الموضوع: توافق على ان زوجتك او اختك تسوق في شوارع القاهرة

المشاركة الأصلية كتبت بواسطة karim_monir

استاذ وليد انا فعلا ضد ان الست تركب مواصلة لوحدها لحاجات كتير منها ما هو ديني زي الخلوة مع رجل بدون محرم
وثانيها وثالثها ورابعها اللي بيحصل في المواصلات العامة واقسم بالله اني كنت اعرف بنات تفضل انها تمشي 5 كم على رجلها من انها تبهدل نفسها في اتوبيس او ميكروباص لانها لا تملك اجرة التاكسي
والكلام ده ساكنة جوة القاهرة مش برة

والله يا استاذ كريم فعلاً انا بحترم جداً ارائك ومشاركاتك
الحمد لله ان فيه في بلدنا حاجة اسمها المترو. الواحد من غيره مش عارف كان عمل ايه. يا ريت لو يعملو كده في بقيت المواصلات انه يكون في اوتوبيسات ومينيباصات خاصة للسيدات علشان يبقى فيه قدر اكبر من الإطمئنان على بناتنا وزوجاتنا. انا طبعاً بتكلم على كل شرائح المجتمع مش بس اللي عندهم عربيات.
اما بالنسبة لموضوع التاكسي فبالظبط زي ما حضرتك قولت ان مستحيل الواحد يآمن ان زوجته او اخته تركب لوحدها مع شخص مجهول ويكونوا لوحدهم واديك شوفت اللي حصل مع الاستاذة اونا. شخص زي ده المفروض يفضل جوة عربيته ويولعو فيه.
للأسف احنا عايشيين في غابة من الانحطاط والسلبية والانعدام الاخلاقي. ربنا يستر على ولايانا

والله هو موضوع من ضمن مواضيع كل ما الواحد يفكر فيها يرجع يقول لنفسه ماتفكرش و سيبها على الله

طبعا هو شر لابد منه - لازم عربيتها تكون فيها سنتر - و بيقفل لوحده مع أول دوسة فرامل -

العربية يكون فيها تكييف عشان تقفل الزجاج و ماتسمعش ولا تحتك بحد قدر الإمكان

العربية يا تكون صغيرة بقدر الإمكان لسهولة التحكم يا تكون كبيرة و عاليه للردع

العربية تكون أعطالها بسيطة قدر الإمكان و متصينه عشان ماتعرضهاش لموقف مالوش لازمة

تنبه عليها ماتقفش فى أى شارع عشان تتكلم فى التليفون و تسيب الزجاج أو السنتر مفتوح - و يكون الشارع منور مايكونش مظلم

لازم توعيها ماتمشيش من شوارع جانبية ولا تتأخر بره

تأكد عليها ماتفتحش الباب ولا السنتر ولا الزجاج لأى حد أيا كان واحد أو واحده - أقصى حاجة حوالى 7 سم من الزجاج تتكلم لو فى أى حاجة

تمشى فى شوارع رئيسية منورة على قدر الإمكان

تشيل معاها سيلف ديفنس

يوم لما الواحد ربنا يكرمه و يقدر يجيب سواق يكون راجل كباره معدى ال 55 و يكون على خلق و دين و ياخدله 700 جنيه فى داهية بس يضمن إن مراته أو أمه أو أخته فى أمان

انا شايف ان الموضوع واخد اكبر من حجمه
لانه هناك بنات و سيدات يقودون افضل من مليون راجل

المشاركة الأصلية كتبت بواسطة tutankhamoun

أنا رأيي الشخصي إن
الستات و الرجالة المحترمة يقعدوا في البيت و محدش منهم يطلع يسوق في وسط الملاهي المصرية
للحفاظ على حرقة الأعصاب
و للحفاظ على السيارة
و توفير في البنزين
--------------------------------
كل يوم برجع البيت و أنا حاسس إن أنا هاموت من البهايم في الشارع
حــــــــــــــــــــــــ ـــاجــــــــة تـــــــــقــــــــرف
حسبي الله و نعم الوكيل في الشعب و الحكومة
الشعب بقى حاجة صعبة جدا جدا جدا
فوضى ثم فوضى ثم فوضى ثم همجية ثم غباء في غباء ثم تخلف و جهل و عبط و استهبال واستعباط
نفسي أركب على العربية أد 100 صاروخ
و كل حمار يعمل حركة غبية من قدامي أروح مديله صاروخ و يغور في ستين داهية
أنا قربت أدخل مستشفى المجانين بسبب السواقة في القاهرة و في مصر عموما
يارب عديها على خــــــــــــــــير قبل ما أموت بالحسرة أو في حادثة عربية في مصر أو ينتهي بي الحال في الخانكة

السلام عليكم
كلام مضبوط 100 بالــ 100:):)
و أنا مع توت فى إنة كلة يقعد فى البيت رجالة و ستات علشان دى بلد السواقة فيها حرام. :):):)

المشاركة الأصلية كتبت بواسطة Migo123

يا توت والله انا خايف عليك وخايف منك
انت بقيت عامل زي القنبله الموقوته
محدش عارف ها تنفجر امتى

يا عم حاول تشوف اي حاجه خلوه حواليك
اقولك
خد اجازه
وروح شرم غير جو اسبوع ولا حاجه
انا خايف يجي يوم اسمع انك دخلت المنتدى بحزام ناسف
او انك واقف فوق البرج بتتفاوض مع الداخليه ومفخخ الجين 2

أولا شكرا على نصيحة حضرتك
ثانيا متخفش مش هافرقع فيك و لا أي حد من رواد المنتدى :D :D :D
بس على فكرة مهما أعمل ......... أروح شرم ....... أو الغردقة ...... الفيوم ...... اسكندرية أو الإسماعيلية
و أرجع تاني من مجرد ساعة سواقة ............ برجع لحالتي تاني و أبقى هاموت من الغيظ من اللي البهايم بتعملوه في الطرق
أنا فعلا كرهت السواقة و العربيات و اللي بيسوقوا و كرهت أروح أي مشاوير و حاسس إن أنا محبوس و كله بسبب الهمجية المصرية
حسبي الله و نعم الوكيل
------------------------------------------------------------
لي رأي على موضوع سواقة الستات
أنا طبعا شايف إن في تحامل كبير على الستات و قيادتهم للسيارة بوجه عام
و إن كنت أتفق أن السيدات أقل مهارة في القيادة من الرجال في العموم
و لكن نأتي للحال في جمهورية مصر العربية

الستات بتسوق بغشامة و الرجال بيسوقوا باستهبال و قلة أدب
و دي خلاصة الطريق في مصر
ستات غشيمة ............... و رجالة بتسوق بالدراع
و تــــــــــــــــحيــــــ ـــــــا ج . م . ع و أجدع سلام يا جدع ل ج . م . ع

المشاركة الأصلية كتبت بواسطة OlaOsman

ماهي هتتعرض لنفس التصرفات دي و أسوأ لو ركبت المواصلات العامة.. حتى لو المكيف.. و حتى لو قاعدة على كرسي جيب الشباك باحترامها.. برضه بتتعرض للتحرش :(

اما عن التاكسي فالنساء برضه بيتعرضن لأنواع من البهدلة و البلطجة بتخلي الواحدة مش عايزة تخرج من بيتها

المشكلة ان حتى الزوج او الأخ اللي اخته بتروح جامعة او بتشتغل و مش موافق على قيادتها العربية ما يقدرش يعمل لها حاجة عشان يحل لها مشكلتها مع المواصلات العامة و التاكسيات عشان دي مش مشكلة وسيلة المواصلات نفسها على أد ما هي مشكلة سلوك الناس و منظومة امنية.. يعني لو الواحدة خارجة من بيتها و وسواء سايقة عربيتها او راكبة في وسيلة مواصلات و متأكدة ان اللي هايتحرش بيها هاياخد جزاءه لو استنجدت بظابط او امين شرطة، كانت الدنيا هاتبقى اسهل بكتير.. انما فقدان الأمن في الشارع المصري حوله لغابة أقل ما فيه اللي بيحصل للواحدة و هي في عربيتها.. على الأقل فيه ناس معندهاش أخلاق و لا دين انما ممكن يخافوا انها ممكن تكون ليها قريب جامد في الداخلية تقوم تاخد رقم عربيته و تبلغ عنه قريبها.. انما المسكينة اللي في الأتوبيس او حتى في التاكسي دي مين ياخد لها حقها؟ :(

والله معاكي حق في كل كلمة قلتيها

المشاركة الأصلية كتبت بواسطة tutankhamoun

أنا رأيي الشخصي إن
الستات و الرجالة المحترمة يقعدوا في البيت و محدش منهم يطلع يسوق في وسط الملاهي المصرية
للحفاظ على حرقة الأعصاب
و للحفاظ على السيارة
و توفير في البنزين
--------------------------------
كل يوم برجع البيت و أنا حاسس إن أنا هاموت من البهايم في الشارع
حــــــــــــــــــــــــ ـــاجــــــــة تـــــــــقــــــــرف
حسبي الله و نعم الوكيل في الشعب و الحكومة
الشعب بقى حاجة صعبة جدا جدا جدا
فوضى ثم فوضى ثم فوضى ثم همجية ثم غباء في غباء ثم تخلف و جهل و عبط و استهبال واستعباط
نفسي أركب على العربية أد 100 صاروخ
و كل حمار يعمل حركة غبية من قدامي أروح مديله صاروخ و يغور في ستين داهية
أنا قربت أدخل مستشفى المجانين بسبب السواقة في القاهرة و في مصر عموما
يارب عديها على خــــــــــــــــير قبل ما أموت بالحسرة أو في حادثة عربية في مصر أو ينتهي بي الحال في الخانكة

+100000000000