سيارات خدمت فى مصر ولم نعد نذكرها

**segsauer** · 15-01-2008 01:24 PM

شكرا على المعلومات القيمة يا خالد باشا

**شريف** · 15-01-2008 08:55 PM

شكرا ياباشا

**فادى** · 15-01-2008 11:06 PM

"رمسيس(الملاكى): سيارة صغيرة انتجتها الشركة المصرية لوسائل النقل الخفيف فى السبعينات، كانت تشبه ال128 القديمة ،بس على اصغر،ببابين فقط ومحرك خلفى مبرد بالهواء، ولم يكتب لها الكثير من النجاح وكان يضرب بها المثل فى مدى قلة قيمة السيارة"

الرمسيس كانت مقتبسة من احدى شركات ألمانيا الشرقية على ما أذكر. و كان فيه مشروع من قريب يتحدث عن اعادة احيائها! و هى فكرة جيدة جدا لأنها أعتقد انها حل سحرى لكل غير القادرين على شراء سيارة و بديل جيد جدا للتوك توك. و يمكن تضرب و تبقى ماركة عالمية زى الفولكس كده!!

**Ahmed Anwer** · 16-01-2008 12:02 AM

السيارة الرمسيس كانت حلم مصري جميل قام به مجموعة من المهندسين المصريين ،،

و لكن التأميم ضيعه ،،

للأسف مش عارف اجيب معلومات كتير عن المشروع الرائع ده ،،

كان نفسي اعمله موضوع لوحده

**Abu Aly** · 16-01-2008 01:29 AM

و الله موسوعة يا استاذ سبعاوى و ذاكرتك ماشاء الله جامدة اوى ( قوى ! ) و فكرتنى بعربيات زمان و ايام زمان .. حاولت افتكر اسامى تانية و مقدرتش دلوقتى ..
فى عربيات لسه موجودة لكن كان ليها شنه و رنه و تواجد كبير زمان زى الستروين السوداء و الستروين 2 حصان .. اما العربيات الامريكانى كانت منتشرة جامد زى الشيفرولية
الاصلى و البويك اما سيارة الاتوبيس كارتر فطبعا ده تسمية شعبية .. تقريبا كان اسمها "وارين" لكن مش متأكد و جه برضه ايام السادات اتوبيس مرسيدس نقل عام مصنع فى ايران سموه " الشاهبانو"! ..و طبعا الفولكس البيتلز كانت متواجدة جامد.. مسكوفيتش ده يمكن كانت احسن من اللادا و اغلب اللى جابوها طيارين مصريين و مش بعيد يكون مستر x جابها ! .. اما الفيات المصرى فكان ايضا الاولوية للضباط العائدين من اليمن و كان فيه نكته : سألوا جندى امريكى انت ليه بتحارب .. رد و قال: علشان نصر امريكا و سألوا جندى روسى : انت ليه بتحارب ؟ : قال علشان نصر الاتحاد السوفيتى .. و بعدين سألوا جندى مصرى فى اليمن وانت ليه بتحارب رد و قال علسشان : نصر 1300 !

**Karim_Monir** · 16-01-2008 10:13 AM

خالد هيا العربية التاونس الماني ولا فورد

**Chicco** · 17-01-2008 05:08 AM

مع إن الموضوع قديم انما مشفتوش قبل كده :o.... ألف شكر للباشا الكبير سبعاوي و شكرا للاخ الفاضل اللي طلع الموضوع تاني ;)

فارتبورج: سيارة من المانيا الشرقية تشبه الى حد ما الموديلات القديمة جدا من ال بى إم دبليو، ظهرت مجموعة منها فى مصر فى اواخر السبيعنات

لسه فاكر الحمله الاعلانية بتاعة العربية ديه... كان اللوجو بتاعها "السيارة الالمانية رقم واحد في العالم " و الناس فضلت تضرب أخماس في أسداس إيه العربية اللي أحسن من مرسيدس

.... لحد ما نزلوا صورتها و طلع انها العربية رقم صفر و انها من ألمانيا الشرقية :D

**magomago** · 17-01-2008 07:19 AM

معلومات جميله وشيقه
شكرا للمجهود وإضافى الصور

**amr mokhtar** · 17-01-2008 08:20 AM

شكرآ على الموضوع الجميل ده يا استاذ سبعاوى

المشاركة الأصلية كتبت بواسطة sab3aawy

كارتر: اتوبيسات امريكية حصلت عليها مصر ضمن اول دفعات من المعونة الأمريكية بعد معاهدت السلام، وكانت تعمل على خطوط هيئة النقل العام وكانت تتميز بمحرك ثتائ الأشواط بالغ الضجيج شبه صوتة صوت البلدوزرات

يعنى محرك ثانئى الأشواط ؟؟ اللى أعرفه ان محركات الإحتراق الداخلى بتبقى أربع أشواط

معلش حاجة تانية انا سمعت كتير عن السيارة رمسيس لكن مش لاقى اى صور عنها على النت و كأنها لم تكن موجودة أصلآ
يا ريت لو حد شاف اى صورة ليها يحطها فى الموضوع ده
و شكرآ