حادثة التونسي والمطب الجديد علي الكوبري

**silicon25** · 22-06-2010 07:38 PM

السلام عليكم يا رجالة نايل موتورز
طبعا ناس كتير أتعطلت النهاردة عشان الحادثة , ربنا يرحمنا جميعا أحياء و أموات
أنهاردة وانا رايح الشغل مشيت من الدائري عشان الأوتوستراد كان واقف ومعرفتش فيه ئيه
بس وانا مروح أصريت أمشي فالزحمة عشان أشوف في ئيه
طبعا كانت كارثة
أول حاجة جات فبالي لما شوفت السوق كله بالكامل محروق... عملتها الحكومة!!
اه مهى مش أول مرة عملتها قبل كده فالسوق ئلي فالمعادي عند القرية الأولومبية
الناس مكانتش عايزة تسيب العشش بتعتها فالحكومة بعتت بلطجية ولعت فيه و طبعا مشيت قضاء وقدر
بس الناس هناك كلها عارفة الملعوب.

المهم عرفت بعد كده أنه عربية سيراتو طارت من علي الكوبري الساعة واحدة ونص الصبح ووقعت علي مستودع أنابيت وفرواية قهوة ورواية تالتة ورشة!!!

طبعا الكلام الداير كله عن الشباب الطايش المسئول, الله أعلم هو فعلا طايش؟

أنا مش طايش ومش بدافع عن غلط بس,,,
لو أنا مروح بعد يوم طويل متعب وعايز أوصل البيت بسرعة
لو الطريق حافظه شبر شبر
لو الساعة واحدة ونص الصبح والدنيا فاضية
لو جريت حبتين علي 120 مثلا,

كلنا بعمل كده , ده مش تهور ولا عدم إحساس بالمسئولية,
لكن...

لما تلاقي مطب جديد علي الكوبري
المطب المصري هو بكل فخر من القلائل التي يمكن أن تفخر به أنه صناعة مصرية خالصة 100/100 إبداع وفكر وتنفيذ
ويضاف ألي العجائب السبعة عجيبة أخري
المطب المصري الشامخ فوق الكوبري ,,, إبداع لا يمكن أن يحدث إلا في المحروسة
مش عارف هية لسة محروسة؟
محروسة من أيه؟
أكيد مفهاش بطالة و لا سرطان و عنوسة ولا فساد و الأكل كتير من اللحمة للرغيف وكل حاجة رخيصة
وأغلي حاجة البني أدم

صحيح لو المطب ده سبب الحادثة تبقي أرواح و ممتلكات الناس ئلي ضاعت فرقبة العبقرى ئلي هندس فكرة المطب
و الإماعات ئلي بتنفذ التعليمات و محدش بيقول لأ فالغلط

حسبنا الله ونعم الوكيل

**a7mode** · 22-06-2010 08:12 PM

مطب صناعى ؟؟؟ وفوق كوبرى سريع ؟؟ طب ازاى دى بقى ؟؟؟؟؟؟؟؟

بدل ما يمنعو الكوارث ما شاء الله بيزودوها !!!! تحيه وكل إجلال وتقدير للمفكر والمصمم والمنفذ طبعآ فوقيهم كلهم .

**mohamedrefaay** · 22-06-2010 08:15 PM

هى دى مصر

**hazemhassan** · 22-06-2010 08:18 PM

ياخبر
دة غباء من العالم
وبالمنسبة الحريق انهاردة بردو حصل حريق فى كلية التجارة وخيمة ولعت وكان فى امتحانات شغالة بس اتعملو معاها بشكل سريع وربنا ستر

**Samir Elshahawy** · 22-06-2010 10:34 PM

فعلا أنا كنت راجع النهاردة من وسط البلد عن طريق الدائري و أذا بالطريق واقف من قبل مطلع المقطم الي الكوبري
المهم لما طلعت الكوبري و لسه بأزود السرعة فؤجئت بمطب صناعي (من أياهم في أعلي نقطة بالكوبري ) و لونه أسود يعني لو بالليل أستحالة حد يشوفه

الكلام ده كان حوالي الساعة 7 مساء النهاردة
الاغرب بقي أن الجهة القادمة من المعادي كانت واقفة بسبب حادثة أشتركت فيها 4 عربيات داخلين في بعض و المرور واقف و الظباط و أمناء الشرطة واقفين و مش في دماغهم يحذروا العربيات في الاتجاه اللي كنت انا جاي فيه

بصراحة حاجة تحرق الدم و مطب صناعي علي كوبري و رجال المرور واقفين يتفرجوا علي العربيات و هيا بتخبط في بعضها
قمة الاهمال و الاستهبال

ربنا ينتقم من كل ظالم و مفتري
حسبي الله و نعم الوكيل

**hobaz** · 22-06-2010 10:47 PM

لاحول ولا قوة الا بالله وربنا يحفظنا من شر الطريق...

**w-m-a** · 22-06-2010 10:56 PM

دى كارثه بكل المقاييس
ولازم وقفه مع هولاء المبدعون فى الاذى
لازم يقاضوا ويدفعوا ثمن اخطائهم
ويحاسبوا على دم وارواح الناس

**NoRmAl** · 22-06-2010 11:08 PM

ربنا يرحم الى ماتوا ويسكنهم فسيح جناته
ومش عارف بجد أيه آليه إنشاء المطبات فى مصر
يعنى هل المكان دا من الكوبرى فى مشاه بتعدى مثلاً

**E30power** · 22-06-2010 11:13 PM

يا نهااااااار بتنجااان ........دة احنا نخش موسوعة جينس للارقام القياسية ....مطب صناعى على كوبرى ............

**M.Osman** · 23-06-2010 12:51 AM

مطب على كوبري ؟
يعني دا سبب الحادثة بجد ؟

..............*........

مخالفة للقاعدة
12- ممنوع وضع أى ألفاظ أو صور تخرج عن الأدب العام فى التوقيع الشخصى او الافيتر أو فى مداخلات .
ستعامل هــذه المواضيـــع بالحــذف
• فى حالـة مخالفـة هـذه القاعـدة أول مـرة سيتـم إنـذار أول العضـو مع إيقافـه أسبـوع .

تم الوقف مع التخفيف
مشرف عام 3

الموضوع: حادثة التونسي والمطب الجديد علي الكوبري

LinkBack

أدوات الموضوع

عرض

حادثة التونسي والمطب الجديد علي الكوبري - انشر الموضوع فى :

-

-

-

-

-

المواضيع المتشابهه

'طريقه طلوع الكوبري وهو زحمه

بتقف علي مطلع الكوبري ازاي

مطب على اول الكوبري !!!!!

أول الكوبري ياسطة !!!

الكلمات الدلالية لهذا الموضوع

المفضلات

المفضلات

ضوابط المشاركة