حادثة التونسي والمطب الجديد علي الكوبري

**Moe86** · 23-06-2010 06:27 AM

معلش مش واخد بالى, دة الكوبرى اللى فى أخر الأتوستراد ؟

**MaZaGAngeE** · 23-06-2010 07:21 AM

هوه المطب في أول الكوبري أو آخره مش في النص
صح كده ؟
مش معقول المطب في نص الكوبري . ما ينفعش

**M.Mosaad** · 23-06-2010 08:37 AM

انا نفسي اشوف الناس دي اللي بتحط القرارات
نفسي اتفرج عليهم هما ناس زينا كدة نفس الشكل يعني

يعني يمكن تفريقهم عن بني البشر شبهنا يعني

مطب فوق كوبري اللي هو الحاجة الوحيدة اللي الواحد بيبقي ضامن ان مفيش مطب عليها و بيمشي مطمن

كنت جاي علي طريق العين السخنه و داخل القاهرة و لمحت يافطة كدة بتقول حاجة كمان 500 متر طبعا انا ماشي ملتزم و الله علي سرعه الطريق 120 كم يعني قعدت افكر هو ايه اللي بعد 500 متر لان اليافطة متكررتش تاني لقيت ايه بقي حوالي 5 مطبات متتاليه لولا ستر ربنا بس مش اي حاجة تانيه مكنتش عارف كان حصل ايه

**Akram** · 23-06-2010 09:19 AM

هي دي سمة المسؤولين في بلدنا ,
قرارات سريعة غير مدروسة ,
ينتج عنها مشاكل و تلفيات و اضرار بالشعب و بالمال العام ,
و مفيش حد يتحاسب .........

**tutankhamoun** · 23-06-2010 09:23 AM

ممكن يا جماعة أقول حاجة بعد أذنكم و محدش يزعل مني .
أولا طبعا انشاء مطب صناعي أعلى كوبري ده قمة التخلف الاداري و الفقر في التفكير .

بس أصلا على كوبري و سرعة 120 كم - س ............... ده أنتحار رسمي و خرق لكل قانون طبيعي .

معلش يا جماعة محدش يزعل مني ........
المفروض سرعة العربيات على الكباري لا تزيد عن 70 كم - س لو كوبري واسع ....... و لو ضيف شوية لا زيد عن 60 كم - س .

ده اللي بيحصل في البلاد اللي فيها قانون
البلاد اللي فيها ناس بتمتحن و تطلع رخصة .... اللي فيها تطبيق قانون بعدل على كل الناس .

في أنجلترا مثلا السرعة أعلى الكباري ...... هي 50 كم - س فقط لا غير و لا تزيد عن ذلك .

================================================== ==

حاجة كمان ...
سرعة أقل = وصول آمن بنسبة كبيرة جدا في وقت أكبر قليلا .
سرعة أعلى = وصول آمن بنسبة أقل و ممكن زمن أقل شوية .

معلش يا جماعة .......... مفيش حاجة أسمها أنا حافظ الطريق ,,,,,,,,, أولا في مصر الطرق بتتغير في ثواني ..... و ظروف الطريق بتتغير في ثواني ...

**m_mekkawy** · 23-06-2010 09:42 AM

ياسالاااااااااام جميله قوى حكاية المطب دى

**mahmoud5777** · 23-06-2010 10:04 AM

ده مصدر فخر لينا ان احنا بدعنا تكنولوجيا وضع المطبات الصانعية فوق الكبارى وشرف لينا نا اللي بيسوق فى شوارع المحروسة يسوق فى اجدعها رالى بصباع رجلو الصغير
وعجبى