى الهمجيه دى بتبقى طبع .. و الطبع فى الدم ما يطلعش الا بطلوع الروح

ربنا يسترها معانا